land van Kessel - inv. 1596 - rekeningen Dericks van der Horst 1460/1461
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
inv. nr. 1596
[afbeelding 0001-1596_001 + 002]
[1460/1461]
Dit is rekeninge ende bewisinge mijns Dericks van der Horst, Amptman stlants van Kessell ende ter Horst van allen upboeren ende
uytgeven, dat ick van weghen myns lieven genedigen heren van Gelre ende van Gulick ende Greve van Sutphen upgeboirt ende
uitgegeven heb aengaende op onser lieuver vrouwen dach Annunciatio in den jair ons heren M CCCC LX (1460) ende uitgaende
op onser lieuver vrouwen dach Annunciatio in den jaeren van LXI (1461).
Primo van den renthen van der Horst
Item van pacht van der Jofferen van Meerlair van oeren guede tot Oesterick, daer sy in woent, geboirt V vaet rogghen
Item van eygemans kynderen van oeren giede tot Wevort geboirt III malder III vaet roggen
Item van Jacop Messen guede achter der kercken geboirt I malder roggen
Item van der nijer tienden geboirt VII malder III vait rogge
Item van der pacht to Berchem van der moelen tot Sevenhem geboirt II malder II vaet rogge
Item van den molenen geboirt LXX malder rogge
Summa LXXXV malder I vait rogge, tmalder gerekent voir VI vait.
Items des roggen gheet aff aen Goedert van Vloedorp Berdeursticker, die hy jaerlicks uiten moelenen geldende heefft VI
malder roggen.
Item den IIII ordenen van alder gewointen op ter moelen gegeven IIII vaet roggen.
Item als dese VI malder ende IIII vaet rogghen van den voirgen(oemde) somme affgetoghen syn, soe blyfft des roggen noch
LXXVIII malder III vaet rogghen.
Summa per se.
[afbeelding 0001-1596_003]
Item ummetrent sunte Remeysmisse dede ick des roggen vercoepen XXVI malder, tmalder ad I ryns gulden 1 stuver, maect XXVII
ryns gulden VI stuver, den gulden ad XX stuver ende soe voirt dese rekeninge uit.
Item ummetrent Kerssmisse dede ick des roggen vercoepen XXVIII malder, tmalder ad XVIII stuver, maect XXV ryns gulden IIII stuver.
Item soe blyfft des roggen noch XXIIII malder III vaet, den hebbe ick doin vercoepen tmalder ad XVII stuver, maect XX ryns gulden
XVI stuver II ortken.
Item van den molenen geboirt XXIIII malder malts, tmalder ad XVI stuver, maect XVIIII ryns gulden IIII stuver.
Item van den moelenen geboirt VIII malder III vaet boeckweits, tmalder ad XII stuver, maect V ryns gulden II stuver.
Item van pacht geboirt 1 malder V vaet evenen ende tot Oerle van wey evenen III malder 1 vaet, te samen V malder evenen,
tmalder ad VIIJ stuver, maect I ryns gulden XVII stuver II ortken.
Item van enen ponde vlass geboirt 1 stuver
Item van tynse geboirt XXI ryns gulden des gheet aff die myn genedige here den gasthuse gegeven heefft VI alde botdreger, soe
blivet XX ryns gulen XIII stuver IJ ortken.
Item van der assysen geboirt IX ryns gulden.
Item geboirt LIIJ apoen tstuck ad 1 stuver, maect II ryns gulden XII stuver II ortken.
Item geboirt XLII hoenre ende tot Swolgen XII wey hoenre tesamen LIIII hoenre, tstuck ad J stuver, maect I ryns gulden VII stuver.
Upboeren van gewynne ende van broecken ther Horst.
Item van Johan den Cuper aen smaelbrugge van gewynne geboirt 1 ryns gulden
Item voir Pouwels sHoegen in Meldersloe velde van gewynne geboirt III ryns gulden V stuver
Item Thys Eygemans had gemeynt aen gegraven, gecomponeert by raet der scepenen myt IIII ryns gulden maect myns
genedighen heren deell II ryns gulden.
