GenBronnen

maas

Oirlo cijnsregister 14e tot 17e eeuw


transcriptie door: Rien van den Brand

niet gekontroleerd door GenBronnen

geplaatst met toestemming van Rien van den Brand anno sept. 2013

 

Bron: gemeente archief Venray - eigendom RK parochie Oirlo

 

CIJNS-register der R.K. kerk van Oirlo/Limburg

tevens BEHANDIGIGUNGSBUCH

 

Ingevoegde notitie:

De Wel Eerw. Heer G. Slits junior, professor in het Klein Seminarie te Rolduc heeft mij den 2e april 1875 dezen

ouden Register overgeschreven en den ouden stijl letterlijk gevolgt. Ik heb hem in alles gevolgt.

Getekend: Leens J.M. Past.

 

[Eigen] Pag. 1

Peter van Dorne Lambrechts Rydders zoen van Dorne heeft ghegeven in dese kerke jaerlijcs ut enen marghen lans,

dat erftijns goet is IIJ quarten wijns van den besten wijn tot Venle te tap loepen sael alleweghe up goetvriedaghe.

Des wijns sal men scencken IJ quarten alle luden die te Paesscen in dese kerke onsen here ontfaen.

Ende I quart die pape hebben tot zijnen urber. Ende um desen voerghenoemde wijn, soe sal men begaen in der kerken

jaerghetijde tsiaers heren Peters van Dorne sijns vader Lambrechts Ridders van Dorne ende Elizabet sijnre muder ende

ghehuegen alle zondage in der kerken.

Ende van dien IJ quarten wijns, die di kerke hebben sal, soe sal men gheven tsiaers van der kerken ghade, den custer

van der kerken IJ brab. payments ende daerum soe sael hi vermanen der voergenoemde jaergetyden ent gehuchgenis

up die tiden dat si sijn.

 

Item Heyn Scuerman ende Truda sijn wijf hebben gegeven met geheuckenisse haren erven jaerlijcs IJ vaet rogghen der

kerken ende den pape te ghelden ut al haren eygene goede up sente Andrijs mis te betalen um welken rog sal men

begaen jaergetide mit dri kersen van der kerken kersen up eenre tijt tsiaers Jans Spirings, Heynen Scuermans Truden

synre huusvrouwen ende Clanus haer soens.

 

Item Heyn van der Scuren Spirinx soen heeft besat erflich in dye kirke 1 vaet rogh en den priester, dije die kirke bedient

1 vaet rogghe up een stuc lans dat erfcijns guet is, dat selve sal die kerken drye quarten wijns des jaers ende leet vur

twe marghen ende om die vurscr. summeren rogg soe sal men begaen in der kerken jaerghetide tsiaers Heynen vurscr.

ende ghehoeg alle sundagh in der kerken ende die kerke sollen op den jaerghetide beluchten ende den custer gheven

IJ brabant[isch] paymens vur luden ende vermanen.

 

Onderschrift:

Ende die kerke sal uten de vursc. twe morgen lands voir en van Kersken van den Scure sijnre huusvrouwe doen betalen

des jaars ein vaet roggen ende II quart wijns voir oir jaergetide ende graeff gaan des maendaegs, welke vaet rog en twee

quart wijns voorscr. die kerke vercofft heeft in den tijt doe Heyn van der Scuren, Claes vader en Gijsken voorz. kerkmeyster

gewest sijn, doe die koor van der kerken op betimmert ys.

 

[1383]

Heer Willem van der Heiden priester heeft ghegeven erflick ende ommermer uter allen sijnen eygenen gude, dat ny erve

is, ende dye nye vliesacker gheheiten is an die kerke toe Orle een half malder rogghen allen weghe up sunte Andries

dach te betalen uter den have dye her Willem vurscr. ghegeven hefft myt Liesbetken sijnre dochter. Des rogghen vurscr.

sal die kirke hebben een vaet des jaers ende die priester die de kirke bedient twe vaet ende om desen vurscr. rogghe

soe sal men begaen in der kirken jaerghetide tsiaers heren Willem van der Heiden priester, Gaerts van Jansloe [?] sijns

vaders ende Elizabet sijnre moeder allen weghe des maendachs vur sunte Thomaes dach myt eenre singende myssen

vur die silen ende ghehogen alle sondaghe in der kirken. Ende om dat vaet roggen dat die kirke hebben sal, soe sulen

die kircmeyster setten up die jaergetide des sjaers vijf waskeersen, die yaergetide mede te beluchten ende die custer

die die Custerie verdient sal hebben twe penningen daer hij twe quarten biers mede copen mach, drye [?] penninge sal

een geven die priester ende den anderen die kircmeester ende hyr om soe sal hij vermanen die vurscr. jaergetide ende

die yaergetide te beluden ende dat wye water te grave mitten priester te draghen ende dit sal erflick ewelich ende

ommermeer staen. Gegeven int yaer ons Heren M CCC LXXXIII up sunte Dionysius avent des merteleers.

