Sevenum inventaris 7 schepenbank handelingen prothocollen 1563-1607 afb. 181-197
[afb. 181 links:]
Henrich Schenck streckt in een certificatie bij den
schepen van Opploe gedaen, de dato den 13-en junij
1605, geteyckent H, V, Verorkunt
Henrich Schenck streckt noch een attestatie by
den schepen van Venroij gedaen, de dato den 14-en
maij, 1605, geteyckent H, C, c,
Verorkunt
Henrich Schenck streckt in een besegelte attestatie
by den schepen van Gennep gedaen, de dato den
23-en maij, 1605, geteyckent H, D, d,
Verorkunt,
Henrich Schenck streckt in een besegelte certifi-
catie by den schepen van Hornen gedaen de dato den
6-en meij, 1602, geteyckent H, E, e
Verorkunt
Henrick Schenck strecken(de) noch een attestatie be-
segelt van(de) schepen van Hornen, de dato den 26-en
nouem(ber) 1605 geteyckent H, F, f, Verorkunt
Henrich Schenck streckt in een attestatie by den
schepen van Malden besegelt gedaen, de dato den
13-en februarij 1606 geteyckent L, G, g,
Verorkunt
Henrich Schenck hier met sluyten(de) van conden
seggen(de) met syne ingefuerde condtschappen ge-
nochsaem bewesen te hebben, dat allet geene wat
beclachterss sich heft laeten gelusten op syne huys-
vrowen vader sa[liger]: eer, faem en(de) salicheijt te
spreecken, dat selue alles valschelick versiert, er-
dach, en(de) gelogen is, sal cleger daerom een rechte
clachte gedaen hebben, en(de) beclachterss een onrechte
veranteringe, en(de) daerom gehalden syn te doen nae
inhalt der clachten en(de) geuallen syn in sheeren bruecken
en(de) alle geledene schaden en(de) costen van rechten, alles nae
erkenteniss deser ersamen gerichten
[afb. 181 rechts:]
Strafwordt Jtgen Dericks c(on)tra
Henrich Schenck
Jtgen Dericks wederlecht die ierste inheijmss
ingelachte condtschap, en sal haer in heuren
rechten niet hinderlich wesen,
Vnde die andere kondtschappen daer nae met
brengen(de), dat Frederich van Hulss, des clegers
huijsvrowen vader Christelick afgestoruen en(de)
begrauen is, wunscht den seluen frederich met
syn Christelick afsteruen een vrome opver-
stanteniss,
Seggende dat beclachters niet wenich en be-
frembdt des clegers wytueldich inbrengen
en(de) bij gesochte worden,
Jnden iersten dat sich cleger wil suijueren van
het inbrengen van Geradt Roeskens, waer
van hij in dach der clachten geen volmacht
getoent en heft, oock tselue schriue(n)s
niet gedaechdt was soe recht
Ten anderen dat des beclachterss ingefuerden
kondtschappen niet beweert en weren soe recht,
het sal hier een landt recht syn en(de) bliuen, die kondt-
schappe voer schepen afgedingen synde sullen genoech
beweert syn als recht,
Segt beclachters wyders dat der cleger desen
huydigen dach niet bewesen en noch bewysen
sal, dat sy soe daenige worden Frederich van
Hulss naegesacht, dan in hueren huijse heft
hoeren seggen en(de) der cleger huer geen gerichte-
licke afvrageninge geschiet were, daer in sy
sich mocht vergeeten (welck niet geschiet)
te bestendigen, seggen(de) dat cleger desen huydigen
een onrechte clacht gedaen sal hebben, beclachter een
rechte veranteringe gedaen sal hebben, duer deser landt
en(de) banckrecht, en(de) geuallen syn in costen hinder en(de)
schaden
[afb. 182 links:]
Kondtschappen Jtgen Dericks
c(on)tra Henrich Schenck,
Tuijgen Geradt Roeskens en(de) Wijllem Verlijnden schepen
dat Peeter Pouwels sohn vanden Bercken voer hen af-
gedragen, dat hy geseeten hed inden hoeck in Jtgen huyss en(de)
gehoert, datt Jan Reijnen gesacht hed, dat die
dregers soe sij die kiste nae der kirchen
drogen een ydel kist gehaden hedde
Segt beclachterss hierop sluyten(de) van conden dat
sy desen huijdigen dag genochsaem bewesen heft,
met dese voerss kondtschap, dat der tuijge Jan
Reijnen heft hoeren seggen, doen Frederich van Huls
nae der kirchen gedragen is geweest, doen die
kist ijdel geweest is,
Jnsgelycken segt beclachters dat sy op Frederich
van Huls, daer huer Gott verhueden wil, op ehr
en(de) afsteruen niet gesproecken en heft, sonder
gehoert wter Jan Reijnen mont, en(de) der cleger
desen huijdigen dach niet bewesen en heft met
eenige gerichtelicke afvraginge, dat beclach-
tersse sich sulches hed laeten gelusten te spreecken
presentieren(de) huer by hueren vrouwelicken ehr en(de)
eedt, Verorkunt
Henrick Schenck verorkunt en(de) wed(er)rlecht
die kondtschap van Peeter voerss vanden Bercken
seggen(de), dywijl hij Peeter direckelick daer tege(n)s
getuijcht heft voer Erken vanden Broeck en(de) Wyllem
inden Hoeck schepen, sal derhaluen syne kondtschap
valss syn en(de) behoeren gestraeft te worden tot
exempel voer anderen, die tweerleij in een saecke
geuen, en(de) besonder dijwijl hy hier gedaechdt
is geweest desen huydigen voer recht niet en
heft dorven compareren, sal cleger derhaluen
niet hinderen, noch in recht niet behoeren aen
[afb. 182 rechts:]
genohmen te worden, sich referieren(de) aen sijne
kondtschappen, vorige behulp en(de) strafreden, stellen(de)
tselue tot discretie der ersame gerichten, sinen
wordt en(de) wederworden.
Jtgen Dericks segt hierop dat sy sich oock refe-
riert op huer veranteringe, kondtschappen, straf-
en(de) behulpreden, en(de) genemde tselue theylige
rechten in huiden, syn sy het wyss, dat sy het
wysen, en(de) syn sy het niet wyss, dat sy het
selue wysen te platsen daer het behoeren sal
op costen van partyen.
