land van Kessel - inv. 1581 - rekeningen Johan van Broekhuizen 1432/1433
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
rekeningen van Johan van Broekhuizen etc. 1431-1441
inv. nr. 1581 – 13 juli 1432-13 juli 1433
[afbeelding 0001-1581_001.jpg]
Kessel XXXII ad XXXIII etc ad XXXV
Kessel
[afbeelding 0001-1581_002.jpg]
Dit is Rekenynge ind bewisinge mijns Johans van Broichusen, heren
tot Loe ind to Gheysteren, Erffhaeffmeister etc. Ampte tslants van Kessell
ind ter Horst van allen upboeren ind uytgeven, dat Ic van wegen myns
lieuen gnedighen Here (hertoge) van Gelre ind van Gulich ind Greve van Zutphen
upgeboirt ind vytgegheven hebbe als van mijns ampts ind huysge-
halts wegen ter Horst angaende op sente Margareten dach in den jaeren
onss Heren XIIII x XXXII wes op sente Margareten dagh in den jaeren
ons Heren XIIII c XXXIII, die tyt is een jaer.
Primo van den Reynten van der Horst
Item aldaer van tijnse XXXI gulden
Item aldaer van der olymoelen IJ gulden
Item aldaer van der gruyten ketell ind assijsen tsamen XII gulden
Item aldaer van enen ponde vlasch VI mewen
Summa XLIIII gulden XXVIII mewen III gr.
ylker gulden ad XIIII kromstert off ad XLVJ mewe.
Ende alsoe voirt alle dese rekenynge uyt waer gulden gerekent ind gescreven staen.
Upboeren van capoenen
ind van hoenren
Item van den schout capoenen ter Horst LIIJ capoen
Item van den schout hoenren ter Horst XLII hoenre
Item tot Zwolghen van den weijhoenren XII hoenre
Summa LIIJ capoen ind LIIII hoenre.
[afbeelding 0001-1581_003.jpg]
Ende hebbe elken capoen gerekent ad IIII mewen
ind ellick hoen ad II mewen, valet VI gulden XLV mewen.
Summa per se
Upboeren van gewynnen
ind van hoegen broecken (breuken/boetes)
Item van Peter van den Bergen van gewynne IIIIJ gulden
Item van Gherit Smeets van gewynne I gulden X mewen
Item van Gherit van der Westerbeeck van gewynne I gulden
Item van Reynken van Ynckevoirt ind van Reynken van Schadick van
Gaederts weghen van Wachtendonck, dat hy lantvluchtich woirden is
voir myns gnedigen heren broeck L gulden
Item Reynken van Schadick myt onrecht op erve gedingt van enen
broeck XXXIJ mewe
Item die selve Reynken myt onrecht teghen syn pande gesacht enen
broeck XXXIJ mewe
Item noch die selve Reynken van J broeck XV mewen III gr.
Item Jacop van Hegehem myt onrecht op erve gedingt enen
broeck XXXIJ mewe.
Summa LIX gulden VIJ mewe.
Upboeren an Rogge
Primo van pacht ter Horst
Item van der Joffrouwen van Meerlaer V vaet rogghen
Item van Eygenmanne IIIJ malder rogghen
Item van den Bade Ampt III malder rogghen
Item van Jacop Messen I malder rogghen
Item van den pacht to Berchem X malder rogghen
Item van den molenen ter Horst LXXXIIII malder rogghen.
Summa C II malder II vaet
Item hebb ic van weghen myns gnedigen heren Johan van Damme
betaelt VI malder rogghen ind als die affgenomen syn, soe blijfft
dat upboeren staen op XCVI malder II vaet.
Summa per se
Item is to weten dat ic des rogghen in den yersten vercocht hebbe
LI malder, ellic malder ad 1 gulden XVI mewen 1 gr., valet LXVIIII
gulden IX mewen III gr.
Ind XLV malder ind II vaet, illic malder ad 1 gulden XIXJ mewe
valet LXIIII gulden XXXIIII mewen III gr.
Summa an gelde van rogghen geboirt
C XXXIII gulden XLIIIIJ mewe.
Upboeren van malt
Item van den molenen ter Horst geboirt XXX malder malts ind hebbe
voir ellic malder geboirt 1 gulden maect XXX gulden.
