land van Kessel - inv. 1586 - rekeningen Johan van Broekhuizen 1440/1441
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
rekeningen van Johan van Broekhuizen etc. 1431-1441
inv. nr. 1586 – 13 juli 1440-13 juli 1441
[afbeelding 0001-1586_001.jpg]
Dit is rekenynge ende bewisinge mijns Johans van Broichusen, here tot Loe ende to Geysteren, Erffhaeffmeister etc. amptman
tslants van Kessell ende ter Horst van allen upboeren ende uytgeven, dat Ick van wegen mijns lieuen gnedighen Here (hertoge)
van Gelre ende van Gulick ende Greve (grave) van Zutphen upgeboirt ende vytgegheven hebbe angaende op sente Margareten
dach in den jaeren ons Heren M CCCC XL ende uytgaende op sente Margareten dach in den jaren ons Heren M CCCC XLI
[13 juli 1440 - 13 juli 1441]
Inden yersten van den renthen van der Horst
Item van pacht van der Joffrouwen van der Horst geboirt V vaet roggen
Item van Eygemans kynderen IIIJ malder III rogghen
Item van den Baede Ampt III malder roggen
Item van Jacop Messen een malder roggen
Item van den pacht to Berchem X malder roggen
Item van den moelenen ter Horst geboirt XC malder rogghen
Summa C VIII malder twe vaet
Item van bevele mijns gnedige heren Johan Block gedaen VI malder roggen, soe blijfft des roggen noch C II malder II vaet
Item op sente Lucyen dach hebben ich des roggen doin vercoepen XXV malder ende hebbe voir ellick malder geboirt 1 Rijns
gulden III clymmer, den gulden gerekent ad XL clymmer, maect XXVI Ryns gulden XXXV clymmer
Item te Halffasten dede ick des roggen vercoepen XXVIIII malder ende hebbe voir ellick malder geboirt XXXVI clymmer, maect
XXVI Rijns gulden IIII clymmer.
Item op sente Margareten avont hebbe ick den anderen rogge des bleeff XLVIII (48) malder II vaet voirt doin vercoepen ende
hebbe voir ellick malder geboirt XXXI clymmer, maect XXXVII Ryns gulden XVIII clymmer IIIIJ gr.
Summa an gelde van roggen geboirt XC Ryns gulden XVII clymmer IIIIJ gr.
Upboeren van malt ende van Evenen
Item van den moelenen (ter Horst) XXVIII malder malts ende hebbe voir ellick malder geboirt XXII clymmer maect XV Rijns gulden
XVI clymmer
Item van pacht geboirt 1 malder V vaet evenen
Item tot Oerle van weij evenen geboirt II malder IIII vaet evenen, te samen IIIIJ malder ende hebbe voir ellick malder geboirt XIII
clymmer maect I Rijns gulden XVIIIJ clymmer.
Summa van Malt ende van Evenen geboirt XVI Rijns gulden XXXIIIIJ clymmer.
Summa per se
Item van der Olijmoelen geboirt I Ryns gulden VI clymmer
Item van Tijnse geboirt XX Ryns gulden
Item van den huerketell ende assijsen te samen geboirt VIII Ryns gulden XX clymmer
Item van enen ponde vlass geboirt II clymmer
Item XLII hoenre ende van Zwolgen XII weyhoenre te samen LIIII hoenre, die IIII gerekent ad IIIIJ clymmer, maect I ryns gulden XX
clymmer, X gr.
Summa XXXIIII Ryns gulden VI clymmer XIJ gr.
Upboeren van gewynne ende van broecken
Item van Jacop van Schadick van gewynne geboirt VII Rijns gulden XX clymmer
Item van Gerit Lemkens van gewynne geboirt III Rijns gulden XX clymmer
Item van Gerit van der Heiden geboirt van gewynne II Rijns gulden XXXVI clymmer
Item van Luytgen Verwer van gewynne geboirt IIII Rijns gulden
Item van Derick van Reyssenbeeck van gewynne geboirt I Rijns gulden XXX clymmer
Item van Heynken van den Velde van gewynne geboirt I Rijns gulden XXV clymmer
Item van Derick Floerkens van gewynne geboirt I Rijns gulden
Summa XXII Rijns gulden XI clymmer.
