land van Kessel - inv. 1580 - rekeningen Johan van Broekhuizen 1431/1432
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
rekeningen van Johan van Broekhuizen etc. 1431-1441
inv. nr. 1580 – 18 april 1431-13 juli 1432
[afbeelding 0001-1580_001.jpg]
Kessel xxxi ao xxxii
[afbeelding 0001-1580_002.jpg]
Dit is rekeny(n)ge en(de) bewisinge mijns Johans van Broichuse(n) he(re) tot Loe ind to Geysteren
effhoeffmeists etc. ampts tslants van Kessell en(de) ter Horst van allen upboe(re)n en(de) uytgeve(n)
dat ic van wege(n) mijns lieue(n) gnedige(n) here van Gelre en(de) van Gulick en(de) Greuen [= graven] van
Zutphen upgeboirt en(de) vytgegeue(n) hebbe als van mijns ampts en(de) huysgehalts weghen
ter Horst angaende des goensdags nae den son(n)endags misericordia d(o)m(in)e inde(n) jaere(n) ons
here(n) dusent vierhondert een en(de) dertich wes op sante Margarete(n) dags inde(n) jaren
ons here(n) dusent vierhondert twe en(de) dertich, den tijt gerekent voir vijff veerdel jaers
Primo van den reynten van der Horst
Item aldaer van tijnse xxix gulden
Item aldaer vander olymoelen 1 gulden xvii mewe(n)
Item aldaer vander gruyten assijsen en(de) ketell tsame(n) xii gul(den)
Item aldaer vanene(n) ponde vlasch vi mewen
Su(m)ma xlii gul(den) xxiii mewen, ylker gulde(n)
ad xiiii crumpstert aff ad xlvi mewe(n)
Ende alsoe voert dese rekenynghe all vijt, soe waer gulden gerekent
ende geschreve(n) staen ende waer mewe(n) gescreven staen der maect iii ende een
gr. 1 crumpstert off xiii gr. ad 1 crumpstert.
Upboeren van capoenen
ind van hoenren
Item van den schout capoenen ter Horst liij capoen
Item van den schout hoenren ter Horst xlii hoenre
Item tot Zwolgen van den weijhoenren xii hoenre
Summa liij capoen
ind liiii hoenre.
[afbeelding 0001-1580_003.jpg]
Ende hebbe ijlken capoen gerekent ad iiii mewen
ende ellick hoen ad ii mewen, valet vi gulden xlv mewen.
Summa per se
Upboeren van gewynnen ende
van hoeghen broecken (breuken/boetes)
Item van Luytken Verwer van gewynne ii gulden x mewen
Item van Jenken van den Betrom van gewynne ij gulden
Item van Derick van den Wyden van gewynne ii gulden
Item van Jacop Cremer van gewynne ii gulden xx mewen
Item van Reijner van Yncjevoirt van gewynne iiii gulden
Item van Gherit Lemken Weverssoen van gewynne iiii gulden v mewen
Item van Peter van den Berghen van ghewynne v gulden xxv mewen
Item van Reyner van Ynckevoirt van ghewynne viii gulden
Item van Yutken van den Wijden van gewynne ii gulden xxxiii mewen
Item van Jenken Hagens soen ende van Jacop van den Spoelhoff van yffenynghen
van gevechte v gulden
Item Lijsbet van Berckell mijt onrecht op erve gedingt van enen broeck
xxxij mewen
Item Gherit Haghen myt onrechte teghen sijn pande gesacht van enen broeck
xxxij mewen
Item Copken Methelen/Mechelen myt onrecht op erve ghedingt van enen broeck
xxxij mewen
Summa xxxix gulden xxiiii mewen 1 gr.
Upboeren an Rogge
Primo van pacht ter Horst
Item van der Joffrouwen van Meerlaer V vaet rogghen
Item van Eygenmanne IIIJ malder rogge
Item van den Bade Ampt III malder rogge
Item van Jacop Messen I malder rogghen
Item van den pacht tot Berchem X malder roggen
Item van den moelenen ter Horst nae beloep der tijt C VIII malder IJ vaet rogghen.
Summa C XXVI malder IIIJ vaet
Item is to weten dat Ic van wegen myns lieuen gnedigen heren Johanna van Damme betaelt
hebbe VI malder roggen ende den graveren, die ter Horst die graven umme den huyse ende
vurborcht gegraven hebn II malder roggen an broede. Ende als dese VIII malder vurscr.
van desen upboeren affgenomen sijn, soe blyfft dat opboeren staen up C XVIII malder IIIJ vaet.