Item Johan van Schadick had guet aen gevangen dat syn nyet en was, gecomponeert by raet der scepenen myt XXXII ryns gulden,
maect myns genedigen heren deell XVI ryns gulden.
Summa XXII ryns gulden V stuver.
Upboeren in den lande van Kessell
Primo Kessell ende Helden.
Item Tysken die Baede van eenre vrouwen tot Kessell van gewynne geboirt II ryns gulden X stuver
Item van Thijs Welters van gewynne geboirt VI rynse gulden
Item van Jan van Aenstoet ende van Segher Borchcamp van ordell gelde geboirt twie V mck (?) valet II rynse gulden V stuver
II ortken.
Item van Tys Welters ende van Gerit Schraemoits van erfftalen geboirt twie V mck (?) valet II rynse gulden V stuver II ortken.
Item Soemerman had woirde op enen scepenen gehadt daer omme die lantscepenen tot Kessell vergadert ende hy waert
broeckich gewesen, der broecken en waeren die scepenen nyet wijs, soeen konde soemerman dat ordell nyet verborgen ende
en dorst des net verwachten, gecomponieert by raet der scepenen myt C ryns gulden.
Summa C XIII ryns gulden 1 stuver.
[afbeelding 0001-1596_004]
Baerle nyet geboirt
Brede
Item van Jenken Scomeker van nyen erve van gewynne geboirt I ryns gulden XV stuver
Item Peter van Brede van gewynne geboirt XVIIII stuver
Item van Alet Costers van gewynne geboirt V stuver
Item van Johan ende Derick Tymmermans gebruederen van gevecht geboirt twye V mck (?) valet II rynse gulden V stuver II oirtken.
Item Herman Pelssers dochter had enen man gedreight, gecomponeert by raet der scepenen myt VI rynse gulden.
Item Peter Aechten van gevecht V mck (?) valet I rynse gulden II stuver IIJ oirtken.
Item Gerit Noyen had rueben gepluct, die sijn niet en waeren, gecomponeert by raet der scepenen myt V rijnse gulden.
Item van Peter Aechten guede geboirt V malder roggen, tmalder ad 1 ryder gulden, maect IIII ryns gulden VII stuver II ortken.
Item van der nyer teenden geboirt IIJ malder roggen, tmalder ad 1 ryder gulden, maect II ryns gulden III stuver III ortken.
Item Wolter Smyt had in die gemeynt van Sevenhem gepant, gecomponiert by raet der scepenen myt XII rijns gulden.
Item Brant van Brede had enen doetslach gedaen, gecomponiert myt IIJ C rijns gulden.
Summa II C LXXXV ryns gulden XVIII stuver II oirtken.
Blederick
Item Heyn Poet die Jonge van erfftalen V mck (?) valet I rynse gulden II stuver IIJ oirtken.
Item van Gaert van den Saelstat van gevecht twye V mck (?) valet II rynse gulden V stuver II oirtken.
Item Gerit Bruyns van gevecht V mck (?) valet I rynse gulden II stuver IIJ oirtken.
Item van der nijer teenden geboirt IJ malder roggen, tmalder ad 1 ryder gulden maect 1 ryns gulden VI stover I ortken.
Summa V rijns gulden XVII stuver I ortken.
Sevenhem
Item van Lenart Cort Goeswyns ende van Getruyt van den Oever van erfftalen geb(oir)t twye V mork(?) valet II ryns gulden V
stuver II oirtk.
Item Claes van Meerle van erfftalen drije werff V mck (?) valet III rynse gulden VIII stuver 1 oirtken.
Item Lenart van Meerle ende Jentken Borwater van erfftalen twye V mck (?) valet II rynse gulden V stuver II oirtken.
Item Jentken van der Eertbruggen van erfftalen V mck (?) valet I rynse gulden II stuver III oirtken.
Item Wilhemkens wyff van den Drijess ende syn dochter waeren beruchticht, dat sy in der veden, heymelick tot Venle plaeghen to
loepen ende umme dat Wilhemken sinen soin tot Venlo wonende, gehuist ende gehaefft hadde, gecomponiert by raet der scepenen
myt XXX rynse gulden.
Summa XXXVIIII rynse gulden ende II stuver.