 

Item Truda Scepers heeft gegeven der kerken erflick een vaet rogghe, geldende uter Camp upt Natenbercht.

 

Item Coen van der Scuren heeft vercofft Heynric die Haemd [?] twe malder erff roggen in eenen Camp geheiten dat

Honsel gelegen in der heide dat nu haldende is van der kirke van Oirle voir eens ein erfftins guet als her Heinric van der

Scure … is Claes van der Scure ende ….. kerckmeister in der tyt tot Oerlo Henric vurgen. geerft ende geguet aan desen

vurscr. Camp onder kerkenrecht scatvrij, dynstvrij. Sonder argelist Ende hyr hebben aen ende over gewest Jacob van

Hout, Matthijs van der Stock ende …… Segher van Scelbergh ende Johan Rodenbeeck als scepen tot Oerlo.

Item aen desen malder roggen is gehant to erftcijns Thonis Werckens als vurgen. is.

 

Eigen Pag. 2

Dit is thijns ….. gilt der kerken. In den yrsten

Ugoedstaen [?] van Oerle heet gegeven an der kerken 1 vaet rogghen

Ende den pape van der kerken 1 vaet rogghen ende den custer 1 gerf uter enen marghen lans dat gelegen ys bij der

Zyttert ende op sente Andreasdach te betalen. Ende ut di selven lande gilmen der kerken enen brab. tijns, um welc twe

vaet roggen soe sal men begaen jaerlijcs jaergetide ende gehuchgenis hebben in der kerken tsondages. Jans van

Oerlo ende Ugaetstaen sijnre huusvrouwe, welck mergen lans vurscr. nu tobehoert Jacop van Luene.

 

Item Alart van der Meer 1 zester roggen der kerken van enen stucsken lans, dat gelegen is bi genen bogart.

 

Item Th… van den Ende heet besat 1 vaet rogge der kerken den pape 1 vaet roggen ut erf tijnsgode dat gelegen is in

den goede ten Ende, um welcken rogghen soe sal men begaen jaergetijde Didderics Mechtils sinre huusvrouwen ende

Jacob har zons, welck huet vurscr. nu toe behoert Gerit van der Graeff.

 

Item van Teus Gode gilt men der kerken 1 zester rogghen.

 

Item ut enen stuck lans geheiten Essedael gilt men II vaet rogghen des sael die pape hebben 1 vaet jaergetide Arts

Vermynnen [Verwynnen?] soen Jans syns vader ende Gertruyt sijnre moeder ende dat ander vaet sall behalden die

kerke dair vuer sal sy kertsen setten als men datt iaergetide doet.

 

Item Stijnen kinder van den Houtsneër gelden der kerken IIJ erftijns van der Zittert van der Geer ende van den cloecken.

Ende des voirscr. tijns gilt men werken Derkx Werkens te erftijns van den Geer voirn.

 

Item Jacob tho outeyten [?] soin gilt der kerken XI …. ut XX morgen erftijnsgoed lans, dat gelegen is in sinen gode.

 

Item Kortheyn besat der kerken 1 sh den pape ende II guld an den custer, el cijns gely ut erftijns dat gelegen is in den

goede tgenen Ende an jaergetide mede te doen ende gehuchgenis…. weclk guet vurscr. nu toebehoert Gerit van der Graeff.

 

Item Mathijs van Vale gelt der kerken IIIIJ erftijns van twee marghen lans in up Somels.

 

Item ut Cuutmans gode dat heyt Stoec {?} gild men der kerken II erftijns.

 

Item Th…. Jans soen gilt XII gl. Van sinen nijen camp welck gilt Hein ……

 

Item Godart van Kessel gilt der kerken IJ erftijns van 1 margen lans, dat gelegen is bi den hagen.

 

Item Leman 1 hollands van enen utvanc.

 

Item Henken die Wever 1 hollands der kerken.

 

Item van den goede ten Bogart 1 erftijns der kerken.

 

Item Jan Lum van Gog heet gegeven 1 pont tsiaers der kerken ut alle sijnen vaerende gode die hy heet in den kerspel

van Oerle.

 

Item Lisebet aenden Ende heeft besat erflike den pape enen sester rogghen, dat nu toe behoirt Gerit van den Graeff

op ure goet aen den Ende.

 

Item … die Snyer heeft besat erflike der kerken 1 sester rogghen ut ……

 

Item Jacob Royenbeecs guetken, dat is te weten huus ende hof der kerken 1 summeren rogghen.