Summa per se
[afbeelding 0001-1581_004.jpg]
Upboeren van Evenen
Primo van pacht ter Horst 1 malder V vaet
Item tot Oerle van weij evenen IIIJ malder tsamen V malder II vaet
ind hebbe voir ellic malder geboirt XXV mewen valet II gulden XLII mewen 1 gr.
Summa per se
Upboeren inden lande van Kessell
primo Kessell ind Helden
Item van Sander Vyncke van gewynne XVIII gulden
Item van Gaed(er)t van der Braeken van yffeninghen by Raede der schepen X gulden
Item Heyn Wolffs myt onrecht op erve gedingt enen broick II gulden IIJ mewe
Item Jenken van Stockt myt onrecht op erve gedingt enen broeck II gulden IIJ mewe
Item Heyn van Raey myt onrecht op erve gedingt enen broeck II gulden IIJ mewe
Item Heyn Babels myt onrecht op erve gedingt enen broeck II gulden IIJ mewe
Item Dicken Stegemans myt onrecht tegen syn pande gesacht enen broeck II gulden IIJ mewe
Item van Zilken van der Heiden van gevecht enen broeck II gulden IIJ mewe
Item Gaed(er)t van Stockt myt onrecht op erve gedingt enen broeck II gulden IIJ mewe
Item Zybrecht van Kryekenbeeck myt onrecht tegen syn pande gesacht enen broick II gulden IIJ mewe
Item van Peter van den Specken van gevechte enen broeck II gulden IIJ mewe
Item van Heynen Wolffs van gevechte enen broeck II gulden IIJ mewe
Item Henrick Vetloegen myt onrecht op erve gedingt enen broeck II gulden IIJ mewe
Item van Willemken Symonsson van II malder rogghen geboirt II gulden XXXIIJ mewe
Item Heynen Wolffs son was vluchtich worden voir myns gnedigen heren
broecken van gevechte van hem by Raet der schepenen van yffenynghen
geboirt X gulden
Item van peperkoeken, die tot Kessell yn der Masen ant lant gedreven
waeren, geboirt XV gulden.
Summa LXXVIII gulden XIIIIJ mewe.
Baerle
Item aldaer van yen tynse II mewen 1 gr.
Item Brachtmen een gebot gebroeken van torff steken, enen broeck II gulden IIJ mewe
Item here Mathys vsn Stalberch myt onrecht gepant, enen broeck II gulden IIJ mewe
Item van enen gevonden Ymme (bijenzwermen) X mewen
Summa IIII gulden XVII mewen I gr.
Blederick
Item Joffrouwe Margriet Schotelkens myt onrecht op erve gedingt
enen broek II gulden IIJ mewe.
Item Derick van Blederick myt onrecht op erve gedingt, enen broek
II gulden IIJ mewe
Summa IIII gulden V mewen.
Brede
Item aldaer van tynse geboirt IIJ mewe
Item van Johan van der Heerstraete van gewynne I gulden
Item van Peter Kast van gevecht, enen broeck II gulden IIJ mewe
Item Dryes Tymmerman van gevechte, enen broeck II gulden IIJ mewe
Summa V gulden VIIJ mewe
[afbeelding 0001-1581_005.jpg]
Zevenhem
Item aldaer van yen tijnse XL mewen
Item van Gherit van den Hatert van gevechte, enen broeck II gulden IIJ mewe
Item van Willem Molner van gevechte, enen broeck II gulden IIJ mewe
Item Gaedert van den Broick myt onrecht op erve gedingt, enen broeck
II gulden IIJ mewe
Item van Johan Noeten van gevechte, enen broeck II gulden IIJ mewe
Item van Peter Noeten van gevechte, enen broeck II gulden IIJ mewe
Item van twe gevonden ymen (bijenzwermen) XXV mewen
Summa XI gulden XXXVII malder mewe.
Zwolghen, Wanssem
ind Lothem
Item van enen peerde myt eenre slachkarren, daer een knecht onder
doet (dood) was bleven geboirt VI gulden
Item van Pouwels Shaegen van enen wedden geboirt III gulden
Item van der Abbatissen reynten van Nuys geboirt
XLII mewen 1 gr.
Summa IX gulden XLII mewen 1 gr.
Raede
Item aldaer van den erffhuizen ind gewynnen geboirt IX gulden
III mewen.