Summa per se
Item is to weten dat Ic des Rogghen yn den yersten vercocht hebbe LV malder
ende hebbe voir ellic malder geboirt 1 gulden XI mewen, valet LXVIII gulden XIIIJ mewen.
Item LXIII malder IIIJ vaet, ylker malder ad 1 gulden XV mewen valet LXXXIIII gulden XXIIIIJ mewen
Summa an gelde van roggen geboirt
C L II gulden XXXVIII mewen.
Upboeren van malt
Item van den molenen ter Horst XXXJ malder malts
ende hebbe voir ylker malder geboirt 1 gulden valet XXXJ gulden
Summa per se
[afbeelding 0001-1580_004]
Upboeren van Evenen
Primo van pacht ter Horst 1 malder V vaet
Item tot Oerle van weij evenen IIIJ malder tsamen V malder II vaet
ende hebbe voir ellick malder geboirt XXV mewen valet II gulden XLII mewen 1 gr.
Summa per se
Upboeren yn den lande van Kessell
inden ijersten Kessell ende Helden
Item van Gobbell van den Bueken van gewynne IIIJ gulden
Item van Willemken Sijmons soene van gewynne III gulden XIII mewen
Item van Willemken Zillen van gewinne II gulden
Item van Ynghel van Byereggen van gewynne VIIJ mewen
Item Art Heyeman myt onrecht op erve gedingt van enen broeck IJ gulden IIJ mewen
Item Heyns Coesdonck myt onrecht tegen syn pande gesacht van enen broeck IJ gulden IIJ mewen
Item van Gaedert van der Braeken van gevechte enen broeck II gulden IIJ mewen
Item van Goesken Cledders zwaeger van gevechte enen broeck II gulden IIJ mewen
Item van Art Schroeder ende van Heijnen Wolffs van enen wilkoer geboirt van elken an gevechte, van elken
IIII gulden valet VIII gulden.
Item van Derick den Veer van gevechte enen broeck II gulden IIJ mewen
Item van Phlipsken sBade soen van gevechte, enen broeck II gulden IIJ mewen
Item Ynghell Braeckmans van gevechte, enen broeck II gulden IIJ mewen
Item van Zybrecht van Kessell myt onrecht op erve gedingt, enen broeck II gulden IIJ mewen
Item Heijn Coesdonck myt onrechte op erve gedingt, enen broeck II gulden IIJ mewen
Item Heijn van der Heijden, dat hij myt onrecht gepant hadde, enen broeck II gulden IIJ mewen
Item Aerken Gaerts van gevechte, enen broeck II gulden IIJ mewen
Item Nese van der Heijden myt onrecht op erve gedingt, enen broeck II gulden IIJ mewen
Item Nrye (?) van Raede mijt onrecht tegen hoir pande gesacht, enen broeck II gulden IIJ mewen
Item van gevonden Bijen XXIX mewen
Summa XLVII gulden XVI mewen 1 gr.
Baerle (Baarlo)
Item van nijen tijnse IX gr.
Item van Hennys die aldaer doet waert gesteken aver hem vonden an gelde
XL mewen
Item Jacop Egbrechts soene van gevechte, enen broeck II gulden IIJ mewen
Item Ghijbe Momken van enen onrechte kommer, enen broeck II gulden IIJ mewen
Item Heijn Momken myt onrecht op erve gedingt enen broeck II gulden IIJ mewen
Item van des knechts guede die Hennys voirscreven doet sloech XVIII gulden
Item van Jans Witten guede die aff gedaen waert XV gulde
Item van gevonden bijen X mewen.
Summa XXXIIII gulden XIIII mewen 1 gr.
Blederick (Blerick)
Item aldaer van tijnse geboirt van twe jaeren V mewen
Item Elyaes mit onrecht op erve gedingt, enen broeck II gulden IIJ mewen
Item die selve Elyaes mijt onrechte teghen sijn pande gesacht, enen broeck
II gulden IIJ mewen
Item Stompt van Venle mijt onrecht op erve ghedingt, enen broeck
II gulden IIJ mewen
Item die halffwyne (?) ynden teende hoff myt onrecht teghen sijn pande gesacht
enen broeck II gulden IIJ mewen
Item die selve halffwyne (?) van enen wilkoir den hij brack II gulden
Item Willem van Helden van gevecht, enen broeck II gulden IIJ mewen
Item een vrouwe aldaer van enen wilkoir (belofte) den sy brack VIII gulden XV mewen
Item Heijn Beynsen van enen wilkoir (belofte), den hy brack II gulden XI mewen.