 

Item Coen …….. 1 vaet rogghe der kerken uter den heijdcamp, die nu toe behort Bely Swaert.

 

Item Coen Heylwich voir XI den[iers?] uut XX marghen erftijnsgude, dat van der kerken is tot erftijns lans.

 

Item Coenraet van den …..ind Helwich sijn echte huusvrouwe hebben vercoft her Heinric van der Scuren twe malder

erf rogghen gelegen in enen camp, geheiten dat Honseler, gelegen in der heiden, dat men haldende is van der kerken

tot Oerle voir een erftins guet, dat ich Gysbrecht die …., Heinric van der Scuren en Herbrecht die Heer als

kerckmeysters in dier tijt tot Oerle heer Henric voirgen. geerft hebben aen desen voirscr. Camp om der kerken rechten

scatvrij, dyenstvrij. Sonder argelist, ende hier hebben en over gewest Matthys van den Stock, Gerit Sikes ende Claes

van der Scuren, als schepen toe Oerle.

 

Eigen Pag. 3

Item dyt iss den thyns die her Jan van den Bercken ende Gertrud syn suster gelden uyt oeren guet tho Cleen

Orlo der kerken.

 

Item die huyssinge mytten weyden, soe die gelegen syn mytte boegart eyn brabants.

 

Item den Camp aen die ander syde van den straete, soe die gelegen sy eyn brabans een hollans, hyr van uyt

gescheiden enen mergen lans, geheyten die Leemsscule den heren tho Geysteren lyffgewyn.

 

Item dat Rijser stuck mytten holt soe dat gelegen sy enen brabans, eyn hollans.

 

Item die bytu, soe die gelegen sy dat boulant enen brabans eyn coppen.

 

Item die stych aen beyder syden van den wech eyn hollans, eyn coppen.

 

Item den Kattenpoet enen hollans.

 

Item dat quadayl, soe dat gelegen sy eyn hollans

 

Summa the samen seven brabans.

 

Item die kerck van Orlo is hyr van lant heer. Ende man sal aen oer wijnnen ende warven van cops wegen nae

erftijns rechten, hyrvan uijt ghescheiden die huyssinge mytten weyden, die bytu, dat quadael, den kattenpoet ende

dat Ryser stuck neest vyff morgen, dese sal men wynnen ende werven myt doppelen thyns ende anders nyt.

 

[8 sept. 1593]

Item dyt vurscriven guet to Clein Orloe gelegen hefft Peter Eingelberchs, burger tot Venle ende Lysbetghen Kranen

sin huijsfroou gegolden van heer Jans van der Bercken eerffgenamen. Ende Peter ende syn huysfr. voirscr. hebben

na inhalt dieses boeck aen der kerken tot Orloe gewonnen ende die kerck dair van vermicht ende wail betalt des

gelicken oick betalt alle achtersteide tynsen verschinende, geschiet an dusent vifhondert drieintnychtich den achten

dach Septembris.

 

[20 aug. 1628]

Item dit voorscr. goet te Cleen Oerlo gelegen, heft nu aen hande Seger Heisterman, die hier van alle tinse tot Ao

1628 incluisive verlapen heft voldaen, na inhalt des boecks. Item is vuer sulcx Seger Heisterman voorscr. Mit syn

huisvrouwe Jenneke Engelberchs nu toebehoirende. Actum den 20 Augusti anno dusent ses hundert acht ende twyntich.

Dit voorschreven goet tot Cleyn Oerlo gelegen hebben aen handen op heden dato [1670] de kynderen ende

erffgenamen van s[elige]r Seger Heijsterman, die hier van alle thinsen, te weten drie Ryxdalers, weijnigher eenen

stuyver brabans, verloopen de dato 1628 tot het jaer 1669 inclusive, voldaen hebben nae inhalt deses boecks

Actum Oerlo in presentie van heer Cornelis Janssens á Blericq, pastoer, heer Joannes Gerarts [Ryckens] vicarius,

kerckmeysters en de kijnder van Seger Heijstermans op den 27 Juni Ao. 1670.

 

Ao. 1694 den 16 September, soo heeft den heer doctor Holtman soo voor hem als erfgenaem alsmede voor de

andere condividenten, oock erffgenamen van wijlen Seger Heijsterman seliger voldaen vijf ende twintigh resterende

jaeren, te weten alle jaeren seven tins brabans, ijeder tijns ad enen halven stuyver brabans, met die exceptie

nochtans dattet verstorven is oock niet behandicht te weeten het schryffrecht, oock de breuck en van tins rechten

in sommige stucken, de welcke sijn buyten blyven staen. Actum Oerlo, als voerscr. ten overstaen van eerw. Heer

Petrus Barberen, pastor, Joannes Rijckens vicarius, Henrich Haechmans, kerkm[eiste]r ende doen syn betaelt de

manquerende jaeren tot Ao 1694 toe.