Beyde partijen Gott den h. rechten beuolen
Vonnisse
De schepen, ercleren, aengesien de schepenstoel niet
vol en is, soe lange en geuen sy geen sententz
De schepen ercleren seggen(de) dat sij heuren vorst halden bis
ten naesten
Dije schepen, aenspraeck, antwort, conden en(de) kondtschappen, midtsgaders
het wytueldich inbrengen van beijden partijen int lange ouersiegts
en(de) met den anderen gecom(m)uniceert seggen(de), soe twe van(de) altsten
schepen wter der banck geeijscht syn worden, en(de) twe gesworen inder
seluer plaetsen gestalt der saecken onbedreuen, wijsen en(de) erkennen
sy zemptlich dieselue procedure nae heuren bester wit en(de) weeten-
schap voer heur wettlich hoeft, ouermidts sy schepen en(de) aenwesen(de) ge-
sworen sulches niet wyss en syn, Actum de 23-en jan(uari): 1608
De saecke tuschen Geradt Kraecken en(de) Derick
Hennents sullen heure saecke veraccordieren
hier en tuschen ten naesten, soe fern moegelicken
soe niet, sullen ten naesten clacht, antwort
konden en(de) kontschappen up eenen dach infuhren
Dese partyen aen der heeren wij getast van huer
saecken te veraccordieren, en(de) aen naesten den heere
die boeten beetehren
[afb. 183 links:]
De saecken tuschen Pouwels vanden Bercken, en(de)
Alart Verhillen sullen vergelycken hier en tuschen
ten naesten soe fern moegelicken, soe niet, sullen
partijen ten naesten clacht, antwort, conden en(de)
kondtschappen op eene dach infuhren
Dese partyen aen der heeren wij getast, om huer
saecken te vergelycken, en(de) ten naesten des heeren
boeten te verrichten
Gedinge gehalden den 12-en april,
anno 1606
Gedinge gehalden den lesten maij
anno 1606
Clerniss
De schepen ercleren aengesien Henrich Schenck landt-
scholtis daerop lett datter drij swagers inder banck
sitten om sententz te geuen tuischen den scholtis en(de)
Jtgen Dericks, Aengesien huer banckrecht noch Ouer-
quartiers rechten niet en ermoegen, sullen daero(m)
Geradt Roesken en(de) Wyllem Verlinden als broeder
en(de) swager inder seluer sententz te geuen niet
moegen sitten, der landtscholtis verorkunt
Gichtwordt Aenclacht,
Durch gedaegen,
Marten Schenck voer syne persoen als mede momboir
synes broeders en(de) syner suster onmondige kinderen
clacht ouer Peeter Roeskens en(de) is hem afeyschen(de) als
man en(de) momboir syner huysvrow, schijn en(de) bescheijt
als syn huijsvrow Grietien Claessen sich nae dode des
[afb. 183 rechts:]
clegers broeder Jan Schenck saliger heft doen geuen
van seeckere hond(er)t dalers ongefehrlich, die welcke Jan
Schenck sa[liger]: op het kerspel Seueno(m) staen(de) hadde, Jn
weijgeringe van dijen becalcht, cleger den beclachten voer
200 golt g(ulden) mj(n) eens penni(n)cks, Dingt sich conden
aen met den gerichtelicken schaden,
Antwort
dese antwort volgt int naeste gedinge
Gedinge gehalden den 14-en junij
anno 1606
Henrich Schenck landtscholtis sich erschenen tege(n)s
syn contrapartye Jtgen Dericks, verwachten(de)
ordel en(de) sententz,
Jtgen Dericks sich ook erschenen tege(n)s huere contra-
partije der landtscholtiss voerss,
Henrich Schenck segt, dijwijl syn wederpartije
niet te vreden en is met vyff schepens en(de) met
twe gesworen van desen kerspel, en(de) dat syn wed(er)-
partye sustineert dat daer twe ander schepens
int gerichte sollen moeten sitten, het welcke tege(n)s
deser landt en(de) banckrecht is, en(de) die alde wael
hergebrachte costuijmen,
Segt wyders soe die vyff schepen met den twe
geworens niet wijss en weren die sententie
wt te spreecken, stelt den ersamen gerichten vrij
op costen van partijen sich te belehren en(de) te be-
vragen aen huer wettlich hoeff ofte andere bancken
wij Swolgen en(de) Broeckhuysenvorst die een natuer
van rechten hebben, ofte dat den ersame gerichte
gelieuen sal te wysen ter plaetsen daer het
behoeren sal en(de) goetduncken soe hy cleger bouen thouersicht
daer bouen beswaert worde en(de) langer omge-
dreuen, daer van wil hij opentlichen gepro-
testiert hebben, seggen(de) wyders dat geen manier
en is dat negen schepen in een gericht sullen
[afb. 184 links:]
dijwijl en(de) aengesien beclachters huer beyde swagers
oock mede schepen syn en(de) voerhun by den schepen
ercant is dat die swagers ouer dit recht niet
sollen sitten, ter oersaecken cleger daerop gelet
datter drij swagers int gericht saeten, sal der-
haluen beclachters sich met die vyf schepen en(de)
twe gesworen behoeren te contentieren, stellen(de)
tselue tot discretie van desen ersame gerichte
wael uerstaen(de) dijwijl hij cleger met den vyff
schepen tho vreden is wat costen wegen der twe
gesworen op lopen mochten, daer van segt
cleger niet gehalden syn, sal staen tot laste
van(de) beclachterss, stellen(de) totten ersamen gerechte
discretie
De schepen ercleren dat hen sulche werck noijt voer-
com(m)en is als beyde partijen voergebracht hebben,
sonderen seggen voer recht te bliuen by huere vorige
sententie gegeuen, Soe auer der cleger gelet
heft op die twe schepen als partyge en(de) met
die vyff schepen tho vreden is, en(de) die be-
clachters ter contrarien daerop lett dat die
twe schepen trecht besitten sullen, ofte andere bequame
persoen inde plaetse setten, seggen de schepen
dat partijen soe daerop letten aen hoeger
overcheyt ordona(n)tie brengen en(de) weruen sullen
dat die twe partijge schepen afgestelt sullen
worden en(de) andere bequame persoenen in siner platz
stellen, om dese en(de) andere sententien te helpen
wijsen, Henrich Schenck verorkunt,
Marten Schenck volmechtiger sich erschenen tege(n)s
Peeter Roeskens ten anderden mael
[afb. 184 rechts:]
Gedinge gehalden den 4-en octob(er)
anno 1606
Aentwort, die aenclacht staet int vorige gedinge
Peeter Roeskens als beclachter ontkent die
clacht met den clachtpenninck soe wijt recht
vermach, kennen(de) den clegere nae luijt syner
clachten niet gehalden te syn eenigen schijn