Summa XXII gulden XLIIIJ mewen.
[afbeelding 0001-1580_005]
Brede (Maasbree)
Item aldaer van nyen tijnse V mewen 1 gr.
Item Peter Jacops bouman van der Heijden van gevecht, enen broeck II gulden IIJ mewen
Item Jacop syn brueder van gevecht, enen broeck II gulden IIJ mewen
Item Willem Otkens myt onrecht op erve gedingt enen broeck II gulden IIJ mewen
Item die Coster van Brede van gevechte, enen broeck II gulden IIJ mewen
Item Otte van der Heze myt onrecht van hylixsaken gedingt, enen broeck II gulden IIJ mewen
Item Gadert Hillen myt onrecht op erve gedingt twe broecken IIII gulden V mewen
Item van gevonden byen J gulden
Summa XV gulden
Zeuenhem (Sevenum)
Item aldaer van nyen tijnse XL mewen
Item Jacop van den Vorst myt onrecht tegen syn pande gesacht enen broeck II gulden IIJ mewen
Item Mette van der Porten van eenre muetsoenen, sie sy brack, enen broeck II gulden IIJ mewen
Item Goessen van der Porten van den selve saken, enen broeck II gulden IIJ mewen
Summa VII gulden II mewen
Swolghen, Wanssem ende Lotthem
Item Luytken Schroeder myt onrecht op erve gedingt, enen broeck II gulden IIJ mewen
Item die selve van eenre muetsoenen, die hy bracht II gulden IIJ mewen
Item Jan van den Hatert myt onrecht op erve gedingt, enen broeck II gulden IIJ mewen
Item Gherit van den Kerchoff van gevechte enen broeck II gulden IIJ mewen
Item van gevonden Byen XIX mewen
Item van der Abbatissen van Nuyss XXX mewen
Summa IX gulden XIIIJ mewen.
Raede (Venray)
Primo die erffhuys en gewyne gerekent der mewen XXV ad 1 gulden
Item Thijs van Aver dijck XXI mewen
Item Jan Cremer X mewen
Item Jan Hensselman VIII mewen
Item Gerit Schep VII mewen
Item Godde van Kessell I mewe
Item Lemken Tymmerman II mewen
Item Jacop van Aver dijck XII mewen
Item Jan Ghysen XJ mew
Item Jannes Smijsken IIIJ mewe
Item Goessen Scheper IIIJ mewe
Item Ael Arts J mewe
Item Jacop van Bruggen I mewe
Item Jan van den Wynckel 1 mewe
Item Jacop van den Poel IJ mewe
Item Jan van Casterloe VIIJ mewe
Item Jan Stynensoen II mewen
Item Gobbell Heyn Brijnssoen IJ mewe
Item Peter Hen Ghysen soen IIJ mewe
Item Alart Hen Ghysen soen VIIJ mewe
Item Hille Hen Ghysen dochter J mewe
Item here Henrick II mewen
Item Item Peter onder die Boeme IJ mewe
Item Goessen Kemerlinck IIIJ mewe
Item Goertken Coeman tot Loenen I mewe
Item die baghinen V mewen
Item Willemken Yernen IIIJ mewe
Item Henken van der Hijpt IJ mewe
Item Hille van Nylant IIII mewen
Item Cornelys van der Haen III mewen
Item Peter van der Poel J mewe
Item Art Boschhuys II mewen
Item Reynken Ynghen Eynde VIII mewen
Item Gaert Poyter IIIIJ mewen
Summa V gulden XVIIIIJ mewe
[afbeelding 0001-1580_006]
Item Mette van der Santvoirt IIIJ mewen
Item Heyn Thijs Heldemanssoen IJ mewe
Item Peter van der Brymhoevel I mewe
Item Denijs van den Hesevalderen IJ mewe
Item Pouwels Schomaker IIJ mewe
Item Yken Scheyen J mewe
Item Heynken Oymen II mewen
Item Henrick die Harde II mewen
Item Mechiel van der Sande J mewe
Item Heynken van Dans XIIII mewen
Item Heijn Welter J mewe
Item Peter Lemmen J mewe
Item Art Rutkens XIII mewen
Item Herman van den Santvoirt XIX mewen
Item Willem Stijnen J mewen
Item Jan van Schoer XV mewen
Item Peter die Vlemynck III mewen
Item Jan Goessen Schepers soen IIII mewen
Item Jannes Smysken IIIJ mewen
Item Derick van Aken IJ mewe
Item Jan van der Gaet J mewe
Item Jan Schaey IJ mewe
Item Art van Schoer IJ mewe
Item here Claes VIII mewen
Item Jan Baeten J mewe
Item Lijsken van der Hoeven J mewe
Item Jacob van der Haen J mewe
Item Jacop van Eze III mewen
Item Peter van den Hout V mewen
Item Jan van der Haghe IIIIJ mewe
Item Willem Cuper VI mewen
Item Rut Schomaker II mewen
Item Jacop die Wever I mewe
Item Thijs van den Valderen IJ mewe
Summa V gulden II mewen.