[afbeelding 0001-1596_005]
Swolgen
Item van Derick Luytgens van erfftalen geboirt twye V mork(?) valet II ryns gulden V stuver II oirtk.
Item tot Broickhuser vorst van nyen tijnse geboirt 1 stuver III ortken.
Summa II ryns gulden VII stuver I ortke
Wanssem
Item aldaer van Rostgens soen van componeringen by raet der schepenen geboirt XVI ryns gulden
Item van Nese van der Hatert van erfftalen V mork(?) valet I ryns gulden II stuver III ortken.
Item Peter Rostgens was vertegen van duystereb saecken, gecomponiert by raet der scepenen myt XVIII ryns gulden.
Item Lysbet van der Hatert van erfftalen V mork(?) valet I ryns gulden II stuver III oirtk.
Summa XXXVI ryns gulden V stuver II ortken.
Raede
Item soe Jan van den Poell een was van den VII, die uit gehalden woirden, doe myn genedige here tot Raede was,gecomponiert
myt C XXV ryns gulden, dair aff XII knechten gegeven elken 1 clinckart, maect IX ryns gulden ende hy sat ter Horst III weken in den
stock, verteerde III clinckart, maect II ryns gulden V stuver ende als dese XI ryns gulden ende V stuver affgetogen syn, soe blivet
C XIII ryns gulden XV stuver.
Item van Jenken Peters van schutten geboirt I ryns gulden
Item die verwer van Raede was een van den VII, die uitgealden woirden, gecomponeert by raet der scepenen myt LXVII ryns
gulden X stuver.
Summa C LXXXII ryns gulden V stuver.
Summa summarum van alle upboeren voirscr. compt te samen op VIII C XX ryns gulden V stuver IJ ortken.
Dit is uitgeven myns Dericks van der Horst, amptman etc, dat ick van wegen myns lieven genedigen heren van Gelre ende van
Gulick etc. uitgegeven heb bynnen deser voirg. tijt.
Item myn genedige here geefft my jaerliks van mynen Ampt te verwaeren ende van des huyss gehaldts wege ter Horst C rynse gulden.
Item soe geefft my myn genedige lieve here jaerlicks van den gelde dat ick van synre genaeden wegen geworven heb ende Arnt
(den Wilden?) van Meerssen gegeven ende uiter den Ampt geloest nae uitwijsinge myns Amptbrieffs C LVIIII rynse gulden X stuver
J krompstert.
Item myn genedige lieve heren geefft my oick jaerlicks van den scoltet ampt te verwaeren L rynse gulden.
Item voir myn ruvoeder jaerlicks X rynse gulden
Item tot mynen perden jaerlicks LX malder haveren, tmalder ad VIIJ stuver maect XXII rynse gulden X stuver
Item voir mynen brant VIII rynse gulden
Item den poirter voir sinen kost ende loen XXI rynse gulden
Item den molner voir synen kost ende loen XI rynse gulden
Item die wintmoelen all nye geseylt, dair toe gehadt, tot myns genedigen heren deell XL ellen grueffs (grof) lynen duecks, die elle ad
IJ vleems maect II rynse gulden III stuver
Item voir lynen totten seylen gegeven II stuve II ortken
Item voir myspelnoemen holt totten kammen ende staven op ten moelenen gegeven XV stuver
Item voir twe rutsell schijven gegeven V stuver
Item voir een lasch aen der roeden van der wintmoelen gegeven IIII stuver II ortken.
Item voir heckscheyen gegeven IIII stuver
Item den hoymeyers voir kost ende loen gegeven 1 ryns gulden VIII stuver
Item IIII graeveren hebben aen den archen gegraven twe dage, hadde ellick sdage an kost II stuver maect XVI stuver
Summa III C LXXXVII ryns gulden XVIII stuver IJ ortken.
[afbeelding 0001-1596_006]
Vitgeven an kost ende p(ro)anden, als myn genedige lieve here ter Horst is geweest.
Item des maenendage nae Pinxtdach quaemen myns here genaede ter Horst myt ummetrent C perden, verdede daer nae
uitwisinge des Coeckenbuecks X rynse gulden IIII stuver II ortken.