Item Johan van Schaer myt onrecht op erve gedingt, enen
broeck I gulden XXV mewen J gr.
Item Willem Metten myt onrecht teghen syn pande gesacht
enen broeck 1 Gulden XXV mewen J gr.
Item Jacop van Weversloe myt onrecht op erve gedingt enen
broeck I gulden XXV mewen J gr.
Item die selve Jacop J broeck XXXV mewen 1 gr.
Item van gevonden byen geboirt XXXIII mewen 1 gr.
Summa XVI gulden XXXVJ mewe
Summa omn.. receptor.. CCCC VIII gulden VIIJ mewe.
[afbeelding 0001-1581_006.jpg]
Dit is uytgeven mijns Johans van Broichusen, here tot Loe ind to Geysteren
etc. Ampte t slants van Kessell ind ter Horst, dat ic van wegen myns lieuen
gnedigen heren van Gelre ind van Gulich etc. bynnen deser voirscr.
tyt uytgegheven hebbe.
Item beheltelyck mij mijns amptbrieffs bleve my mijn lieve gnedige
here ynder lester Rekenyngen schuldich VII c LIII rynsche gulden XLI arnh(emse)
gulden ind XL mewen.
Summa per se
Item op sente Dyonijs dach was ick gereden ter Nyerkercken tot mijnen
gnedigen here mytten Kessellenderen umme tydingen wille van den vyanden
verteerde myt myne ruteren IIJ gulden.
Item ten selven mael den veren tot Broichusen van dat sy die Kessellenderen
voirt ind weder aver vuerden, gegeven III gulden.
Item des sonnendage nae sente Victores dach hadde my mijn gnedige
here doen schriven tot nymmeghen by hem to komen, reet aldaer ind
was uyt IIII nachtmyt IX perden, verteerde mytter avervaert
tsamen XXI gulden XV mewen.
Item hadde my mijn gnedige here doin schriven des neesten dinxdage
nae sente Lucyen dage tot Venle to komen, reet aldaer ind was
uyt III nacht myt VIII perden, verteerde mytter avervaert tsamen
XVI gulden.
Item hadde my mijn gnedige here doin schriven nae sente Pouwels
dach Conversio beide myne Ampten by een to gebieden umme des vorste
ind ijs wille ind die to leggen daert nutste were lach ten selven
mael to Lothem mytten Kessellenderen een nacht myt VIII perden
verteerde II gulden XXXVI mewen.
Summa XLV gulden XXVIII mewen I gr.
Summa lateris VII c LIII Rynsche gulden ind LXXXVII arnhemse gulden XXII mewen III gr.
Item hadde my mijn gnedige here doen schriven des donresdage op sente
Scolastica dach by hem to Grave to komen, reet aldaer, was uyt een
nacht myt IIII perden, mytter avervaert, want die Mase
to mael buyten gynge, tsamen 1 gulden XVIII mewen.
Item des donresdage nae sente Scolastica dach, was ic gereden an die
Stad van Ruermunde myt hon to spreken van saken als mijn gnedige
here mij dat bevaelen hadde, was aldaer 1 nacht myt VIII perden, verteerde
mytter avervaert tsamen V gulden XVIII mewen.
Item des saterdage op sente Valentijns dach was ic gereden to Gelre des
anderen dage voirt to ryden to senter Claes tusschen Wachtendonck ind
Kempen mynen here van tollen daer an to nemen ind helpen geleyden
gelick my mijn gnedighe here dat geschreven ind bevaelen hadde den
veren to Broichusen umme noets wille van lose gegeven 1 gulden.
Item des manendage nae sente Valentijns dach, hadde ick beide myne
Ampten by den anderen, als my myn gnedige here dat geschreven hadde
ind lach daer myt enen dach ind nachtto Straelen myt XXVI perden
hadde myt in den waghen:
Item an weyten ind rogge broede 1 gulden XXXIII mewen
Item een aeme wijns voir X gulden
Item III tonnen hoppen voir II gulden XXIIIJ mewen
Item speck ind ryntvleysch II gulden XVI mewen
Item dn veren, die dat volck voirt ind weder aver vuerden, gegeven IIII gulden
Item op sente Peters dach ad Cathedram Zybken Bade gesant ter
Nyerstad van mijns gnedigen heren wegen myt enen brieve tot Henrick
van Oesten, hem to teergelde gegeven XXVIII mewen.