 

Eigen Pag. 4

Item Jan Willems soen heft den kerken tot Oerloe besat V vaet rogge jaerlix uter stuck lantz, geheyten lyencamp van

den heyden begrippende IIII mergen lants, dat vurscr. lants geet toe lyffgewyn aen dye ghene dye Jan Willems guet

besitten off dye daer erven aff syn.

 

Item van desen voors. V vaet roggen syn betaelt VIII Horns g[u]l[den], soe sullen dye eerfgenamen geldent blyven

iaerlix IIIJ [=3½] vaet roggen.

 

Item hyer van sal dye kerck dat iaergetide halden des andere dages nae synt Denis dach, des sal die kerck werven

II prister tot den viccarius ende vigili ende mys syngen ende alle sondach gehoegen op den stoel inde irst heer

Gossen van der Heyden, Jan Willems gt[=genant] ux[or] Peter Jan Jacops Cornelis Gaesken Jan van Willems kynder

gewest syn des goeensdach sal dye prister tot hoeren graeff gaen ende die kerck sal geven des jaers 1 summeren

roggh die viccarius, den II pristers IIIIJ, den koester presente voirs. dye iaergeldende syn ende dye kerck sal dat

iaergetide geluchten myt III kersen. Hyer syn aen inde over geweest Lenaert van den Bongart ende Gaert Rykens

als schepen des kerspels van Oerloe.

 

Item Lisbet Peter Jan Willems soen, Lisbeth syn huysfrou vurscr. sal hoer iaergetyde myt desen gehalden werden,

want sy nyet langer en yss.

 

Item Jan Jacob [?] Willems soen heefft der kercken toe Oerloe besaet twe int derticg vorscr. gulden inde syn der

kercken voirscr. mael te dackt [?] betaelt ende die kerck sael al iaer sanderen dachs nae synt Denyss dach halden

Jan Wyllems jaergetyet ende heer Gossen Peters syn soen myt Geertrud synre huysfrouwe ende oeren beyen kynder.

 

Ende kerck sael al iaer geven den vicarius enen snaphaen Gelres op Sunt Andries dach ende die vicarius halden al

sondach gehoege op te stoel ende bydden voer die zyle ende myss ende vigilie syngen op jaergetyet ende alle

goensdach toe graeff gaen ende die kerck sael den noch geven twe stuver brabans an den vicarius en den coster

twe st. brab. ende setten doen die kerck drye kerssen op jaergetyet ende yn die jaergetyet hier boven yss bescreven

myt vier vaet roggen ende daer gebreck yn comen, soe yst dat gemyddelt myt vicarius Geraert van der Bercken,

pryster ende kerckmeysteren als Jacob Gaerts soen ende Jan van Seent [?], ende Thys van Eyl scholtet ende Geraet

Ryckess ende Gaert Thonyss schepenen toe Oerlo.

 

Item Herbert Heyen Hebben soen inde Claes Claes soen van den Schuren, als kerckmeyster der kercke toe Oerloe in

der tit hebben behant Henrick Jan Rykenss soen ende Gryet syn suster aen een stuck lantz geheyten dye Beten,

gelegen toe Cleyn Oerloe ende is comende utten Coenen guet van oever, dat willick Gerit Rykens ende Maes syn

zoen anderhand voermaels ander hant plechten toe hebben tot eerftyns rechten, der kerck tot Oerloe. Tsonder al

argelyst hyer syn aen ende ovver Gerit Jan Coppers zoen als een daeggelix heer des gerichts toe Oerloe ende Wyllem

van der Heyden und Gerit Rykens als schepenendes kerspels van Oerloe.

 

Eigen Pag. 5

 

Latijnse tekst – voorlopig even overgeslagen.

…………………………….

 

[28 nov. 1568]

Alsoe die zelige heer Johan van Hegelsom vicarius in onser kercken to Orloe gewest, hefft gemackt ind gefundyrt een

eerff mysse in ons kerck tot Orloe op eenen dach als die kerck geen myss en hefft, welcke eerffgenamen zaliger heer

Jans geern seegen den dienst eenen vortganck mucht hebben, wol heer dat begeert hefft, so syn heer Johans

eerfgenamen vryntelick verdragen en overkomen mit kerckmeisteren, gemeyn schepenen en dat myt wy consent van

joncker Daem Schellart van Obbendorp, heer zoe Gürtzenich, Schynnen, Geisteren ende Doyenwerdt etcetera ende

mit consent des vicarii ende dair op overgetaelt an goeden gereiden pennonghen hondert ende vyffentwintich ryder

vyrentwintich stuver vor den ryder, welck wy kerckmeisteren ende schepenen voirscr. an leggende sullen en die

kerckmeisteren sullen dair van uytrichten die gewoenlicke baet den priester, die die Mysse van Helgelsom doet. Hyr

myt sael gevrijt syn het lant ende alle guede den heer Johan voirscr. totter Myssen geordenijrt had.