Item des saetersdage op sunte Andries avont quam myn lieue genedige here myt ummetrent XXIII perden van de Grave ter Horst,
bleeff daer en bynnen in allen ampten nae inhalt des coeckenbuecks verdaen XIIII rynse gulden II ortken.
Item des dinsdage nae sunte Lucyen dach quam myn lieve genedige here van Gelre ter Horst myt ummetrent XXII perden, bleeff
daer wes des saetersdage dair en bynnen in allen ampten, nae inhalt des coeckenbuecks verdaen XVI ryns gulden XVII stuver III ortken.
Item des sonnendage nae derthiendach quam myn lieve genedige here ter Horst, bleeff daer wes des saetrsdage daer en bynnen
in allen ampten nae inhalt des Coeckenbuecks verdaen XXXV rijns gulden IIII stuver II ortken.
Item des dinsdagh nae sante Pouwels dach Conversio quam myn lieue genedige here van den Grave ter Horst myt ummetrent
XV perden, bleeff daer VIII nacht ende reet weder tot Grave daer en bynnen in allen ampte, nae inhalt des Coeckenbuecks verdaen
XXVIII Ryns gulden.
Item des dinsdage nae den sonnendach Reminiscere quam mijn lieve genedige here myt ummetrent XXIII perden van Goch ter
Horst ende bleeff daer wes des maenendagh nae den sonnendage Oculi, reet doe voirt to Gelre, die tijt is VI nacht daer en
bynnen in allen ampten nae inhalt des coeckenbuecks verdaen XXVII ryns gulden XVIIII stuiver 1 ortken.
Summa X XXXII ryns gulden VI stuver II ortken.
Vitgeven aen teringen als ick van wegen myns genedigen heren gereden ben geweest.
Item soeis te weten dat ick in mijnre lester rekeningen nyet gerekent en heb, dat ick van wegen myns lieven genedigen heren
gereden ben geweest van Kerssmisse tot onser lieuer vrouwen dach toe Annunciatio gelijck hijr nae beschreven volcht.
Item des goensdage nae sunte Agneten dach reet ick tot Grave nae des Coninx raet van Franckrijck ende van Schotlant myt III
perden, bleeff daer by oen IIII nacht ende van daer tot Nymegen, daer waert ick gequijt. Soe reken ick myns heren genaede VII
nacht, maect VII ryns gulden XVII stuver II ortken.
Item des dinsdage op sunte Gregorius avont reet ick van bevell myns heren genaede myt mynen genedige here to Graeve myt III
perden, bleeff daer VII nacht, maeckt VII ryns gulden XVII stuver II ortken.
Item des dinsdage nae sunte Gregoriusdach sande my mijn genedighe here tot Kessell myt Johanvan Gelre, Johan van Egmont
ende voirt ander ru(i)teren umme die van Ruermunde oir dueck aver te beligen, was 1 nacht ter Horst, daer van en rekene ick nyet,
dan ick dede den ru(i)teren IIIJ malder haveren, costen II rynse gulden V stuver.
Item ten selven maell reet ick voirt mytten ruteren tot Maeshese myt V perden, 1 nacht boode de 1 rynsgulden X stuver.
Item des donresdage nae sunte Gertruyden dach quam ick weder tot Grave nae myns heren genaede myt III perden, bleeff aldaer
IIII nacht ende des sonnendage op Halffvasten sande my mijn genedige here voirt to Nymegen, bleeff daer 1 nacht myt III perden,
reet voirt tArnhem, bleeff daer wes op ten Palmdach, die tyt maect te samen XIII nacht, facit XIIII ryns gulden XII stuver II ortken.
Item doe sande my mijn genedige here wedr to Nymegen op ten Palmdach, bleeff daer II nacht myt III perden, maect II ryns gulden
V stuver.
Item desdinsdage nae Palmdach reet ick van Nymegen to Grave nae myne genedige heren,bleeff daer wes des Sonnendage nae
Belaeken Paesschen, die tyt maect XVIIII nacht myt III perden, maect XXI ryns gulden VII stuver II ortken.