Upboeren in den lande van Kessell, in den yersten Kessell ende Helden
Item van Arnt BabellBadell van gewynne geboirt XX clymmer
Item van Herman Bouten van gewynne geboirt X clymmer
Item van den praest to Keyserbosch van gewynne geboirt I Rijns gulden XX clymmer
Item van Henrick Tijs van gewynne geboirt V Rijns gulden
Item van Ditken van Loen van gewynne geboirt I Rijns gulden XIII clymmer
Item van den selven Ditken van dingtalen geboirt 1 broeck maect I Rijns gulden V clymmer
Item Goertken Kockenn van dingtalen II broeck maect II Rijns gulden X clymmer
Item van Derick Cavelye/Cantlye ende Henne Coesdonck van dingtalen enen broeck maect II Rijns gulden X clymmer
Item Willem Bijns van gevechte enen broeck maect I Ryns gulden V clymmer
Item van Heynen Wolffs van yffenyngen bij Raet de schepenen geboirt L Rijns gulden
Item van Henrick van Loevenich van yffenyngen by raet der schepenen geboirt C Rijns gulden
Summa C LXVII Rijns gulden XXIII clymmer.
[afbeelding 0001-1586_002]
Upboeren van malt ende van Evenen
Item van den moelenen (ter Horst) XXVIII malder malts ende hebbe voir ellick malder geboirt XXII clymmer maect XV Rijna gulden
VI clymmer
Item van pacht geboirt 1 malder V vaet evenen
Item tot Oerle van weij evenen geboirt II malder IIII vaet evenen, te samen IIIIJ malder end hebbe voir ellick malder geboirt XIII
clymmer maect I Ryns gulden XVIIIJ clymmer
Summa van malt ende evenen geboirt XVI Ryns gulden XXXIIIIJ clijmmer
Summa per se
Item van der Olijmoelen geboirt I Ryns gulden VI clymmer
Item van Tijnse geboirt XX Ryns gulden
Item van den huerketell ende assijsen te samen geboirt VIII Ryns gulden XX clymmer
Item van enen ponde vlass geboirt II clymmer
Item LIIJ capoenen dat paer gerekent ad IIIIJ vlymmer maect II Ryns gulden XXXVIII clymmer IJ gr
Item XLII hoenre ende van Zwolgen XII weijhoenre te samen LIIII hoenre, die IIII gerekent ad IIIIJ clymmer maect I Ryns gulden XX
clymmer X gr.
Summa XXXIIII Ryns gulden VIIJ gr
Upboeren van gewijnne ende van broecken
Item van Jacop van Schadick van gewynne geboirt VII Ryns gulden XX clymmer
Item van Gerit Lemkens van gewynne geboirt III Rijns gulden XXXVI clymmer
Item van Gerit van der Heiden geboirt van gewynne II Rijns gulden XXXVI clymmer
Item van Luytgen Verwer van gewynne geboirt IIII Rijns gulden
Item van Derick van Reyssenbeeck van gewynne geboirt I Rijns gulden XXX clymmer
Item van Heynken van den Velde van gewynne geboirt I Rijns gulden XXV clymmer
Item van Derick Floerkens van gewynne geboirt I Rijns gulden
Summa XXII Rijns gulden XI clymmer.
Upboeren in den lande van Kessell, in den yersten Kessell ende Helden
Item van Arnt Babell van gewynne geboirt XX clymmer
Item van Herman Bouten van gewynne geboirt X clymmer
Item van den praest to Keyserbosch van gewynne geboirt I Rijns gulden XX clymmer
Item van Henrick Tijs van gewynne geboirt V Rijns gulden
Item van Ditken van Loen van gewynne geboirt I Rijns gulden XIII clymmer
Item van den selven Ditken van dingtalen geboirt 1 broeck maect I Rijns gulden V clymmer
Item Goertken Kockenn van dingtalen II broeck maect II Rijns gulden X clymmer
Item van Derick Cavelye/Cantlye ende Henne Coesdonck van dingtalen ellick enen broeck maect II Rijns gulden X clymmer
Item Willem Bijns van gevechte enen broeck maect I Ryns gulden V clymmer
Item van Heynen Wolffs van yffenyngen bij Raet de schepenen geboirt L Rijns gulden
Item van Henrick van Loevenich van yffenyngen by raet der schepenen geboirt C Rijns gulden
Summa C LXVII Rijns gulden XXIII clymmer.