Geschreven Anno Domini dusent vyffhondert et achtintsestich den achtintwintichsten dach Novembris.

 

Eigen Pag. 6

Item doe Dryes Koenen z[oe]n dat Hoensseler hefft laeten liggen voir der kercke pacht van Oerloe als .. malder

erfroggh, die die kercke voirscr. daer in had, is te weten, dat Heijn Rijckaerts dat …. Gerit [?] Honseler aen hefft

genoemen voir IIII malder erfrogge des hefft hij II malder uutgeloest ende die ander II malder sal hij iairlix dair uut

geldende bleven, des sal die kercke voirscr. 1 malder hebn sint Anthonis 1 malder en die die kercke voirscr. sal den

priester ende koster oir dele jairlix uut reicken, dat hoen iairlix van den ghenen, die Heyn voirscr. uutgeloest hefft.

 

Pacht und tins

 

[1517]

Item Alet van Valkenberch hefft besaet 1 erffmalder rogge in die kerck to Oerle uyt VII mergen lants gheheiten clein

Somels dant anders niet in en leit dan VII albus tyns des rogge voirscr. sal hebben sunte Anthonis 1 vaet ende in

sinte Annen 1 vaet ende die prister 1 summere dair voir sal hy sonendachs gehaegt in der kercke wyn[nen] van

Valkenberch Bely ux[or] Gisbert Claes als voirs. ende dess vridachs to graeff gaen ende die kerck voirscr. eyn sum

… dair voir sal de kercke voirs. dat jairghetyd halden dess gonsdachs voir sunte Gertrut ende beluchten ende de

coester loenen van synen dienste. Geschreven in den iair onss Heren M CCCCC ende XVII dess vrydaige voir sinte

Magdalenen daech.

 

Item Jacop Verstappen heefft besat in die kercke van Oerle LVII [57] Horns gulden uyt eyn kaetstaet, gelegen toe

Clein Oerloe geheiten die Staep, dair anders niet in en leit dan VI horen ende uyt twe mergen lans geheiten den

Velgert dair voir in liggen IIII summeren erffrogge ende van die LVII gulden voirscr. sal die kercke voirs. geven den

priester J malder rogge jairlix ende dair voir sal hij dess sonnendachs ghehoegh in der kercke Derc Verstappen Alet

ux[or] Jacoeps Verstappen Lisbetz ux[or] ende dess manendachs ende vridachs toe graeff gaen ende die kercke sal

dat iairgetyd halden des vridachs voir sunte Bartolomeuss ende beluchten myt V [5] kerssen ende den

coester loenen van syne dynst.

 

[ca. 1518]

Item Jan van Valkenberch ende Bely ux[or] hebben besat die kercke van Oirle nae hoerre beide leven 1 erff malder

roggh jairlix te betalen op sinte Andriesdach ap[osto]li uyt al oeren goet neyst IIII malder rogge ende 1 vaet, die dair

voir inleggen des rogg vurscr. sal hebben die prister J [½] malder, dair voir sal hy des sonnendach ghehoigen in den

kercke Jans van Valkenberch Bely ux[or] Geiskens van Valkenberch ende dess manendachs ende vrydachs te graeff

gaen ende die kercke dat ander J malder dair voir, sal die kerck vurscr dyt jairgetyd halden dess vrydachs vuyr ons

liev vrouw dach Purifacatio ende beluchten myt V kerssen ende den coester loenen vuyr synen dynst.

 

[17-8-1518]

Item noch die selve Jan van Valkenberch ende Bely ux[or] vurscr. hebben ghemaeckt ind eynt goeds 1 erff malder

rogge uyt VII mergen lans gheheyten Cleyn Soemels neyst VII albus tyns ende 1 malder rogge dat die kerck dai uyt

in heft ende des rogg vurscr. sal men jairlix spanen V vaet op den guede donredach ende dat 1 vaet sullen hebben

die kerckmeisters dair uuyt sullen sy die V vaet vurscr. uyt maenen ende malen backken ende den armen uyt rychten

als vurscr. ghemackt ys. Geschreven in den iair onss Heren M CCCCC ende XVIII des anderen dach nae onser liever

vrouwen daech Assumptionis.