Item des sonnendage nae Belaeken Paesschen reet ick ter Horst ende in der selver nacht sande my myns heren genaede enen
baede dat icj terstont weder to Grave quemen, reet aldaer, was daer II nacht myt III perden, maect II ryns gulden V stuver.
Summa LX rynse gulden.
[afbeelding 0001-1596_007]
Item op ten Meyavont sand my myn genedige here weder ter Horst umme dat die ruter weder tot Venle comen waeren, was daer
III nacht, daer van en rekene ick nyet ende des sonnendage nae des heiligen Cruys dach reet ick weder to Grave tot mynen
genedige here, bleeff daer wes des dinsdage op sunte Servaes dach, die tyt is IX nacht myt III perden, maect X rynse gulden II
stuver II ortken.
Item des sonnendage nae sunte Servaes dach reet ick weder van der Horst to Grave tot mynen genedige here myt den Ritter uit
Franckrijck, was daer II nacht myt III perden, maect II ryns gulden V stuver.
Item des goensdage nae onss lieuer vrouwen dach Assumptio, reet ick van der Horst tot Grave nae mynen genedige here myt
der antwert vit Franckrijck, was II nacht to Grave, reet voirt tArnhem nae mynen genedige here, was te samen uit V nacht mit III
perden, maect V rynse gulden XII stuver II ortken.
Item des maenendage nae sunte Johans dach Decollatio, was ick gereden Tarnhem tot myns heren genaede van myns genedige
heren sunderlinge beveell, was uit V nacht myt III perden V rynse gulden XII stuver II ortken.
Item per li(te)ram domini des saetersdage op sunte Matheeus avont reet ick nae myns herengenaede myt den Borgermeister van
Ludick, was uit VII nacht myt III perden, maect VII rynse gulden XVII stuber II ortken.
Item des donresdage doe men den Coninck van Schotlant begaen solde, reet ick van der Horst tArnhem tot mynen genedige here,
bleeff tot Nymegen umme sunderlinger saecken wille, was uit IIII nacht myt III perden, maect IIII rynse gulden X stuver.
Item per li(te)ram domini des donresdage nae sunte Symon Juden dach, reet ick to Grave tot myns heren genaede, doe des
Conincks heralt van Franckrijck daer was, bleeff daer IIII nacht, maect IIII ryns gulden X stuver.
Item per li(te)ram domini des maenendage nae sunte Andries dach reet ick myt mynen genedige here van der Horst tot Gelre
myt III perden, bleeff daer wes des dinsdage nae sunte Lucyen dach, die tyt is XV nacht, maect XVI ryns gulden XVII stuver II ortken.
Item van beveell myns gen. heren op ter Kerssavont, reet ick to Grave myt myns heren genaede myt III perden, bleeff daer wes
des sonnendages
nae derthiendach, die tyt is XVIII dage, maect XX ryns gulden V stuver.
Summa LXXVII ryns gulden XII stuver II ortken.
Item des saetersdage daer nae reet ick myt mynen genedige here van der Horst tot Grave myt III perden, bleeff daer wes des
dinsdage nae sunte Pouwels dach, die tyt is X nacht, maect XI rynse gulden V stuver.
Item per li(te)ram domini des goensdage nae sunte Valentijns dach, reet ick to Grave tot mynen gen. here ende voirt tot Goch
myt III perden, bleeff daer wes des dinsdage naeden sonnendach Reminiscere, reet doe voirt myt mynen geneige here ter Horst,
die tyt is XVIIII nacht, maect XXI ryns gulden VII stuver II ortken.
Item des maenendage nae den sonnendach Oculi, reet ick myt myns heren genaede tot Gelre myt III perden, bleeff daer wes des
vrydage, die tyt is IIII dage, maect IIII ryns gulden X stuver.
Item des maenendage nae den sonnendach Letare, reet ick van der Horst to Grave tot myne gen. here umme der wille van Venle,
was uit een nacht, maect I rynse gulden II stuver II ortken.
Summa XXXVIII rynse gulden V stuver.
Vitgeven aen Baedeloen.
Item op sunte Lambrechts dach sande ich enen baede van wege myns heren genaede van Kessell tot Wassenberch, date II stuver I ortken
Item des sonnendage nae sunte Dyonijs dach sande ick enen baede van Gelre tot Ordingen, date III stuver.