Item Derick Jutten III mewen
Item Smeets II mewen
Item Derick Schep IJ mewe
Item Jan van den Gaet I mewe
Item Thys Heyn Alen soens 1 mewe
Item Art Rutkens J mewe
Item Lijsbet Gruyters 1 mewe
Item Willem Martens 1 mewe
Item Werken van Houteze 1 mewe
Item Jan van Kessel XXV mewen
Item Thys Wagemeker IJ mewe
Item Gherit Lubbe 1 mewe
Item Gherit Steynken XIII mewen
Item Willem Pernen (?) IJ mewe
Item Ynghell Jan Metten soen 1 mewe
Item Aleyt Godden J mewe
Item Dyebel Tymmerman 1 mewe
Item Jan Willemssoen van der Stappen J mewe
Item Jan van der Poel II mewen
Item Jenken Brijns IJ mewe
Item Derick Honderts IIIj mewen
Item Thijs Heyn Abensoens/Alensoens soen II mewen
Item Pouwels van den Dale II mewen
Item Mette van den Heyster 1 mewe
Item Heyn Welter III mewen
Item Gaert Brijns IJ mewe
Item here Henrick baghinen paep IIJ mewe
Item Jacop van der Heide I mewe
Item Dryes van den Boeme II mewen
Item Jan van der Stappen I mewe
Item Willem Henneken Neeskens soen III mewen
Item Peter Ronghe I mewe
Item Heynken Menssen J mewe
Item Willem Schroeder J mewe
Item Peter van den Poel II mewen
Item Peter Ditkens van Aerssen I mewe
Item Peter Lemkens 1 mewe
Summa III gulden XIIIIJ mewe
[afbeelding 0001-1580_007]
Item van den Schop IJ mewe
Item Derick van den Hesevalderen III mewen
Item Jacop van Voirsell IIJ mewe
Item Peter Nyeweert VII mewen
Summa XIIII mewen
Upboeren van hoeghen broecken (ontvangst van hoge boetes)
Item Jan van Schaer boven vondenys gesproeken enen broeck 1 gulden XXV mewen J gr.
Item van Derick van Hesevalderen, die gesacht hadden hem were gelt aff gedreyget
ende were gedwongen to verloeffenys des nyet uyt to brengen, dat men alsoe nyet
en vant van yffenyngen by raede der schepenen vijfftich gulden.
Item Lyns Yernen van yffenyngen van gevechte IIII gulden
Summa LV gulden XXV mewen J gr.
Item is to weten dat Zweder (van Broekhuizen!) myn brueder yn synew lester rekenyngen mynen gnedigen
here schuldich bleeff nae uytwisinge der Bueke, die Ic an my genomen hebbe ende geboeren my
to verrichten XXX gulden.
Item ic hebbe voirt van bevele mijns lievengnedigen heren van Ghijsbert van
Mekeren geboirt C gulden.
Ende van Everart van Balveren, tolner to Boemell (Zaltbommel) C gulden, die my
geboeren to verrichten.
Summa CC XXX gulden.
Dit is die alinge somme van allen mynen upboeren voirscr. yn gelde loept
tsamen op VII C XI gulden XXXVI mewen IIIJ gr. (711 gulden, 36 mewen 3,5 gr.)
Dit is uijtgeven mijns Johans van Broichusen, here tot Loe ende te Gheysteren, erffhaef
meister etc., Ampts tslants van Kessell ende ter Horst, dat ic van weghen myns
lieuen gnedigen heren van Gelre ende van Gulick etc. bynnen deser voirscr. tijt uyt
gegheven hebben van allen uytgeven als hier nae geschreven steet.
Item yn den yersten, doe myn lieue gnedige here umme Leetberg (Lidtberg?) ende der Dickt trecken
solde, hadde ic een deel ruteren ter Horst ind waeren aldaer 1 nacht ynde herberghen
myt X perden ende doe sy weder umme quaemen, waeren sy oick aldaer 1 nacht myt XII
perden, verteerden soe inder uytryden soe in der wedercomen tsamen VII gulden XV mewen.