oft bescheijt tho thonen ofte doen blijcken die hem
clegeren oder met synen mede gedelingen aen-
gaen ofte tho stendich syn, ten were dan saecke
dat cleger beweess soe recht, dat beclachter
ofte syne huijsvrow eenigen schijn oft bescheijt
onder sich hedde, daer cleger met synen mede-
gedelingen in eenigen deel vercort ofte ver-
naedeelt worde, mocht hij sulx bewysen soe
recht, Dingt sich conden aen met den gerichte-
licken schaden,
Clerniss
De schepen ercleren opt aenhalden des landt-
scholtissen en(de) Jtgen Dericks, aengesien de schepen
noch niet gebleecken eenige ordona(n)c van
hoege ouerheijt dat die twe schepen (soe daer
op gelet wordt) afgestalt sollen worden, om
volgents de banck met twe anderen bequa-
me persoenen te becleden soe recht, seggen
daerom sy schepen te bliuen by huere lester
gegeuene sententz, en(de) hier mede hueren
halden(de) vorst
[afb. 185 links:]
Gedinge gehalden den xxx-en
maij, anno 1607
Kondtschappen Marten Schenck voer sich
en(de) syne mede consorten, c(on)tra Peeter
Roeskens,
Tuijcht Grijtien Peeter Roeske[n]s huijsvrow, seggen(de)
dat huer dat kint van sa[liger]: Jan Schenck ter
goeder tijt afgenohmen is worden van(de) erfgenahmen van sa[liger]: Jan Schenck, en(de) dat
het selue onderhalden is worden, soe sulches
eijget en(de) gebuerden, Verorkunt
Tuijcht Gritien voerss wyders dat het met hueren
wille het kint wederom bij sich genohmen en(de)
onderhalden, en(de) dat sy tuyge het guetien van
Heijn Cuijpers sa[liger]: gebruijckt heft met die pen-
cion van hondert dalers voer het onderhalt
vanden kinde, en(de) inder tyt sy tuyge geen in-
dracht van(de) partijen geschiet en is, sonderen tgene
voerss vredelicken gebruyckt, Verorkunt,
Marten Schenck streckt in een schepen cedule
bij den schepen van Sevenu(m), inhalt desseluen
geteijckent, M, p(er) Verorkunt
Seggen(de) cleger dat desen ingestreckte cedule
claerlick is met brengen(de), dat soe fern
Grijtien dat kint van sa[liger]: Jan Schenck geen
een kinder en maeckten met hueren kinderen
van huer goet, dat sy alsdan aenden penno(n)gen
geen deel noch beerffen en solle
Tuijcht Geradt Roeskens schepen seggen(de) dat hij
tuyge met noch eenen schepen gesant is worden
van(de) cleger voerss by Peeteren synen broeder om hem af te vragen
off hij dat kint van sa[liger]: Jan Schenck met
syne kinderen een kinder maecken wolle, e(n)
daerop Peeter voerss hem tuyge geantwort, dat
hij het voerss kint bij het syne laeten wolle
ter oersaecken dat dit kint tauont ofte
[afb. 185 rechts:]
morgen mj(n) mochte hebben dat een kinder
weren, als sonst dat het by den synen verble-
uen were, Verorkunt,
Tuijcht Peeter Roeskens beclachter en(de) Grijtien
syn huijsvrow seggen te bliuen by de kondtschap
van Gerardt Roeskens wtgedragen, verorkunt
Marten Schenck cleger sluyten(de) van inheijmse
conden, seggen(de) met die kondtschap van
Grijtien bewesen te hebben, dat huer dat kindt
van sa[liger]: Jan Schenck ter goeder tyt afgeneh-
men is, en(de) van(de) cleger en(de) synen consorten
onderhalden,
Jnsgelycken die kondtschap van Geradt Roeskens
Peeter syn broeder en(de) Grijtien voerss genochsam
bewesen is, huer gep(re)sentiert te syn dat sij nae
luijt des briefs sollen den kinde met hueren kinderen
aen huere guederen een kinder maecken,
en(de) wollen die partijen alsdan Heijn Cuijpers
guetien met noch hond(er)t dalers inhalt des briefs
den kinde tot hueren nutt en(de) profyt laeten
het welcke Peeter voerss en(de) Grijtien afgeslaegen
en(de) gerefuseert, sal derhaluen geen reden
hebben daer van ijtwas te vorderen, sonder
gehalden sijn te laeten allet geene wat vanden
syden van sa[liger]: Jan Schenck geco(m)men is aenden
seluen erffgenahmen,
Segt nog wyders cleger dat geen natuerlicker
gelyck tselue kindt een naetuerlicke van
sa[liger]: Jan Schenck geweest is, en connen ijtwas
vort erffen, nae dese Ouerquartierss rechten, noch
niet en can van hun ijtwas versteruen dan
nae dootlichen afganck tselue sonder lyfs erffen
wederom alle goeder soe sy besetten en(de) hun
van(de) partijen in gebruyck gegeuen wordt wedero(m)
behoeren te vallen inden boessen daer her sij gespro-
ten syn
Strafwordt Peeter Roeskens c(on)tra
Marten Schenck volmechtiger voerss
[afb. 186 links:]
Peeter Roeskens beclachter wed(er)legt clegers inge-
fuerde conden soe wijt recht vermach, seggen(de)
desen huijdigen dach geene konden ofte kondtschappe(n)
soe van(de) cleger ingedient syn, gehoert noch
gesien te hebben dat beclachter ofte syn huijsvrow
eenich schijn ofte bescheijt solle hebben onder sich
gemaeckt tho wesen nae dootlichen afganck
van sa[liger]: Jan Schenck, melden(de) van hondert
dalers, daer hij cleger ofte syne mede con-
sorten aen berechticht sollen syn, staen(de) op desen
kerspel Seveno(m), Verorkunt,
Dat dat selue bescheijt ofte vidimus bij schepen
gepassiert tho weeten Heijnken Smets sa[liger]: en(de)
Geradt Roeskens claerlick en(de) wtdrucklich
is met brengen(de), tselue een gifte te wesen
halden(de) op Grijtiens afsteruen en(de) op hueren doot
dat sij Grijtien van het superplus welcke sij
nothwendich van geenen doen en heft gehadt
nae hueren doot nae lijfe, datselue vallen
solle aen huer kint, het welcke sy van sa[liger]:
Jan Schenck erworuen hadde, sal derhaluen
beclachter een rechte veranteringe gedaen hebben
en(de) cleger een onrechte clacht, en(de) geuallen
syn sheeren bruecken en(de) costen van rechten,
Kondtschappen Peeter Roeske(n)s
c(on)tra Marten Schenck volmechtiger
voerss,
Tuijgen Peeter Roeske(n)s richterbaedt Geradt
Roeskens schepen, dat die ingestreckte cedule
bij hem richterbaedt voerss geschreuen, ende
by Geradt Roeskens en(de) Heijnken Smets
als schepen onderschreuen, met huere eijgen
nahmen, Verorkundt
Peeter Roeskens beclachter sluyten(de) van inheijmse
conden met alle notsick des rechten ten naesten seggen(de) genochsaem bewesen te hebben
met die gerichtelicke gift en(de) bekenteniss