[afbeelding 0001-1586_003]
Baerle ende Blederick
Item van Jacop Egbrechtssoin van gevechte enen broeck maect I Rijns gulden V clymmer
Item van Smeetgen van Zwalmen van dingtalen geboirt 1 broeck maect I Rijns gulden V clymmer
Summa II Rijns gulden X clymmer
Brede
Item van Johan van Lomme, Severken van den Camp ende van Heijnen van der Hoeven van dingtalen geboirt L Rijns gulden
Item van Tengnagell van Merwijck van dingtalen geboirt twe broecken maect II Rijns gulden X clymmer
Summa LII Rijns gulden X clymmer
Zeuenhem
Item van Gijsen des Weverssoin van gewynne geboirt XIIII Rijns gulden
Item van Robben van Aerssen van gewynne geboirt III Rijns gulden XXIIIJ clymmer
Item van Heynen vanden Vorst van gewynne geboirt XIII Ryns gulden XXIJ clymmer
Item van Johan den huishere van gewynne geboirt II Ryns gulden III clymmer
Item van Lemmen Geerkens van gewynne geboirt IIII Ryns gulden XXXV clymmer
Item van Alaert van den Berghen ende twe sijnre brueders van dingtalen geboirt III broecken, elken broeck ad I Ryns gulden V
clymmer maect III Ryns gulden XV clymmer
Item van Mostart van dingtalen geboirt enen broeck maect 1 Ryns gulden V clymmer
Item van Gerit Dolboeter van yffenyngen bij raet der schepenen geboirt IIII Ryns gulden XXXV clymmer.
Summa L Rijns gulden XXXVIII clymmer.
Zwolgen
Item van Claesken van Tyenraede van dingtalen geboirt enen broeck maect I Ryns gulden V clymmer
Item van Pouwels Shoegen brueder van dingliken saecken geboirt III Ryns gulden
Summa IIII Rynse gulden V clymmer
Wanssem ende Lothem
Item van Beltgen van dingtalen geboirt 1 broeck maect 1 Ryns gulden V clymmer
Item van Lotthem van der Abdissen Renthen van Nuys geboirt XXIJ clymmer
Summa I Rijns gulden XXVIJ clymmer
Raede
Item van Peters gewas van der Heiden geboirt VIIIJ malder roggen
Item van Heynen Gerits gewas geboirt VIIIJ malder roggen
Item van Henneken Bants gewass geboirt V malder roggen
Item van Ceelken Bants lande, hebbe ick soe voele rogghen mytten stroe doin halen, dairomme vyt dorsset IIIJ malder roggen
Summa XXVJ malder roggen
Item desen rogge hebbe ick doin vercoepen ende hebben voir ellick malder geboirt I Ryns gulden, maect XXV Rijns gulden XX clymmer.
Summa per se
Summa omne.. Receptorum... IIII C LXVIII Ryns gulden II clymmer III gr
[afbeelding 0001-1586_004]
Dit is uijtgheven mijns Johans van Broichusen, here tot Loe ende to Geysteren, erffhaeffmeister etc., dat ick van weghen myns lieuen
gnedigen heren van Gelre ende van Gulick etc. uytgegheven hebbe bynnen deser voirscr. tijt.
Item beheltelijck my mijns amptbrieffs bleeff my mijn gnedige here yn mijnre lester rekenyngen schuldich XIX C LXX Rijns gulden XXI
clymmer VJ gr.
Summa per se.
Item soe gheefft my mijn gnedige here jaerlijx van mynen ampt te verwaeren ende van des huisgehalts wegen ter Horst II C XC Rijns
gulden XVI alde tuynen.
Summa per se.
Item voir mynen brant VII Rijns gulden
Item den poirter voir syn loen III Rijns gulde
Item den molner voir sinen loen III Rijns gulden X clymmer
Item XXIII ellen zeylduecks, die elle ad II clymmer maect I Rijns gulden VI clymmer
Item voir lynen totten zeylen gegeven XXV clymmer
Item voir Myspelbloemen holt totten kammen ende staven op ten molenen gegeven XXX clymmer
Item IIII graver, die aen den archen groeven VI dage in den werck, hadden ellick des dags aen kost II vleemsch, maect XLVIII vleemsch,
die drye gerekentvoir V clymmer, valet II Ryns gulden.
Summa XVII Rijns gulden XXXI clymmer.
Item hadde my mijn gnedige here doin schriven des neesten dinsdage nae andach onser lieuer Vrouwen dach Assumptio tot Lobede
te wesen myt mynen rekenyngen, reet aldaer en was uijt 1 nacht ende twe dagen mit X perden, verteerde mytter avervaert te samen
vyff Rijns gulden X clymmer.