Item ter selver tijt Zybken Bade gesant to den mareschalck hem to laeten
weten woe voel ruteren ic hedde hem gegeven XXV mewen.
Item ter selver tijt hadde ic myt yn den wagen
Item an Broede IJ gulden
Item 1 zijde specks IJ gulden
Item 1 zalm XXVII mewen
Item 1 aeme wijns, hielt aver V veerdell VIII gulden
Item 1 vaet hoppen XXXIIII mewen
Item doe men die koe umme Goestorp roeffde, den boetruteren to teergelde gegeven 1 gulden.
Item ter selver tijt Gadert geselle van Caster gegeven XVIIJ mewen
Item den veren to Venle van den ruiteren die tot Zevenhem laegen ende van den Kessellenderen
doe sy tot Zuchtelen waeren, soe van den Kessellenderen, doe men umme Leetberg ende der Dickt
brande, to teergelde gegeven VI gulden VIIJ mewe.
Item was ic gereden tot den van Riffersceit to Wickraede, was 1 nacht vyt, verteerde
myt veergelde myt V perden tsamen IIJ gulden
Item op sunte Panthaleons dach (28 juli) solde mijn gnedige here gereden voir Straelen waeren
die Ritterschap des lants van Kessell to Broichusen stonden daer aff
verteerden IJ gulden.
Summa XXXI gulden XL mewen.
[afbeelding 0001-1580_008]
Item ter selver tijt den veren to Broichusen, to Lotthem ende to Grebbenvorst, die
dat volck voirt ende weder aver vuerden gegeven 1 gulden XXXVIIJ mewe
Item op onss lieuer Vrouwen dage Assumptionis (15 augustus) waeren myns lieuen gnedighe heren soude
tot Zevenhem den nacht, als van daer voirt tot Erclentz to rijden, hadden daer an cost:
Item an weyten ende rogge broede II gulden
Item 1 rynt (rund) voir VI gulden XI mewen
Item II hemell (gesneden ram) voir II gulden XII mewen
Item XX hoenre voer XL mewen
Item 1 zyde specks IJ gulden
Item 1 zalm voir XXXV mewen
Item voir kese, botter ende keerssen (waskaarsen) XX mewen
Item II aemen wyns VII veerdel voir XVI gulden VI mewen
Item 1 vaet keuts (bier?) voir I gulden XV mewen
Item ter selver tijt van Venle gesant tot Erclentz L malder haveren, ijllick malder
ad XXXVIII mewen III gr. myt meergelde teringen ende anderen cost doe men
die haver ontfinck XXXIJ mwen, valet XLIII gulden XIIIJ mewe.
Item hadde my mijn gnedighe here doen schriven des neesten maendagh nae des heiligen
Cruys dach Exaltationis myt een deel riteren (groep ridders) ter Horst to comen, ind quam aldaer
duerden daer wes des anderen dage, hadden an cost:
Item an weyten ende rogge broede 1 gulden VIII mewen
Item an Ryntvleysche IIII gulden
Item J zyde specks voir XXXIIII mewen
Item II capoen VIII mewen
Item XXI hoenre ad II mewen, valet XLII mewen
Item II aeme wijns IIlet veerdel, die aeme VI gulden XV mewen valet IX gulden XLIIJ mewe.
Summa XCIII gulden XXVIII mewen III gr.
Item 1 vaet hoppen ad XXXIIII mewen
Item VIII malder haveren, dat malder ad XXXVIIJ mewe, valet VI gulden XXVII mewen
Item an ruwe voeder, soe op ten huys soe yn den dorp I gulden XV mewen
Item ter selver tyt tot Kessell to veergelde gegeven 1 guldenleve,
Item ter selver tijt was ic gereden to mynen here van Cleve tot Cleve, was 1 nacht
vyt mit IIII perden, verteerde myt der avervaert IIJ gulden
Item op sunte Mechiels dach (29 sept.) doe die voetruteren uyt den lande van Kessell myt Arnt
van Dullen tot Erclentz, hadden sy an cost myt avervaeren voirt ende weder,
soe an teergelde myt tsamen V gulden.
Item des anderen dage nae sunte Mechiels dach waeren mijns gnedigen heren frunde tot
Broichusen aver die Mase gevaeren myt XXV perden ende wouden aldaer weyndich bleven
des nachts aldaer myt VIII perden, hadden an cost ende an veergelde tsamen III gulden XVIII mewen.