[afb. 186 rechts:]
dat Jan Schenck sa[liger]: syne huysvrow Grijtien
alsulche hond(er)t dalers daer hier questie om is
gerichtelicken becant heft schuldich te syn en(de) huer
gegeuen te hebben, die baete Jaerlix daer van
te gebrujcken, en(de) soe sij met der baete niet
om com(m)en condte wyders daer van aen te
vangen tot huere notturft toe, en(de) aenge-
sien voerg(enoem)te Grijtien tegenwordich noch in
leuen synde niet te weeten en is, hoe wijt
ofte hoe groet haer notturfticheyt wesen
can, en(de) int eijnde der gifte wtdrucke-
licken gementioniert is, die penno(n)gen soe nae
Grytens afsteruen ouer bleuen, sollen vallen
ofte versteruen aen Grijtiens kint, het
welcke kenlick is tselue kint ouerleden is,
en(de) soe het hier landtrechtens is, geen moeder
erfflose kinderen is dragen(de), werden val
soe het opt kint gestoruen were, (dwelck
neen) opten moeder verstoruen en(de) op nye-
mandts anders,
Dat oock cleger cum suis [= met de zijnen] schoen berechtiget
weren aen die ouer geblevene pennongen
soe bouen die notturfticheijt Grijtiens nae
haeren afsteruen ouer bliuen mochten, were hij
niet gefondiert dieselue ehr te vorderen dan
nae het afsteruen Grijtiens, sal der haluen
cleger te vroech gesproecken hebben, referieren(de)
sich beclachter aen het opgerichte schepen cedule
stellen(de) tselue tot discretie der ersame gerichten
Strafreden Marten Schenck voerss
als cleger c(on)tra Peeter Roeskens
Marten Schenck cleger wed(er)lecht beclachters inge-
fuerde conden soe wijt recht vermach, die hem
dienlick syn treckt hij aen tot behoef synes
goeden rechten,
Seggen(de) die kondtschap van Geradt Roeskens
halden(de) dieselue voer partije, ouermidts het
beclachters broeder is,
[afb. 187 links:]
Segggen(de) noch wijders, dieselue soe ouer den bescheyt
gestaen hebben, nemptlich Geradt Roeske(n)s en(de)
Heijnken Smets sa[leger]: voer partye te halden, daer
voer beclachter segt sulche gifte geschiet solle
syn, aengesien Geradt der broeder van(de) beclachten
en(de) Heijnken Smets sa[liger]: die ohm van(de) huijsvrow
van(de) beclachten geweest is, en(de) geen confirma-
tion desseluen bescheijts van Jan Schencken sa[liger]:
blijckt, den welcken den beclachten self der tyt inden
leuen geweest te syn, die welcke selfs wel
schriuen condte, noch geene confirmation van
eenige onp(ar)tijge schepen, die doen ter tijt ohn
twiuel binnen Seveno(m) wel te krijgen syn ge-
weest, noch geen confirmation van scholtiss
noch geene subsignatuere van(de) landtschriuer
geschiet en is, het alsoe van weerden solle ge-
halden werden, soe sulches behoerden te ge-
schijeden, dijwijl auer sulches niet geschiet en is
gelyck nae desen Ouerquartiers rechten solle
behoeren, can sulches niet van weerden gehalden
worden want allet gene wat clegers brueder
achtergelaeten heft al op hem ende mede consorten
geuallen sijn ende wan sulx van weerde were, het
welcke nehn, aengesien beclachter sich re-
feriert dat der cleger tho vroch gesproecken solle
hebben, sonderen solle hebben moeten wachten biss nae
Grijtiens doot, soe het bescheyt van weerden
were, het welcke nehn, segt cleger, dat soe
fern Grijtien tselue hed willen gebruijcken, sol sij
het kint met den goede niet gereferiert hebben
gelyck sij gedaen heft als wter kondtschappen
van(de) cleger genochsaem gebliecken heft sonderen
sij sich bij den kinde gehalden, gelyck het bescheyt
daer sy sich op vermiet niet brengen(de) is,
dijwyl sy auer het kinde metten goede gere-
fusiert, en(de) den last van(de) kinde
den cleger met synen consorten tho gewesen
[afb. 187 rechts:]
sal hem clegeren voerss oock tho staen tgeene der
vader des kints achtergelaeten heft, als ierste
erfgenahmen van sa[liger]: Jan Schenck,
Gichtwordt
Peeter Roeskes richterbaedt drecht af dat Wijllem
vanden Wijer eenen com(m)er geslagen aen Thoniss
Veruergert voer duijsent golt g(ulden) mk(n) eenes
pen(n)i(n)cks, voer alsulcken schade als hem waer
Thoniss voerss huijss geschiet were, en(de) Thoniss
voerss voetsettinge gedaen, coram Geradt
Roeskens en(de) Wijllem Verlinden schepen,
Aenclacht,
Wijllem van(de) Wijer clacht ouer Thoniss voerss
seggen(de) hem clagens noth doet, dat een tyt
geleden is, dat in beclachters huijss aengegean
is eenen brandt, daer duer cleger groeten
hinder en(de) schade becom(m)en, soe in dach van
conden blycken sal, met geloefweerdige luyden
Js cleger den beclachten sulchen hinder en(de) schade(n)
afeyschen(de), Jn weygeringe van dijen beclacht
cleger den beclachten aen nae inhalt des com(m)er-
slaechs, Dingt sich conden aen met den gerichte-
licken schaden,
Antwort
Thoniss beclachter ontkent die clacht met den
clachtpenni(n)ck soe wijt recht vermach, kennen(de)
den cleger ouer al daer van niet schuldich te syn
cleger queme dan ter goede tyt en(de) bewese
dat hij beclachter van wegen des schadens die hij
pretendiert geleden te hebben, die oersaecke were moest daer van
alsdan nae erkenteniss der ersamen gerichten
dulden en(de) lyden, Dingt sich conden aen met
den gerichtelicken schaden,
Gichtwordt,
Durch gedaegen,
Aenclacht,
Peeter Costers clacht ouer Wijllem Verlinden, oft soe
hij christelick genoempt wordt, seggen(de) dat een tijt
geleden is dat sich beclachter heft laeten gelusten
hem clegeren tho schelden voer een dief en(de) schelm
onvrom en(de) dijer gelijcken, het welcke hem cleger
[afb. 188 links:]
niet te lijden en staet, mede dat beclachter
sulche scheldinge niet geloefweerdige konden
en(de) kondtschappen gehalden sal syn sulches te
bewijsen, en(de) soe niet, daer cleger niet aen
en twiuelt [= twijfelt], sal beclachter gehalden syn alsulcke
scheldinge eenen gerichtelicken keer doen, en(de) die
selue in te laeten gaen, daer wt [= uit] die her ge-
uloeten syn, opentlich voer den scholtiss en(de)
ersamen gerichten, wolde cleger lieuer dat
beclachter sulches niet gedaen en hedde, oock