Item haddenijn gnedige hre Henrick van Merwijck doin schriven op sente Lucyen avont tot Lobede te wesen aldaer ende was uyt
twee nacht mit twe peerden, verteerde mytter avervaert te samen I Rijns gulden VIII clymmer.
Item hadde my mijn gnedige here doin schriven des maenendage nae Jaersdage ten avonde tot Arnhem te wesen op ter dachvaert,
reet aldaer en was uyt XIII nach X peerden verteerde mytter avervaert te samen XLIIII Rijns gulden IJ clymmer.
Item Johan Buydell van den sesshondrt Arnhemse gulden daer die mairschalck myt van mijns gnedigen heren wegen voir gelaefft
heefft gegeven XXII Rijns gulden.
Summa LXXII Rijns gulden XVIIIIJ clymmer.
[afbeelding 0001-1586_005 + 006]
Vytgheven aen Bouwe ende tymmeringhen
Item Gijsken ende Goeswijn tymmerlude VI dagen in den werck dat myspelboemen holt totten kammen ende staven totten moelenen
affgehouwen hebben ende beslagen, nye kamme in den camprat ende staven in den rutselen (ronsel , soms ritsel genoemd) op der
wyntmoelen gemaect hebben, in der olijmoelen ende aen den archen gestopt ende getymmert hebben, ende ander cleyn werck
gemaect hebben, hadden ellick des dags te loen IIII clymmer ende ellick des dages aen kost II vleemsch, maect te samen II Rijns
gulden VIII clymmer.
Summa per se
Item hier toe verdaen aen yseren werck. In den yersten totter bruggen gehadt J C spykernagell, costen III clymmer.
Item totten oesvaten ende damme, daer die hautpoell myt geveecht waert gehadt III veerdell spandnagell, I veerdell spijkernagell,
costen IIIJ clymmer.
Item J C hecknagell costen IJ clymmer.
Item dat spoir ende spille yn die watermoelen gesteellt, kost III clymmer
Item III bande umme dat Camprat, costen III clymmer
Item die platen yn die Olymoelen gebreydt, cost IIIJ clymmer
Item totten Stalle verdaen I veerdell spijkernagell ad IJ clymmer
Item totten gelass vynsteren in der Cameren gehadt II roeden ad IIII clymmer.
Item totten stock twe scheren, IIII hantyser, III platen, 1 slotell ende XXX nagell daer toe, costen te samen X clymmer
Item VI haeck aen die Coerbanck yn die coecken ad II clymmer.
Summa XXXV clymmer.
Item twe knechte die yn den stalle leymden ende den hautpoell helpen dammen ende vegen VI dage in den werck. hadden ellick
des dagens te loen II clymmer ende ellick des dages aen kost II vleemsch, maect te samen I Ryns gulden XXIIII clymmer.
Item twe holtsnider IJ dach yn den werck den Ummelopen ende die arme totten camprat op ter wyntmoelen ende ander cleyn werck
gesneden hebben, hadden ellick des dages te loen IIII clymmer ende aen kost twe vleemsch, maect XXII clymmer.
Item een leyenecker 1 dach op ten huyse gestopt hadde te loen vyff clymmer ende aen kost III clymmer 1 oert, maect VIII clymmer 1
oertken.
Item hier toe aen leijen ende nagelen verdaen XII clymmer.
Item die gelasemeker aen den gelasen op ter kameren gestop, hadde voir sijn gelass ende sinen arbeyt X clymmer ende aen kost 1
clymmer III oertken, maect XI clymmer III oertken.
Smma II Ryns gulden XXXVIII clymmer.
Similiter expositorum ... II M III C LVII ryns gulden XIX clymmr VIII gr.
Als dat opboeren an desen uytgeven affgerekend is, so blyft myn genedige here Johan vurscr. na inhalt dess rekenyngen schuldich
XVIII C LXXXIX rynse gulden XVII klymmer V gr.
Et hoc conpu.. compesara & audita e in lobede in presentie domini ducis presentibus de consilio domino Johanne Schelaert de
Obbendorp, milite, mgro... cur.., Elberto de Alpen, domino de Hoenpol, notario Henrico filio de Mer. Anno domini M CCCC XLI feria
quarte post Gereon & Vi..... ??
S. p. me Henricus Roede