Item reden die anderen voirt ter Horst, beven daer wes des anderen dage dat sy wat gheten
hadden, verteerden yn de herbergen myt XII perden VI gulden XX mewen
Item ter selver tijt die riteren van Gruesbeeck tot Venle yn Arnts huys van Lomme
gequijt IIII gulden XXVIIJ mewe.
Item ter selver tijt quam Johan van Buetberg Claessoen myt sinen riteren ter Horst, bleeff
daer wes des anderen dage, verteerde myt VII perden III gulden V mewen.
Item den Riteren van Batenborch ter Horst yn den dorp tot tween tyden gesant III malder
haveren, ylker malder ad XXXIIII mewen valet II gulden XI mewen.
Item des donresdage nae sunt Dyonijs dach (9 oktober) doe die voetruteren vijt den lande van Kessell
tot Veerssen (Viersen) waeren, den gedaen II vaet hoppen (bier) ad I gulden XXXII mewen.
Item ter selver tijt umme p(ro)vande tor Venle soe broet, botter, kese, stockvysch ende
keut tsamen XIIJ gulden.
Summa LI gulden VIIJ mewe
[afbeelding 0001-1580_009]
Item op sunte Gregorius dach was ic gereden tot Ruermunde ind reet voirt des anderen
dage myt here Schelairt to Keretzen an den Boem teghen myns heren Raet van Heynsberg
umme der gevangen wille tot Broick was II nacht tot Ruermunde mit VI perden, verteerde
mytter avervaert tsamen VI gulden V mewen.
Item op sunte Benedictus dach was ic gereden tot Monfort tot mijns heren Raet van Heynsbergh
soe ynde herbergen, daer die gesellen ontbeten myt veergelde tsamen 1 gulden VIIJ mewe.
Item des Sonnendage op Halffvasten was ic gereden an die stad van Ruermunde myt
VII perden, to veergelde voirt ende weder gegevenJ gulden.
Item ter selver tijt Leetgen bade gesant to Heynsberg, hem to teergelde gegeven XVI mewen.
Item des dinxdag nae den Sonnendage Judica ynde vasten den Stocker, die Jan
den Witten richtet gegeven V gulden IIJ mewen.
Item des Sonnendage nae sunte Philips ende sunt Jacoips dach Zylken Bade tot
Heynsberg gesant, hem gegeven XX mewen.
Item des maendage daer nae was myns gnedigen heren Raet gereden tegen myns heren Raet
van Heynsbergh to veergelde to Buggenem gegeven XX mewen.
Item des Sonnendage nae sunte Servaes dach was ic gereden tot Vlodorp tegen Goetscalck
van Voirde ende was II nacht vyt myt VII perden, verteerde mytter avervaert tsamen XJ gulden.
Item des Sonnendage Cantate, was ic gereden tot mynen gnedige here tot
Arnhem, was aldaer den nacht yn der herberghen myt VII perden ende reet des
anderen dage ten Rosendael ende liet daer V peerde staen, reet weder umme tot
Arnhem myt II peerden ende was daer III nacht, verteerde myt avevaeren
voirt ende weder tsamen VIIIIJ gulden.
Summa XXXIIII gulden II mewen III gr.
Item ter selver tijt Zybken bade gesant tot Heynsberg, hem to teergelde gegeven XXXIII mewen.
Item op ten Pinxtavont Zybken bade gesant tot Heynsberg, hem to teergelde gegeven XXXII mewen.
Item op ten belaken Pinxtdach was ic van bevele mijns gnedige here umme sunder-
linger tydinge wille tot Gelre ynne gereden to veergelde gegeven X mewen.
Item ter selver tijt enen bade gesant umme riteren to bidden, den gegeven XIII mewen.
Item ter selver tijt Zybken bade gesant van Gelre tot Ruermunde ende weder ter Horst, den
gegeven XX mewen.
Item des donredage nae des heiligen Sacraments dach, Zybken bade gesant tot
Heynsberg, den gegeven XXVIII mewen.
Item was ic gereden van myns gnedigen heren wege to Monfort here Schelarts kynt to heffen
ende gaff aldaer der armen II gulden ende to veergelde voirt ende weder myt VIII perden tsamen XV mewen.
Item des maendage nae onss liever vrouwe dach Visitationis was ic gereden tot mynen gnedige
here tot Arnhem ende was III nacht uijt myt VI perden, verteerde mytter avervaert tsamen VIII gulden XX mewen.