hem niet befaemroeft en hadde, dan hij hem
daer voer solle verrichten 500 golt g(ulden) min
eens penn(in)cks, Dingt sich conden aen met
den gerichtelicke schaden,
Antwort,
Wyllem Verlinden beclachter ontkent die clacht met
den clachtpen(n)inck soe wyt recht vermach,
seggen(de) tselue hij den cleger nae gesacht en(de)
gescholden heft, tselue wil hy hem in dach
van conden bewijsen, Dingt sich conden
aen met den gerichtelicken schaden,
Clerniss
De schepen int lange sich besproecken wegen
der partijen van(de) landtscholtis en(de) Jtgen
Dericks, seggen de schepen te bliuen by huer
hiur beuorens gegeuene verscheyden senten(tie)
sonder hier bij verclaren(de) dat Jtgen voerss
hier en tuschen ten naesten sal doen blijcken
seeckere ordonan(tie) van hoger ouericheyt
daer mede den twe schepen heuren eede ver-
laeten wordt, om andere personen
inder seluer platsen te vereeden, en(de) soe
niet, sal sy Jtgen met den schepen ende twe gesworen tho
vreden syn, daer mede der landtscholtis
niet tho vreden is, en(de) alsoe ten naesten
partyen recht te doen, nae huere bester
wet en(de) wetenschap
[afb. 188 rechts:]
Gedinge gehalden den 26-en septemb(er):
anno 1607
Behulpreden Marten Schenck volmechtiger
c(on)tra Peeter Roeskens
Marten Schenck voerss sluyten(de) van wtheijmse conden
Marten Schenck voerss als cleger protestiert, aengesien
hij voergedraegen heft, Aleph van Gelre dienaer wesen(de)
inder saecken, synen principalen geene kondtschap en
solle behoeren te draegen, en(de) der beclachte denseluen
Aleph voerss desen twe voergaen(de) gerichtsdagen hier in
desen gerichte gebruijckt, en(de) met wtheymss, sonderen
in desen gerichtsdagen present is geweest, gelyckwael
der schepen ercleert dat hij der selue kondtschap selle
behoeren te genieten,
Strafworden Peeter Roeske(n)s c(on)tra
Marten Schenck voerss
Peeter Roeskens beclachter segt hierop dat hij niet
geweeten ofte niet in synen gemuete gecom(m)en sij
wat hem nothwendich in synen wtheymse(n) conden
notdruftich geweest sij, referieren(de) sich op deser landt
en(de) banckrecht,
Tuijcht Aleph van Gelre dat der tegenwordiger landt
schriuer het officium des landtschriuers ampt
aengefangen heft in anno 1593 in januario ofte
in februario synes lesten onthalts, Verorkunt
soe lieff als verweert,
Peeter voerss hier met sluijten(de) van conden segt hier met
genochsaem bewesen te hebben opt het voergeuen
des clegers, dat datselue instructie soe van(de) ge-
richtelicke onderschreuen donation van Jan Schenck
sa[liger]: hier in desen rechte ingedient van(de) landtschriuer
niet onderschreuen,
[afb. 189 links:]
Oock dat Geradt Roeskens der tyt partijen solde
syn geweest, derhaluen tselue van null en(de) onweer-
den sijn, het welck neen, Js ijmmers kenlick
genoech en(de) wahrachtich dat gemelter Geradt Roeske(n)s
broeder Peeter lange nae den tijt die donation
geschiet en(de) Grijtien ter eh genohmen heft,
Vnde oock voer hin eer den tegenwordigen landt-
schriuer het officie bedient heft, Peeter Roeskens
tegenwordich geconsentiert en(de) toegelaeten was alle
contracten te schriuen en(de) te onderschriuen in absentie
des landtschriuers als gesubstitueerden in desen gerichte tho Sevenu(m),
stellen(de) tselue tot discretie der ersamen gerichten
verhopen(de) beclachter een rechte veranteringe gedaen te
hebben, en(de) cleger een onrechte clacht, en(de) geuallen
syn in costen en(de) des heeren bruecken,
Strafwordt Marten Schenck voerss
c(on)tra Peeter Roeskens
Marten Schenck cleger wed(er)lecht des beclach-
ters ingefuerde conden soe wijt recht vermach,
die hem dienlick sijn treckt hij aen tot behoef sijnes
goeden rechten, seggen(de) die kondtschap van
Aleph van Gelre hem in synen rechten niet hind(er)-
lich en sal wesen, aengesien Aleph voerss der
dienaer van(de) beclachten is, want in recht niet
bestaen en mach dat, een dienaer synen principalen
kondschap mach geuen, en(de) segt in desen processe
noch ter tyt geen substitutie van(de) landstschriuer
van Peeter Roeske(n)s gebleecken en is,
Vnde segt wyders dat beclachter noch ter tyt niet
genoechsaem bewesen en heft alsulcke maeckinge
ofte bescheijt als beclachte voer desen gerichte heft
doen blycken, van weerden tho syn, aengesien sy
beyde daer ouer gestaen en(de) partijen syn, welcke
met nahmen Geradt Roeskens broeder van(de) beclachten
en(de) der ander Heijnken Smets sa[liger]: der ohm van des
[afb. 189 rechts:]
beclachters huijsvrow is, als beijde partijen, en(de)
aengesien het selue bescheijt soe inden vorigen ge-
richtsdach verhaelt, noch van scholtiss, noch van on-
partijge schepen soe doen der tyt in desen kerspel
te becomen sijn geweest dij noch desen huydigen
dach in desen gerichte sitten, noch van(de) landtschriuer
bekrefticht, noch van clegers sa[liger]: broeder, der
welcke beclachter sich vermeeten doen ter tyt inden
leuen geweest te syn, dieselue selfs wel schriuen
kondt, can derhaluen in desen noch in desen Ouer-
quartiers rechten tselue bescheyt niet van wierden
ercant worden,
Ten 2-en segt cleger in desen gerichte en(de) inden gantsen
Ouereste quartier notoir genochsaem te wesen dat
alle kinder soe buijten staen der ech vanden vader ver-
woruen van des vaders syde voer bastarden gehalden
te worden, suecken(de) tot sijnen vordel, Verorkundt
des beclachtes vermeet, daer sij beclachten vermeeten
hier voer desen gerichte dat geene moede bestarden
en can draegen, en(de) aengesien die moeder dit kint
bastart gemaeckt en(de) van alle huere goederen af-
gesneden, en(de) van haere kinderen gesepariert,
gelijck genochsaem wter die kondtschap van Geradt
Roeskens die daer als een gerichtsman met synen
stoelbroeder daerouer gebruyckt is geweest, als
oock wter der kondtschappe van(de) beclachten en(de) syner
huysvrouwen gebleecken, die welcke sij luyt des
bescheijts, soe fern het selue van weerde were