Summa XXIX gulden 1 mewe.
[afbeelding 0001-1581_007.jpg]
Item des maenendage nae den Sonnendach Oculi hadde mijn gnedige here
Karl Speden ind mij doen schriven by hem tot Arnhem to komen
reden aldaer, waeren III nacht uyt mit X perden, verteerden mytter
avervaert tsamen XII gulden XV mewen.
Item des saterdage nae Letare, waeren Karle Spede ind ick gereden tot
mynen gnedige here to Nymmegen ind reden myt hem van dairne to Grave
waeren IIII nachten to Nymmegen ind II nacht to Grave myt IX perden
verteerden myt der avervaert tsamen XXVIII gulden XXVIJ mewen.
Item des dinxdage nae den Sonnendage Judica was Henrick van
Merwijck gereden myt II C voetruteren uyt den lande van Kessell to
Heynsbeeck (Hinsbeck) umme tydingen wille van den vyanden, was aldaer II nacht
vvyt III perden, verteerde II gulden ind gaff den veren tot Venle van den
luyden aver te vueren IJ gulden tsamen IIIJ gulden.
Item des saterdage op Palmavont was ic van bevele myns gnedige
here gereden to Monfort ind tot Echt umme to besien waer men
mytten ruteren dat leger best begrypen solde, was II nacht uijt VII
perden verteerde mytter avervaert tsamen X gulden XXXII mewen.
Item des maenendage nae Blaeken Paeschen was ic gereden tot Gelre
tot mijne ghenedighe here, to veergelde voirt ind weder IX perden
gegeven XXVI mewen.
Item Johan van Lyeck van weghen mijns gnedige heren gegheven
XX rynsche gulden, die my gerekent ad VII arn(hemse) gulden valet XXXV
gulden.
Summa XC gulden XXXI mewen 1 gr.
Item van mijn Ampts ind Huisgehalt wegen ter Horst CC XC Rynsche
gulden ind XVI alde tuynen die Rynsche gulden gerekent al voir facit
V C VIII gulden XXIX mewen 1 gr.
Item voir mynen brant XXVI gulden
Item den porter voir sinen loen VI gulden
Item den molner voir sinen loen VI gulden
Item voir XXIII ellen zeylduecks, die elle ad IIIIJ mewe valet
II gulden XIIJ mewe
Item voir lynnen tot den zeylen 1 gulde III mewen
Item van den huerketell to lappen XXVI mewen
Item voir heckscheyden XXIIII mewen
Item II graeveren XIIII dae in den werck, die aen den archen groeven
hadden ellick des dage an kost V mewen, valet III gulden IIIJ mewe.
[hier 2 regels gemist door RvdB]
[afbeelding 0001-1581_008.jpg]
Uytgeven an bouwe
ind tymmeringhen.
Item Ghysken ind Johan van Weer tymmerluyde LXVI dagen in den werck
een nye roede yn die wyntmoelen maecden, die poirte alle umme plengden
die schure een gebont lengden, enen affhanck achter den stall ind ene
heymelicheit (WC) yn den voirborcht maeckden, twe vall doen voir die capelle
ene nye trapp ynden zadell (zaal) een nye doer voir den zadell maecden die
averste kamer onder sloegen een vuerstad ind heymelicheit daer op
maecden, twe nye bruggen op ten molendyck ind die nederste valbrugge
nye plengden ind an anderen werck hadden ellick des dage to loen VIJ
mewe ind ellick des dage an kost V mewen, valet XXXIII gulden XVIJ mewe.
Item an yseren werck tot der tymmeringen voirscr.
Item voir twe schenen an die Asse op ter wyntmoelen to vermaken V mewen
Item voir twe van de vijff voeten umme die moelen Roede gegeven XIII mewen
Item voir J veerdel spondnagell an die vloetarch gegeven IIIJ mewen
Item voir III veerdel Spijkernagell tot den bruggen gegeven XJ mewen
Item voir 1 veerdell Spijkernagell ind J veerdel lasnagel tot den
gereempte tusschen beiden husen gegeven V mewen
Item voir VI nyer schenen ondr dat olyvat ind een plaet yn die olijbanvk
gegeven XXX mewen
Item voir J veerdell spijkernagell ind IX lasnagell tot dr watermoelen
gegeven IIIJ mewen
Item voir I veerdell hecknagell gegeven IJ mewe
Item voir J veerdell lasnagell tot den brugghen gegheven IIIJ mewen
Item voir IIII C spijkernagell, die tot der porten verdaen worden
gegeven XXVIII mewen
Item voir I C vynsternagell gegeven VIJ mewen
Item voir J veerdell lasnagell tot der porten gegeven IIIJ mewe
Item voir een clynck an der porten gegeven IJ mewe
Item voir IIII gehenge tot den vynsteren op ter porten gegeven XIII mewen
Item voir IIII haeck ind clempe an den vynsteren gegeven II mewen.