Item op sunte Margareten avont was ic gereden an die stad van Ruermunde umme saken
wille als mijns heren gnade dat wael weten en was aldaer IIII nacht to wachtende nae een
antwert vanden saken, die ic der stad an bracht hadde, verteerde aldaer mytter avervaert
myt V perden tsamen XV gulden XVI mewen
Item Johan van Lieck gegeven XX rynsche gulden, maken XXXIIII gulden XIII mewen.
Item Johan van Efferen een pert aff gedaen ad LX ar(nhemse) gulden.
Item van den schepen to maken als myns heren gnade wael weten, soe an plancken soe
an yseren werck, soe ander meister kost ende loen tsamen XLV gulden IIJ mewe.
Summa C LXVIII gulden XXJ mewe.
[afbeelding 0001-1580_010]
Item van mijns ampts ende huisgehalts wegen ter Horst, nae beloep der tijt CCC LCIIJ
Rynsche gulden XX alde tuyne
Item voir mynen brant XVI gulden XXX mewen
Item den poirter voir sinen loen nae beloep der tijt VIII gulden
Item den molner voir sinen loen nae beloep der tyt VIII gulden
Item XXIII ellen lynen duecks tot zeylen, yllick elle ad IIIIJ mewe valet II gulden XIIJ mewe
Item voir lynen tot den zeylen 1 gulden XIIJ mewe
Item van den huerketell to lappen XXXIIII mewen
Item Henric van Kryekenbeeck een swart pert myt enen corte stert verderfft doe ick
van myns gnedigen heren weghen tot Herderwyc was. LXV rh. gulden.
Item die selve Henrick een swart pert myt enen langen stert verderfft doe mijn gnedige
here tot Erclents yn den veden lach. L arnh. gulden
Item Henrick van Merwijc een schymmelt pert myt enen lange stert verderfft doe mijns
gnedigen heren frunde van Gelre ende van Collen up der Venvrugghen bij een waeren. CX rh. gulden
Item Johan van Hemmen een graw pert myt enen lange stert verderfft tot Erclentz yn
myns gnedigen heren veden. LV rh. gulden
Item Rutger Bueve 1 bruyn pert mit enen langhen stert verderfft doe mijn gnedige here reet van den
Grave ten Rosendael des goensdage nae sunte Valentijns dachlest leden ende waert den marschalc
gelevert. XL rh. gulden
Item Zybken bade een vael pert myt enen langen stert verdefft yn dienst myns gnedigen heren
XLIII arnh. gulden.
Item Karle Spede 1 schymmelt pert myt enen langen stert verderfft doe men roeffden
ummen Breydenbaent C rh. gulden.
Item Karle van Wyenhorst 1 zwart pert myt enen langen stert, dat to Grave die moert sloech.
XX rh. gulden
Item Johan van Hemmen eeb graw pert myt enen cote stert verderfft ende
waert den mairschalc to Grave gelevert. LXV arnh. gulden
Item myn gnedige here heefft my geschenct een pert van C clynckert.
Summa lateris CCC M arnh(emse) gulden XIIII mewen
ind VII c L III rh. gulden XII mewen.
Vijtgheven an Bouwe ende tymmeringhen.
Item Ghysken ende Dyebell tymmerlude XXIX dage in den werck, die wijntmoelen deckende
die asch scheende die molenroede laschden, dat porthuys maeckende ende aen der
olijmoelen tymmerden, die overste valbrugge nyemaeckende, die gelyntstaken
umme dat vurborcht cloeffden ende maeckende ende aen anderen werck, hadden ellic sdag
to loen een yegelyc VIJ mewe ende ylker an cost die dage V mewen, valet XIIII gulden
XXX mewen.
Item an yserenwerck to den werck
Item voir die schenen an die asch XXXVI mewen
Item voir bande an die moelen roede to vermaken VI mewen
Item dat Rieryseren ynder olymoelen gelengt IIII mewen
Item enen bant van II voeten an die Stamper IIJ mewen
Item enen bant van II voeten umme dat kamprat IIJ mewen
Item an der averster valbruggen voir van de pelen to vermaken, een nye panne, een
clamp daer die ketten ynnen loept tsamen 1 gulden VJ mewe.
Item voir gehenge an der doeren van den porthuyse IIJ mewe
Item voir die ketten ende pleye ende IIemer to bynden an der putte ynden vurborcht
tsamen IJ gulden
Item VI groete naghel voir IIJ mewe
Item IIIJ c spikernaghell ad X mewen, valet XXXV mewen
Item J veerdel laschnagell IJ mewe
Item C staecknagell V mewen
Item II c hecknagell X mewen
Item voir plancken, die op ter moelen gedect sijn I gulden VIIJ mewe
Item Floerken ende Abelken tymmerlude X daghe yn den werck an den bachuse
ende peertstall, een trappe yn den kelre, ende ander werck hadden, ylker
dis dages to loen VIJ mewe ende ylker dis dagh an cost V mewe, valet
6 gulden IIJ mewe.