en(de) behoerden eener kinder te maecken, en(de) oock
nae hueren eygen vermeet soe beclachter gedaen dat
geene moeder bastarden en can draegen,
en(de) hed sich totten kinder behoeren te halden, en(de) aen-
gesien sy het selue niet gedaen, sonder het kint
bastart gemaeckt en(de) sich niet totten kinde gehalden
van huere kinderen en(de) guederen afgesneden
[afb. 190 links:]
en(de) het kint met synen lasten clegeren met synen
consorten toe gestalt, en(de) sich des kindts en(de)
denseluen tho stendich gerefusiert, het kindt
vanden cleger en(de) mede consorten onderhalden
buyten beclachters en(de) syner huysvrowen entgelte-
niss en(de) beclachters huysvrow van alle lasten
des kindts ontlediget, dat sy desfals op cleger
ofte de medeconsorten niet te eijschen, gelyck
huere eijgen kondstschap met sich brengen(de) is,
sal beclachter recht noch reden hebben, ytwas te
eijschen van wegen sijner huysvrouwen, ofte te
spreecken, opt geene clegers sa[liger]: broeder nae-
gelaeten heft, van het selue cleger met synen
meden consorten van Gott en(de) rechtswegen tho
stendich is, die welcke den last des naetuer-
licken kints nae doot des saligen broeders ge-
dragen heft, het welcke beclachters huijsvrow
bastart gemaeckt hadde, en(de) niet en hed nae het
vermeet van hueren man en(de) momboir behoeren te
doen, die welcke sich vermeeten geen moeder bastar-
den te connen draegen, sal derhaluen cleger een
rechte clacht gedaen hebben en(de) beclachter een onrechte
veranteringe, en(de) geuallen syn in sheeren bruecken
en(de) costen van rechten,
Sluytreden Peeter Roeskens c(on)tra
Marten Schenck
Peeter als beclachter segt hierop te bliuen bij sijne
vorige proposition, hem tho halden bij die gerichte-
licke maeckinge, van Johan Schenck sa[liger]: inge-
willicht voer de gerichten daer in gesprecificeert
seggen(de) wyders dat Peeter Roeskens in tijt doen
die maeckinge geschiet sy, niet partych geweest
en is, als beclachter in sijne behulpreden op sijn
wtheijmse kondtschap verhaelt heft,
Soe viel aenlangt van sa[liger]: Heynken Smets als-
dat die selue dyer tyt schepen geweest die ohm van
[afb. 190 rechts:]
beclachters huijsvrow geweest were, sal beclachten in
desen noch Ouerquartierss rechten niet hind(er)lich wesen
want desgelijcken viel met in testamenten ofte mage-
scheijden geschiet syn, en(de) noch dagelix geschieden, dat
schepenen om huere gebuerlicke gerechticheijt van
honnen partijen dickwils gebruijckt worden, soe wael al sy syn van bloede en(de) daerom
ouer die saecken daer sy ouer gestaen hebben huere platsen
in geenen rechten niet wed(er)lacht en worden, referieren(de)
noch beclachter sich op syne vorige behulpreden in den
inheymse conden gedaen, daer in(de) gementioniert wordt
noch niet kenlick en is, wat beclachters huysvrow
in hueren leuen noch notwendich wesen can, per-
sisteren(de) soe cleger als schoen goet recht hadde, sal
hij niet eer connen spreecken dan nae het ouerleden
des beclachters huijsvrow, twiuelen(de) niet een
rechte veranteringe gedaen te hebben en(de) cleger een
onrechte clachte, stellen(de) tselue tot discretie der
ersamen gerichten,
Marten Schenck persistiert bij syne vorige reden
en(de) aengesien doen der tyt onpartijge schepen te be-
connen waren, hadde dieselue daerouer te gebruycken
en(de) beclachter met der huysvrouwen het kint met
den goede gereserfiert en(de) bastart gemaeckt, sal
cleger met synen mede consorten gelyck bouen ver-
haelt soe sy die lasten des kints hebben moeten
draegen, tgene der broeder naegelaten tho stendich syn,
ofte dese strydige pennongen,
Beyde partyen Gott en(de) den h: rechten beuolen,
Vonnisse
De schepen ercleren en(de) halden hueren vorst biss ten naesten
De schepen halden hueren vorst biss ten naesten
De schepen ercleren en(de) halden nochmaels hueren vorst biss ten
naesten
Die schepen ercleren partyen ten fruntelicken verdrage hier en tuschen ten naesten soe
fern ymmers moegelicken, soe niet, sal der schepen wysen als recht syn sal ten naesten
[afb. 191 links:]
De saecken tuschen tuscen Peeter Costers cleger en(de) Wijllem
Verlinden beclachter sullen sich hier en tuschen den naesten
vergelycken, soe fern ijmmers moegelicken syn sal, soe
auer niet, sullen partijen ten naesten in recht pro-
cedieren o(n)vercort des heeren en(de) ijderen sijns
goeden rechten, en(de) alle konden en(de) kondtschappen
soe gedaechdt syn sullen gedaechdt bliuen, om soe
noedich ten naesten in recht te gebruijcken,
De schepen int lange geco(m)municeert de saecken tuschen
den landtscholtiss en(de) Jtgen Dericks verclaren, soe inde
vorige sententz inden leste geriechte geuloeten, iner-
troueren(de) van een ordonan(tie) soe by hoeger Ouericheijt
van Jtgen voerss solle te wege gebracht worden,
soe dieselue als huijden inden gerichte niet gebleecken,
te meer oock soe inde voerss sententz verclaert
datter twe gesworens by den schepen gestalt sollen
worden om die bedingde stucken te visiteren en(de)
te wysen nae behoeren, soe sulches den schepen noch
niet gebleecken, wysen en(de) erkennen beyde partijen
hier en tuschen ten fruntlichen verdraege, soe
eenichsyns moegelicken, o[n]uer-
cort beyde sytz huer recht, soe auer sulches
niet geschyen condte, sal der scholtiss tege(n)s
den naesten twe gesworen by den schepen doen
stellen, en(de) daer nae alles ouersien te wysen
nae huere bester wet en(de) wetenschap, oft soe
sy des niet wyss end weren, te wysen nae huere
wettelicke hoeft
Soeckt vort aen in een
ander newe prothocolle
in het gemechte den 10-en
octob(er): anno 1607
[afb. 191 rechts:]
Vonnisse tuschen die procedure
van(de) landtscholtiss Henrick Schenck
tegens Jtgen Dericks by den schepen
van Kessel en(de) Helden als een hoeft-
oerdel wtgesproecken den 3-en noue(m)b(er)
anno 1608, en(de) den schepen van
Seveno(m) besloeten tho geschijckt is
worden, en(de) by denseluen wtgespro-