 

[1522]

Item Willem van der Stay ende Beyl ux[or] hebben gegeven der kercke van Oerle XII Horns gulden, dair af sal geven

die kerck vurscr. den prietser bedynt 1 vaet rogge iairlix dair voirt sal hy des sondaech gehoeghen Driesken Werkens

Bely ux[or] ende Beyl Wilms ux[or] vurscr. ende Wyllemen nae sinre doet ende dess manendaechs to graeff gaen

Belen vurscr. ende dat iairgetyt halden altyt des vrydachs nae sinte Peters daech ad Cathedram. Ende die kerck salt

iairgetit beluchten mit III kerssen. Ende priester ende koester lonen ygelyck van synen dynst.

Geschreven in den iair ons Heren M CCCCC en XXII den anderen daech nae sunte Margryten daech virginis et martyris.

 

Item Jan van Hegelsom vicarius toe Oerloe gewest heeff jaerlix ende ewelic gemaickt ind gefundyert yn onss kercken

een leesende ther wecken eens op een ledich dach ass dye kerkcke off vicarius egheyn myssen en heefft ende dye

myss sael wael bedeynt ende belacht syn op guden onderpande ende soe lange ass dye nyet belacht en yss, soe sael

men den pacht soecken op een stuyck lans toe Meetrick ther Horst, wellic lant Henrich van der Heyden heeff in wael

aenden die land omtrynht des sael men alltyet soecken aen here Jans erffrenten off eerff rogg die hy achtergelaeten

heefft ter Horst mesyster Peter syn neeff nae uytwyssinche heer Jans seliger testament dye dyet begrybt, noch

gemaeckt heer Jans zelichger een kelick toe Oerloe den kerck byd voer die zyele om Gots wyll.

Aengesien heer Jans voirscr. ervgenamen een secker somme van pennonghe der kercken tot Orloe gelacht hebben

om die Mysse voirgenoemt eerffelic mucht blyven, so ys dyt schryfft van nu vortan van nyten ende doeten heer Jans

eerftegenaem vryndt guderen gevryt ende geguijt gelyc vurscr. steit an dander sydt.

 

Eigen pag. 7

Volgt veel latijnse tekst voorlopig overgeslagen.

 

Eigen pag. 8

Item Gysbert seliger van den Boegert Bely ux[or] heben besat in die kercke tot Oirle 1 malder erff rogge erflicke

eweewelick ut den haeff tghenen Boegert des sal heben die priester J [½] malder dair voir sal hij te graeff gaen ende

des sondach gehoegen ende des heben die kercke 1 summeren des sal hij setten V kerssen als men dit iairgetide

duet ende die koster 1 vaet dair voir sal hij dat iairgetide beluden, vermaenen ende mede te graeff gaen.

 

Item die van Kenzwylre heben besat den priester die die kercke tot Oerle verdient 1 summeren erff rogge erfflick ende

ewelick ut den tienden, die sij heben tot Oerle, dair voir sal hij hoere gehoegen des sondaegh ende des maendaegh

te graeff gaen in der kercken.

 

Item Derick van Oerle ende Alvert ux[or] Gijsken ende Jan oir soen ende Zeger van Scelberch ende Bely ux[or] heben

gegeven der kercken tot Oerle ende sunte Geertrude 1 quart tyns ende den priester die die kercke verdient 1 vaet

roggh welcken tyns quart ende 1 vaet roggh men nijemen sal van een stuck lands geheiten op ten Graeffacker. Ende

voir den tijns quart sal men setten II kerssen, als men oir iairgetide duet. Ende voert vaet roggh sal die priester des

maendaegh te graeff gaen ende des sondaegh gehoegenisse heben in der kercken.

 

Item Griet van Hertwich ende Katrijn oir dochter heben sunte Geertruden gegeven 1 vaet roggh erfflick op oir erve

jaerlix te betaelen op sunte Andryesdach, dat nu gilt Claes van der Scure uut Peters guede van der Meer geheiten

den Voegel.

 

Item Belij van der Straeten hefft gegeven sunte Gertruden erfflick II stucken lands liggende tegen die kercken aen

beyden syden van den weghe dair voir sal men setten V kerssen, als men oir iairgetide doen sal ende oers vaders

ende moeders ende van den voirscr. lande sal sunte Gertruyt wederom geven 1 summeren rogge den paepe, die

die kercke verdient dair voir sal hij te graeff gaen des maendaegh ende dess sondaegh gehoegenisse heben in

der kercke. Ende die paepe sal den koster geven 1 Hollantss plack van den summeren roggen. Ende dat iairgetide

sal men doe altyt des vrydaegh voir sunte Andruessdach.

Nota:

Istud summeren rogge est mutata et redempta per ecclesia….