Item des sonnendage nae sunte Lenarts dach, sande ick enen baede to Grave tot mynen gen. here, date V stuver.
Item des Sonnendage naesunte Martijns dach noch enen baede van der Horst to Grave gesant tot myns heren genade, date V stuver.
Item des donredage nae sunte Elisabetten dach noch enen bade van der Horst to Grave gesant tot mynen genedige here, dats V stuver.
Item des saetersage op sunte Cecilien dach sande ick enen knecht myt enen perde van der Horst to Grave tot mijns heren genaede,
was uit II nacht, date X stuver.
Item des maenendage op sunte Katherinen avont, sande ick noch enen baede van der Horst to Grave tot mijnen genedige here,
date V stuver.
Summa 1 ryns gulden XV stuver I ortken.
[afbeelding 0001-1596_008]
Vitgeven aen alreley anderen saecken.
Item ick hebbe aen Nolte van Kueringen voir een peert, daer ick van wegen myns genedigee heren borghe voir was, betaelt LXX
ryns gulden.
Item van myns genedige heren panden, die tot Venlo stonden, een jaer ende IIII maend daer van tsiaers van den C rynse gulden
gegeven XVIII ryns gulden, maect XXIIII ryns gulden.
Item per li(te)ram domini Johannes Gobelinus knecht was tot enen peerde gegeven XX rynse gulden.
Item soe heb ick van wegen myns genedigen heren tot Sutphen twe perde verleist, die ick weder loeste voir XXVI ryns gulden.
Item ick hebbe den grave umme dat huis ende voirborcht ter Horst doin vegen ende graven daer van gegeven XXVIII ryns gulden,
maect myns genedige heren deell XIIII ryns gulden.
Summa CXL (140) ryns gulden
Vitgeven aen tymmeringen.
Item twe tymmerlude hebben getymmert XL dage, maect myns genedige heren deell XX dage, een nye stakaet umme dat voirborcht,
een nye waeckhuis gemaect hebben, die averste valbrugge nye gemaect, een nye brugge aent vonderen ende die poirt eens deels
toegemaict, den solre op ter Coecken verdreven, aen den archen gestopt ende ander cleyn werck gemaect hebben, ellick sdage te
loen II stuver ende an kost II stuver, maect VIII ryns gulden.
Item die watermoelen nye geclotst ende gesaelt, dat grontwerck van der archen opgebraecken ende vermaect, een nye bedde onder
den steen, een nyecuijp ende een nye moelen rat, heb ick te samen verdingt te maken voir XI ryns gulden, den gulden ad XVIIII stuver,
maect myns genedige heren deell V ryns gulden IIII stuver II ortken.
Item twe hotsnider hebben holt gesneden tot deser tymmeryngen X daghe, maect myns gen. heren deell V dage, hadde ellick sdage te
loen twe stuver ende an kost II stuver maect II ryns gulden.
Item een strodecker heefft gedect X dage, maect myns gen. heren deell V dage op ter Rosmoelren ende watermoelen ende dat
waechuis nye gedekt, op ter stallen ende schueren gestopt, had sdages te loen II stuver ende an kost II stuver, maect I ryns gulden.
Item syn operknecht had sdags te loen 1 stuver ende an kost II stuver, maect XV stuver.
Item hyr toe gehadt XXII vymmen schoeve, maect myns gen. heren deell XI vymmen, die vymme ad V stuver, maect II ryns
gulden XV stuver.
Item hyr toe gehadt IJ C (150) latten voir II ryns gulden V stuver, maect myns gen. heren deell 1 ryns gulden II stuver II ortken.
Item noch voir I C staecken gegeven X stuver, maect myns gen. heren deell V stuver.
Summa XXI ryns gulden II stuver.
[afbeelding 0001-1596_009 + 010]
Vitgeven aen yseren werck
Item totten molenen gehadt VII veerdell spijkernagell, VIII billen (bijlen) gesteelt en V nye billen, costen tsamen XXV vleems,
maect myns gen. heren deell VIII stuber III ortken.