Summa XXXVI gulden XX mewen.
Item voir II bande J C spikernagell an der vuerstad op der cameren gegeven
XXVIII mewen
Item voir IIII banden ind II gehenge an mijnre harnasch comen, doe mijn
gnedige here dat groete getoch in den lande van Gulich hadde gegeven XVI mewen
Item ten selven mael voir twe gehenge an enen vaet daer mijn broet ynne
was gegeven VIII mewen
Item ten selven mael enen holten hamer an beyden eynde gebonden ind enen
pael gebonden ind opt eynde myt yser geschoet gegeven XXII mewen.
Item 1 veerdell spondnagell totden heerwagen gegeven IJ mewe
Item voir IIIC ind 1 veerdell spondnagel tot der Capellen gegeven XIXJ mewe
Item voir IIII gehenge bladen an den doeren van der capellen ind een
clynck gegeven XVI mewen
Item voir III C ind 1 veerdell spykernagell tot der doeren voir die zadell (zaal)
ind die camer doer baven die zadell gegeven 1 gulden
Item voir die gehenge an die zadell doer (deur) to vermaken gegeven X mewen
Item noch voir twe gehenge tot der Xamerdoer baeven die zadell
gegeven IX mewen
Item voir M (1.000) latnagell ind staecknagell tot der schuren gegeven 1 gulden
XVIII mewen
Item voir J veerdell lasnagell tot der schuren gegeven IIIJ mewen
Item III veerdell lasnagell ind III veerdell spikernagell totter trappe
yn die zadell gegeven XXI mewen
Item voir IIII C ind 1 veerdel staecnagell op der Cameren baven die
zadell verdaen gegeven XXVI mewen.
Item voir V C vynsternagell J veerdell lasnagell tot den leydake gegeven
XXXVI mewen
Itemvoir IIIIJ C latnagell ind staecknagell totten affhanghe achter
den Stalle ind XXIIII lasnagell gegeven XXXVJ mewe
Summa VII gulde XLIIJ mewe.
[afbeelding 0001-1581_009.jpg]
Item voir IIII gehenghe an der doer voir dat affhanck ind an der
doeren an dat onderslach op der Cameren baeven die zadell gegeven
XXXI mewen.
Item II C IJ veerdell spikernagell tot den doeren gegeven XIIII mewen
Item voir J veerdell lasnagell ind J veerdel spikernagell totten
Stalle gegheven V mewen.
Item voir enen bant ind II haeck an die ruppe ynde stalle gegeven XIJ mewen
Item voir III veerdell staecknagell an dat porthuys gegeven IIIIJ mewe
Item IJ C latten ad III gulden XXIIII mewen
Item XVII vymmen schoeve op die schure ind opten affhanck van den
Stalle ind heijmelycheit gedect, elke vymme ad XV mewen
valet V gulden XXVIIJ mewe
Item een decker VII dage in den werck, die dat deckde hadde, elkes dage to
loen VIIJ mewe ind des dage an kost V mewen, valet I gulden XLII mewen
Item voir weert rijs, daer dat mede getuynt waert gegeven IJ gulden
Item II knechte die den decker operden an die schure, den affhanck achter
den stalle ind heymelicheit tuynden ind leymden VII dage in den werck
hadden elker to loen des dage VIJ mewe ind elker an kost des daghes
V mewen valet III gulden XXIIIIJ mewe
Item twe houtsnideren XXVII dage in den werck, hadden elker des dages
to loen V mewen ind elker des dage an kost V mewen, valet XI
gulden XXXVIIIIJ mewe.
Summa XXIX gulden XVIII mewen III gr.
Summa omne expi.... VII C LIII rynsche gulden ind VIII C XXXV arnh. gulden XXXVJ mewe
....................................