Summa XXV gulden XXXIX mewen 1 gr.
[afbeelding 0001-1580_011]
Item voir die ketten ende rolle op ter averster bruggen, II emer gebonde, enen bant daert
myt an die brugge gevest is, tsamen IIII gulden.
Item voir II emer XX mewen
Item voir II schalden an die koekendoer VIIJ mewe
Item voir II scheren an den stock ende nagell daer toe tsamen XIIII mewen.
Item voir II cluyster tot den bruggen en voir een slot an der porten vermaect
mytten sloetell, tsamen XXX mewen
Item voir II vynster blader, een schalde ende enen hanthave an den vynster tsamen
V mewen.
Item VJ c staecknagell ind latnagell ad V mewen valet XXVIIJ mewe
Item II c spikernagell ad X mewen, valet XX mewen
Item C laschnagell XX mewen.
Item twe meister, die muerden myt enen operknape IIII daghe in den werck
ende maeckden enen nyen aven ende op ten huyse stopden en bynnen witden
den meisteren ylker dage to loen X mewenende die operknecht dis dagh
VI mewen ende elker dis dages an cost V mewen valet III gulden XXVIIJ mewen.
Item voir 1 malder kalx to den werck XVIIJ mewe
Item voir J c latten 1 gulden X mewen
Item VII vymmen schoeve op dat porthuys gedect ende die porte baven myt gestopt
ylker bynnen ad xvmewen, valet II gulde XIIII mewen.
Item een decker VI dage yn den werck, die dat porthuys gedect ende op ter porters
gestoppt heefft, dis dagh to loen VIIJ mewe ende ellicks dages an cost V mewen, valet
1 gulden XXVIIIIJ mewe.
Item twe knechte die den decker operden dat porthuys tuynden ende leymden VI dage
ynden werck hadden ylker dis dage to loen VIJ mewe ende ylker an cost dis dage
v mewen, vale III gulden IJ mewe.
Item II houtsnyder II dage in den werck, ylker dis dage to loen V mewen ende ylker
dis dage an cost V mewen, valet XL mewen.
Summa XX gulden XI mewen.
Item twe leyendecker enen dach yn den werck, die op ten huyse stopden, ylker dis
dages to loen XI mewen 1 gr. endeelker dis dages an cost V mewen, valet
XXXIIJ mewe.
Item twe knecht II dage yn den werck die op ten huyse getuynt end geleymt
hebben, ylkrt dis dage to loen V mewen ende ylker dis dages an cost V mewen
valet XL mewen.
Item VIII manne enen dach yn den werck, die an den archen groeven, haddem
elker ancost V mewen valet XL mewen.
Item den graveren, die umme den huyse ende vurborcht ter Horst die graven
gegraven ende geveecht hebben, den cost gedaen.
Item VIIJ vaet hoppen (bier) elker vaet ad XXXIIII mewen, valet V gulden XXVIIJ
mewe.
Item J vaet botteren, hielt aver VIII pont voir V gulden XXXVII mewen.
Item J waege kesen voir II guldden XII mewen.
Item den meister graver VI dage yn den werck, elkers dage to loen XI mewen
1 gr. ende elkers dage an cost V mewen, valet II gulden VIJ mewen.
Item voir weertrijs, daer dat vurborcht myt umme getuynt is IIII gulden.
Item enen man X dage yn den werck, die dat vurborcht umme tuynde, hadde
elkers dage to loen VIJ mewe ende elkers dage ancost V mewen, valet II gulden
XXIIII mewen.
Summa XXIIII gulden XXXVIIJ mewe.
(veel afkortingen !!):
Simil expo. VII cLIII arnhm gul, XIX bl, 1 gr
Ominbus copensat manet d(o)m(inu(s) dux debens Joh deist compu..
XLI Arnhm gulden XXIX bl. et VII c LIII rh. gulden XI mewen
Hec compuco audica est in gma in p(rese)ncia dm/duc presentius
domino Johan Schelert de Obbendorp, milite in gro curt domino Michaele de Brede licent in lege
Johan de Boytbergh, marsc. necnon Udone Talholt redd suprmo etc anno MCCCCXXXIII
feria post dominica Reminiscere.
[afbeelding 0001-1580_012]
Omslag: blanco