ken den 13-en noue(m)b(er) 1608, aldus
luijden(de)
De schepen van Kessel en(de) Helden als een hoeft-
gericht ouersien hebben(de) die procedure soe tuschen
den erentfesten Henrick Schenck scholtiss des
ampts Kessel cleger ter eenre, en(de) Jtgen Dericks
beclachters ter anderer syden, int lange ouersien soe
aenclacht, antwort, conden en(de) kondtschappen, midts-
gaders het wijtueldich inbrengen alles rijpelicken
en(de) grontelicken derseluer acten ouersien,
wijsen en(de) erkennen nae huere bester wit en(de)
wetenschap als een hoeftgericht, dat Jtgen
Dericks als beclachters sal gehalden syn alsulcken
man voer hoeft te brengen, actum als bouen
Onder stont
Ditselue vonnisse is met synen
originale accordiren(de) by my
Henrich vander Locht
landtschriuer des
ampts Kessel
Die landtscholtiss Henrick Schenck als cleger
ditselue vonnisse verorkunt, actum den 13-en
noue(m)b(er): anno 1608
[afb. 192 links was blanco]
[afb. 192 rechts:]
Op huijden den 4-en decemb(er): anno 1613, sijn voer
ons schepen hier naest volgen(de) als nemptlich, Erken
van(de) Broeck, Jan Verheess, Jan Verheijen en(de) Maess
Vereerdtbrugge als schepen(en), gecompariert Jacop
Veruergert, Letgen Veruergert en(de) Geradt Roeskens
welcke partijen voerss ons schepen voerss op dato voerss
geremonstreert hebben eenen besegelten percamente
brief, voerhin van(de) wel edelen heeren Walrauen
van Wijtenhorst gewesene heere tho der Horst en(de)
drost des ampts Kessel gegeuen en(de) eenen af-
hangenden segel in roeden wass daerop gedruckt
mentioneren(de) van negen morgen art landts staen(de) ten
lijfgewijnss rechten aen(de) huijse ter Horst, welcke
voerss heere tho der Horst sich heft laeten geuallen
dieselue lyfgewijnss gerechticheyt, wt seeckere
redenen sijne ed: daer tho mouieren(de) heft laeten
veranderen tot erftijnss gerechticheijt, ten beheoff den
voerss partijen vande Vergert, Welcke voerss be-
segelte brief was gedatiert in anno 1598 den 6-en
octob(er):, Ditselue post datum deses geinsinueert
sijnde den oock wel edelen heeren Johan van Wytenhorst
ytziger heere tho der Horst aen(de) drost des ampts
Kessel e(n) als respectiue sohn van(de) voerss wel edelen
heeren Walrauen van Wytenhorst als voerss dese
voerss veralienierte lyfgewijnss gerechticheijt in
erftyns gerechticheyt niet en heft willen acceptie-
ren, noch daer in niet te willen consentieren,
daerouer partijen voerss in huere gerechticheijt hier nae-
maels niet achter haelt en mochte worden en(de) durch
afsteruen van Jacop Veruergert soe die voerss negen
morgen landts ten lijfgewijnts rechten alleen aen der
hadden, dat daerom partijen bij prouisie ofte om
seecker te gaen tvoerss landt niet versteruen, hebben
[afb. 193 links:]
op huijden dato noch een ander handt, als nemptlick
Enken Geradt Roeskens dochter beneffens hem Jacop
Veruergert gesonnen, voer laeten Gijsbert
Truijen en(de) Grijtien Keltiens, soe bij denseluen laten
aengenoemen, Actum als bouen,
[afb. 193 rechts:]
Op huijden den xxx-en maij anno 1607 sittens gerichts
gecompareert en(de) erschenen is Jan Alarts gedaec[h]dt
synde om een kondtschap der waerheyt ter jnstan(tie)
Marten Schenck alt synde ontrent 65 jaeren
als dat hy tuijge eertyts Grijet van Oordts weij
met com(m)er recht opgewonnen heft voer alsulcke
scholt als hy op dieselue weij hadde, en(de) tselue
onder kirchen gesat, nae kerspels gebruijck, en(de) die
kerss daerouer gerichtelicken aengesteecken en(de) alsoe
dieselue wey hem tuyge met brandender kersen ver-
bleuen, Tuycht verders dat hij tuijge daer nae
Dyderich Schenck gewesene scholtiss des landts
Kessel saliger in sijne plaetse gerichtelicken gestelt
Verorkunt,
Tuijgt Wijlllem Veruergert dat hij tuijge met Jan
Sijmonts saliger als schepen ouer desen voerss com(m)er
als oock int brandender kersen daer ouer gestaen
hebben, en(de) oock daer ouer gestaen daer Jan Alarts
voerss voerss [sic] landstscholtiss in sijne platse
gestalt heft, Verorkunt
Tuijcht oock noch wyders Jan Alarts voerss dat ge-
melter landtscholtiss die kerse oock aengesteecken,
en(de) hem oock met brandender kersen verbleuen,
Verorkunt,
[afb. 194 links:]
Kondtschappe verlint wegen des kerpsels
sittens gerichts, den 7-en nouemb(er): anno 1601
Henrick Hennents gedachdt syn(de) (ter jnstan(tie) des momboir des
kerspels) om een kondtschap der waerheyt tuijcht vnde segt
hem gedenckt dat Peeter Weijen vnd Jan Verschueren tym(m)luydt
die groete brugge vnd cleijn brugge tuschen die blaekt vnd den
aerst gemaekt hebben, vnde datso tot Jan Symonts holt gehouwen
hebben vnd bereyt tot eener bruggen
Tuycht Jenniss Lemmen segt hy ontrent vyftich jaeren geleden gewoent heft
oock ontrent seuen jaren bij Geradt Pouwels sa[liger]: als dat hy tuyge dickmaels ouer
die bruggen gefahren met heij, vnde dat onder alles hy tuyge
doen wael gehoert van Geradten dat Sijmonts hof een
brugge moste ond(er)halden, vnde gep(re)sentiert hier voer ge-
noch te doen beyde dese voerss tuijgen,
Tuycht Zeger van Jndt segt van synen alderen heft hoeren
seggen, van het onderhalt deser bruggen, gelyck dese
vorige tuygen hier bouen getuycht hebben, daer hy tuyge bij
is bliuen(de), presentieren(de) oock als bouen,
Tuycht Henrick Verhyllen, dat hij by Reijnken Erkens gewoent
heft, vnd onder alles van hen verstaen, dat die een
brug hen Reynken Erkens tho queme te onderhalden, vnd
die ander brugg Sijmonts hoff, vnd dat hy tuyge hem
Reynken geuraecht, waero(m) hy die brug onderhielt e(n)
daerop Reyncken antworden, daer voer hebben wij hoefslach
oock presentieren(de) soe fern nodich hier voer genoch te doen,
Tuycht Geradt Veraerdtbruggen schepen, dat voer hen afge-
dingen heft Gaert Schepers, vnd becant, dat hy by Jan
Symonts gewoent heft, vnd die schapen gehuedt heft,
vnd gesien dat Jan Sijmonts, Peeter Maechs vnd
synen sohn een new brugge hebben laeten maecken, auer
hy tuyge en wiste niet wat hij daer voer gehadt heft