 

Item Alaert Moijsers van der Heyen hefft besat die kercke tot Oerle 1 summeren roggen erfflick welck man iairlix

nijeemen sal uut eenen camp gelegen tot Cleyn Oerle, geheiten te Rens. Ende die camp voirscr. sal men wynnen

en werven aen die kercke voirscr. gelyck men plach van Moysers voirscr. des voirs. roggh sal heben die priester

die die kercke verdient 1 vaet, dair voir sal hij des sondaegh gehoegh Moysers voirscr. sijn wijff ende sijn kijnder

ende dess maendaegh te graeff gaen in der kercken, dat ander vaet sal behalden die kercke dair voir sal sij kerssen

setten als men dat iairgetide duet ende den koster sal men laten voirs. summeren gheven 1 Hollants pl[ack] dair voir

sal hij doen sinen dienst.

 

Item Peter van Grebben Leen ux[or] hebben besat der kercken van Oerle J [½] malder rogge erflick ut allen hoeren

erven des voerscr. Rogge sal die priester die die kercke verdient heben 1 vaet dair voir sal hij gehoegen des

sondaegh Peter en Lenen voirscr. Lyssen van Grebben ende Jacop hoeren soen ende Haedwich van Grebben ende

des maendaegh te graeff gaen. Ende dat summeren sal heben die kercke, dair uut sal heben die koster 1 sester

ende die kercke sal beluchten dat iairgetide myt III kerssen, welcke rogh voirscr. men iairlix betaelen sl op sunte

Amdryesdach

 

Item Heyn die Heer hefft besat der kercken tot Oerle 1 summeren roggh erfflick iairlix te betaelen uut synen erven

des sal die priester, die die kercke verdient, heben 1 vaet. Dair voir sal hy de sondaegh gehoegen en des maendaegh

te graeff gaen Heynen voirscr. Met ux[or] dat ander vaet sal heben die kercke dair voir sal sy dat iairgetide beluchten.

 

Item Heb die Heer ende Truyde syn wyff hebben besat in die kercke tot Oerle 1 summeren rogge erfflick te boeren

altyt Sunte Andrijessmysse uter enen mergen lands, gelegen achter oeren kamp des sal die priester, die die verdient

heben 1 vaet. Dair voir sal hij des sondaegh hoere gehoegh ende des maendaech ten graeff gaen, dat ander vaet

sal heben die kercke, dair voir sal sy oir iairgetide beluchten mit III kerssen.

 

Item Ghijs ende Kathreijn ux[or] heben besat 1 summeren roggen erfflick ende ewelick der kercken tot Oerle uut 1

mergen lands, die nu toe behoert Heyn Rijckaerts, gelegen neven Jacops landt van Lumme des voirscr. rogge sal

die kercke voirscr. heben 1 vaet ende die priester 1 vaet, dair voir sal men des sondaegh in der kercke gehoegen

Gijs ende Katrijn vurscr.

Onderschrift:

Dyt lant voirgen. hefft Nijlis Rijckens, Claes van Lummen vrij vercocht Ao. 1572 und hefft dyt summeren rogg mijt will

des pastoers, kerckmeisters und gerichtz gelacht uther den voirgen. mergen, in eenen mergen lantz gelegen tot

Groet Oirlo tegen die kerck, genant der Velgert, dair niet in en ligt dan 1 thyns groet.

 

Item Heyn ingheen Derp ende Lysbeth ux[or] heben besat in die kerck to Oerloe 1 malder rogge erfflick ende ewelick

halff op sant Anthonis altair uuter oeren gansen have, des sal heben die priester 1 vat, dair voir sal hy des

sonnendaech gehaegen in der kerken Heyn ende Lysbeth vurscr. ende Lysbeth ende Kathryn oir dochters ende des

manendachs to graeff gaen Heyn ende Lysbeth vurscr.. Ende voirt summeren sal die kerck dat iairgetyt beluychten

ende dat sal men doen altyt des vrydachs voir dunte Bartholomeus dach.

 

Item Wilm van Holt hefft besat 1 malder rogge in die kercke tot Oerloe uuter der cluysen ende utter den mergen lants

die gelegen is by der der weem stegen jairlicks to betalen op sunt Andriesdach apostoli vrij loes ledich schaytvrij

dienstvrij. Ende des rogg vurscr. sal sunt Anthonis altair heben J malder ende die kerck voirs. J malder, dair voir sal

men in der kercken gehaegen des sonnendages Wilm vurscr., Beel ux[or] ende oir kynder, Dirck van Haeff syn vader

ende Aleyt syn moder ende Jan van Bruggen ende Lysbeth ux[or] ende oir iairgetijde doen altijt des vrydach voir sinte

Laurens dach martyris. Ende die kercke vurscr. sal dat iairgetyt beluchten myt V kerssen ende sal den priester ende

koster loenen. Ende oick mytten lantheer gedaen, doe hy des mechtich was, dat men dat voirscr. malder rogge

nummeer gewynnenen sall.