Item totten brugge gehadt II C spijkernagell, II veerdel lasnagell, vijff veerdel spondnagell, twe bande gelengt, vyff nye bande,
die pelen gesteelt ende 1 nye clamme, cost tsamen XXVvleems, maect myns gen. heren deell VIII stuver III ortken.
Item enen bant umme die bosse in der watermoelen, twe bande aen de wintmolen, die spille gelengt ende gesteelt ende dat
rutsell gebonden, cost te samen XLVIII vleems, maect myns gen. heren deell XVI stuver IIIJ ortken.
Item totter rosmoelen IIII gehenge J maen, enen doirhaeck, I C J veerdell groete lasnagell, II C l veerdell spijkernagel cost tsamen
XL vleems, maect myns gen. heren deell XIIII stuver I ortken.
Item enen bolt in die rosmoelen, I gort, dat rutsell gebonden, VI veerdel spondnagell, IX C latnagell, costen tsamen XXX vleems,
maect myns gen. heren deell X stuver III ortken.
Item die schakelen yn die treckhamen in die rosmoelen IX veerdell spijkernagell ende noch totter vloetarch V veerdell
spijkernagell ende totter moelenarch nye vernamect gehadt V C dobbell lasnagell, cost tsamen II ryns gulden XXV vlems, maect
myn gen. heren deell I ryns gulden VIII stuver III ortken.
Item totter watermoelen II C spondnagel, I C staecknagell ende totter stakaet umme den voirborcht VC groeter lasnagel, cost
tsamen II ryns gulden XII vleems, maect myns gen. heren deell I ryns gulden IIII stuver III ortken.
Item die spill op ter wintmoelen gesteelt, III C hecknagell, I veerdell staeknagell ende III ancker, daer tspeck aen hengt, cost
tsamen XXIIII vleems, maect myns gen. heren deell VIII stuver II ortken.
Item een aenricht in die coecken, een taeffell gehenge ende die stijper, cost IIII stuver II ortken
Item XVI yseren pynnen op ten valderen VII C staecknagell, J C spijkernagell, J veerdell lasnagell totter nijer poirten ende totter
solre baeven die coecken II C solrenagell ende aent Backhuis 1 veerdell groete lasnagell, cost tsamen XLII vleems, maect myns
gen. heren deell XV stuver.
Item totter verckenschot ende koestall I C spijkernagell, IIJ veerdel spondnagell ende twee gehange, twe emer op ter averster
bruggen gebonden, cost tsamen XII vleems, maect myns gen. heren deell IIII stuver I ortken.
Summa VII ryns gulden V stuver J ortken.
Item twe muerre hebben die rinckmuer umme thuis all umme nye ondervaeren, hebben daer aver gemuert XXIIII dage, maect
myns gen. heren deell XII dage, hadde ellick sdage te loen IIJ stuver ende an kost II stuver, maect V ryns gulden VIII stuver.
Item oir operknecht had sdage te loen V ortken ende an kost II stuver, maect I ryns gulden XVIIII stuver.
Item hyr toe gehadt III C mergelsteens ad III clinckarde, I M tyechellsteens ad I ryns gulden, maect myns genedigen heren deell I
ryns gulden XII stuver II ortken.
Item die ander steen, die hier toe verdaen syn, die syn van Dericks huse van Blitterswyck comen, soe en reken ick daer nyet aff.
Item hyr toe gehadt IIII mudde calckx ad IIII clinckart, maect myns genedgen heren deell I ryns gulden 10 stuver.
Summa X ryns gulden IX stuver II ortken.
Item soe bleeff my myn genedige lieue here in mynre lester rekeningen schuldich XIII C VI (1306) ryns gulden XVI stuver IJ ortken
XXIIIJ kromstert.
Summa per se.
Summa summarum van alle mynen uitgeven voirscr. compt te samen op XXI C XLV (2145) ryns gulden, VII stuver, IIJ ortken, IIIJ
kromstert.
Up ende aff geslagen dat upboeren tegen dat uitgeven, soe beloept dat uitgeven meer dan dat upboeren XIII C XXV (1325) ryns
gulden J ortken stuver XXIIIJ kromstert.