sonderen den nahbueren wael hoeren seggen dat hy daer hoefslach
voer gehadt hed
Den kerspels momboir dese kondtschappe verorkunt
[afb. 194 rechts:]
Anno 1611 den xj-en april sittens gerichts gecompareert
gedaecht om een kondtschap der waerheyt Jan Leuten, vnd
Lenardt Lemmen seggen(de) dat sy onder alles com(m)en syn
op Henrick van Egeren misthoft, vnd daer met niet den
gesproecken, van Jacop Starts brant vnd sy tuygen spraecken
gemelte Start wold wedero(m) sinuieren, want hij tuygen spraeken dat hij Kerst
sijen huijss copen woldt, vnd dat gemelte Henrick
van Egeren doen gesproecken Start mach wederom
timmeren het sal effen wael wederom gebrant werden, want
hij leet en dingt met Goijen Rofferten, vnd syn kinder ryden
vpden krijch, Sy tuijgen ditselue by hueren man
waerheyt behalden, vnd altyt soe fern nodich dese
voerss kondtschap met eede te ver[...]oeren,
[afb. 195 links:]
Anno 1596 den 20-en nouemb(er): sittens gerichts is gecompareert
der erentfesten Marten Schenck, vnd vertoent eenen schepen
cedule, gepassiert voer Johan Dericks soen vander Heess, vnde
Reijnken vanden Brueck, als schepen der tyt geweest synde, jn-
halden(de) dat Jan Wijnters burger binnen Venlo gerichtelicken becant
heft schuldich te syn Anna van Goer naegelatene weduwe
Arnts van Blitterswick die somma van vier hond(er)t gelderse
rijder gulden, staen(de) opten Copper genoempt, als wyderen inhalt
derseluer cedulen, gedateert de anno 1571, op s: Andriess
dach, welcke voerss somma Marten Schenck voergenoempt
verclaert heft betaelt te hebben vnde dese cedule voerss
daer niet gedoot vnd te niet gedaen, off gebuerden dat
die ander cedule nu off hiermaemaels weders geuonden,
dat sulcke somme gequiteert, vnd volentygen is, als bouen
voerss,
Anno 1597 den 5-en feb: heft sittens gerichts getuijcht vnd
afgedragen, Henrich de Schut, dat hy in afwesen des richter-
baedts voer sy(n) gerechticheyt gesonnen een koij van Jan Verhillen,
die welcke Jenniss Splinters van hem gemangelt sold hebben,
die welcke Jan Verhillen hem deponent niet en heft laeten
volgen, sonderen hem Jenniss Splinters opten rusthoff geslaegen
daer bij gesproecken, soe fern daer stocken int huyss te vinden
weren, soe sold hy deponent die koij wael laten staen,
[afb. 195 rechts:]
Jn sequente latere debet
heer Pouwels tuecht dat hy niet gehoert dat Peterken jmantz
wat belaift heft en(de) dat coumpt dat hy geschreue(n), is
weder gevelten, verork(un)t
Daer vp seght Peterken dat hy nymant mehr belaift oft
geg(even) hefft, oich niet bewesen dat sulx geschiet is,
Derhalf(en) verhaipt hy dat denich noch ter tit sal to swich
spreecken, Oich is sin huysfr(ow) by dat coumpt niet
geweist, dat heer Pouwels geschreuen en(de) weder gevetten
heft, en(de) die huisfr(ow) segt het is oir guet, dat will sy
behalden
Beleronghh der schepens
Die schepen erklert dat Jan Geritz ofte Stranck ier
ontfinck caere(n) rinth den beslach wedero(m) bestelle(n) sal
daer er dat gehaelt heeft en(de) in coste(n) en(de) bruecke(n)
geuallen is, Jacob Derisk[en]s des kerspels momboir
dan Verorkundt
Opt versueck van Gaert Crouwels als eenige schattinge hem
te swaer gesat were hercom(m)en(de) van partijen Jan Wijnen
Verclaren die schepen dat Gaert by sij(n) alde schattinge bliuen
sal, Jngefal partien ten beyden syden tho vreden syn geweest, in
hueren coop, dat Gaert dat deel der schattingen dragen sal, sal
hem wael vnd weh doen, vnde soe niet sal het gaen inden
boessen daer het wt gecom(m)en is, Off Wyllemken Wynen
sal bewijsen soe recht, deil die schatting afgesath sij, bij
den gericht, soe dat gebruijcklich is, vnd vpten gegoeden Gaert
Crouwels aengesat solde sijn,
[afb. 196 links:]
den 26 septembr(is) a(nn)o [15]71
heer Pouwels van Cronenborch tuecht dat hy ein
coumpt vuytter begorten van Peterken Wientgens en(de) Jacop
This en(de) Joist Peterk(en)s son gemairckt melden(de) dat
Joest sinen son verdrag(en) mijt huer suisteren en(de) bruder dat hy dat
guet besitten en(de) gebruicken soldt, en(de) ider kint dair
van geuen en(de) vuytrichten die noch niet bestaet
en wehren hondert vier vp behagen van Jacop
dat voirkint, veroirk(un)t en(de) soe lief als verweert
Geertgen Wientgens tuecht dat sy Derisken ein kue
belaufft heft to geuen dat die ander kinder niet
en wusten, en(de) dat Derich dat niet segg(en) solde,
dan het is niet gesacht dat irste of idt leiste
jair, en is him oich noch niet geweig(e)rt
Peterken duet oich gestant van ein kuen, wan Derich
swigen kund, veroirk(un)t
Hensken van Tongerlo, Hein Cuenen, Gerrit Schepers Jan
Propers Joist Wientgens, en(de) Henrich van Merlo
tugen als hilixvrinden dat sy dair by geweist dat
Peterken Wientgens en(de) Geritg(en) sin huisfr(ow) Derichen mit
oire docht(e)r belaift hebben hondert horns gul(den), en(de) so wolde
hy sin kinder tosamen duen, en(de) alsdan als hy so vm
geweist wehr, so wolde hy dat ein kint duen als
dat ander, dan off hy ein van hun in ein guet guetgen
breng(en) kund, en(de) die ein xxv horns gul(den) mehr gheiff,
so dat sy dair niet vp sien solden verork(un)t so lief als verwert
Dair vp seght Derich dat hy mit heer Pouwels getuch nu genoichsam bewesen dat Peterken
Wientgens heft helpen handelen teg(en) die hilickx geloftens, derhalfen
dat Derich genoitdruickt worden dair tegen to bewisen dat hy
niet verkort mocht werden, sall derhalfen sulchen verdrach krachteloos
sien en(de) van onwerden, en(de) gehalden sien Dericken to verrichten
vermoich dit hilixconden, en(de) in kosten en(en) broicken gefallen sien
Peterken seght dat Derich niet bewesen dat hy einich kint iets
geg(even) heft en(de) of Joist sin geheile guet hin wegen woldt geuen
en ruert hun niet, oich is heer Pouwels coumpt vp behag(en) g[e]schie-
tige niet hinderen
[afb. 196 rechts binnenkant van achterzijde boek]
[afb. 197 buitenkant van achterzijde boek]