land van Kessel - inv. 1589 - rekeningen Johan van Broekhuizen
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
rekeningen van Johan van Broekhuizen etc. 1431-1441
inv. nr. 1589
[afbeelding 0001-1589_001 + 002]
Opgave van buiten rekening gehouden uitgaven van Johan van Broekhuizen, ambtman van het Land van Kessel, periode
13/7/1432 - 11/8/1432
Dit is dat ick Johan van Broichusen van weghen mijns lieuen gnedige here uytgegheven hebbe synt sente Margareten dage
lest leden anno (14) XXXII, dat my myn gnedige here toegesacht heefft wederomme to doen gheven.
Item des naeste Sonnendage nae Divisio apostolorum (15 juli), ben ick myt here Roelman here tot Welle gereden geweest tot
Vloedorp teghen mijns heren vrunde van heynsbergh ind waeren II nach tot Ruermonde myt XIIII peerden, verteerden soe daer
soe to Vloedorp mytter avervaer tsamen XIIII Philippus schilde eb XVII crumpstert.
Item op onss lieuer vrouwen avont Assumptio was ic gereden tot Ruermonde, bleeff den nacht aldaer, reet des anderen dage
voirt to Vloedorp teghen Goetschalck van Voirde ende bleeff den nacht oick tot Ruermonde, verteerde soe daer soe to Vloedorp
mytter avervaert myt VIII peerden, tsamen IX Philippus schilde.
Item des donredage nae onss lieuer vrouwen dach assumptio, Zybken Bade van Loe to Heynsberg gesant ende weder umme to
Grave, hem gegeven I Philippus schilt
Item des maenendage nae sente Bertholomeus dach was ic gereden myt here Roelman voirscr. tot Keretzen an den Boem
teghen heren Werner van Palant ind waeren II nacht to Jessel myt XII peerden, verteerde mytter avervaert tsamen XII Arnhemse
gulden XIIII witd.
Item des maenendage op de XI M megheden avont (20 oktober) was ic gereden myt heren Roelman voirsct. tot Vloedorp tegen
mijne here van Heynsberg, waren II nacht tot Ruermunde myt XIII peerden, verteerden mytter avervaert tsamen XV gulden X witd.
Item op sunte Symon Juden dach (28 okt) Zybken Bade to Heynsberg gesant, hem gegeven VIII crompstert.
Item des selven daghes teghen den avont quaemen myns gnedige heren vrunden tot Zwolghen yn der voederinghen ende bleven
daer den nacht myt CXXV peerden wes des anderen dages dat sy wat gheten hadden.
Item op sente Lenaerts avont daer nae to vroeghen myddage quaemen mijns gnedighe heren vrunde ter Horst yn der voederingen
ind waeren daer den nacht myt LXXIIII peerden was des anderen dages, dat sy wat gheten hadden ind hadden yn beyde voedringen
voirscr. an cost.
Item soe an weiten ind an roggen broeden tsamen IIII gulden
Item II ossen voir XXII gulden
Item II zyden specks voir III gulden
Item visch voir IJ gulden
Item een voeder wyns voir XXVIII Rynsche gulden, behalven schraegelt (?) ind voederloen
Item II tonnen kruts ende II tonnen hoppen voir IIII gulden XII witd.
Item XII malder haveren voir IX gulden.
Item op sente Symon Juden dage voirscr. quemen Johans ritter van Bueren van Ewijck ter Horst yn der herbergen, bleven daer wes
des anderen dage, dat sy wat gheten hadden myt IX peerden verteerden IIII gulden V crumpstert.
Item des dinxdage nae Alre heyligen dage quaemen die ruteren van Ravensteyne ter Horst ynd herbergen, bleven daer II nacht myt VII
peerden, verteerde II gulden.
Item des Saterdage nae sente Lenaerts dage Zybken Bade to Heynsbergh gesant, hem gegeven X crumpstert.
Summa C LXII gulden V crumpstert dat en is niet gerekent.