Item des selven vridachs sal men oick doe iairgetyt Arnts Vermynnen zoen, Jans syns vaders, Gertrut synes moeder.

 

Item dit erff malder rogge is gerichtelick verlacht als men beschreven sal vynden staen in dat derde blat hier nae.

 

Eigen pag. 9

Item Nelis [?] van der Meer hefft besat J malder erff rogge iairlick to betalen op Sint Andriesdach apostoli in die kercke

tot Oerle utter den huys mytten land soe alst gelegen is, dair Peter syn broder woent, dat nu toe behort Claes van der

Schueren dair voir sal die kerck vurscr. setten III kerssen, als men syn iairgetyt doet.

 

Item uutter selven guede gilt men jairlix een pont waes [bijenwas] der kercken vurscreven ende dat vurscr. guet sal

men halden van den kercken vurscr., gelyck den Raittschen rechten, welck oir guet toebehoirt Theus van Holt

geheiten den ……

 

Item Nelis van der Meer vurscr. heft besat der priester tot Oirle 1 vat rogg erfflick, dat men jairlycks gilt uyt eenre

kaetstaet, die Tijsken Kouwen toe behoert, dair voir sal die priester des sonnendagh gehaegen Nelis vurscr. ende

synre alders ende des manendah te graff gaen ende iairgetyt to halden ind die kerkck vuscr. sal den coster loenen.

Onderschrift:

Ende dit voirscr. iairgetide sal men doen altyt des goensdaegh voir den heiligen Kerssdach.

 

Item heer Henrick van der Schueren heft besat 1 malder rogge erfflick ende ewelick in die kerck tot Oerle halff op

Sint Anthonis altair ende halff der kerken vurscr. uutter eenen kamp gelegen in der heyen geheyten dat Honsseler

dair voir sal men des sonedagh gehoegen heer Henrick vurscr. ende des manendach to graff gaen ende syn

jairgetyt doen altyt des gonsdach voir sint Johans dach Baptist. Ende die kerck vurscr. sal dat iairgetyt beluchten

myt V kerssen ende den priester loenen.

 

Item Claes van der Schueren heft besat den priester van de kerke tot Oirloe 1 summeren rogg erfflick ende ewelick

jairlix te betaelen op sint Andries dach apostoli, gelegen in een stuijck lans geheyten dat Honsseler, dat men helt van

der kercken vurscr. te erfftyns rechten. Dair voir sal die priester vurscr. des sonnendagh in der kerken gehaegen

Claes vurscr. Lijsbet ux[or], Heyn syn vader ende Kathryn syn moder ende des manendagh tot oeren graeff gaen.

Geschreven in den iair ons Heren M CCCC en LXXX des manendach na den heylige iairsdach. [1480]

 

Item Heb Heyn Heben ende Lysbet ux[or] heben gegeven der kercke tot Oerle II summeren erffrogge erfflick ende

ewelick iairlix te betalen op sunte Andryessdach apostoli uut I stuck lants, geheiten den Velgert tot Cleyn Oerle, dat

nu ter tijt toe behoert Jacop van der Stappen, begrypenden gelyck II summeren erffrogge, die dair noch in liggen, dat

men helt te erffpachts rechten, des sal die priester van der kercke voirscr. iairlix heben J summeren, dair voir sal hij

des sondaegh in de kerke gehoegen Heyn Heben ende Aleyt ux[or], Derick ende Michyel oir kynder ende des

maendaegh tot oiren graeff gaen. Ende oic iairgetide doen iairlix altyt des irsten goenssdaegh in Mertte ende sal

mysse singen van Requiem ende vigilie lesen op ten voirs. iairgetide. Ende voir dat anderen summeren voirs. sal

die kercke voirs. dat iairgetide beluchten myt III kerssen ende den koster loenen van sinen dienst.

Geschreven in den iair ons Heren M CCCCC ende IX des donressdaegh nae sunte Urbanus dach martyris. [1509]

 

Item Luytken van Baemerloe {??}, Geertruyt ux[or] hebn gegeven der kercke tot Oerle IJ malder erffrogge, dat hoen

geldende was Wynken Wynken Heinkens z[oe]n uut sijnre huyssinghe een camp, gelegen tot Groet Oerle in de

Stegen, tusschen der heren guederen van Geysteren, begripende III mergen, dat men haldende is te lyffgewyns

rechten van Jan Mecaeter Lamberts z[oen] ende sinen nae koemelingen erfflick ende ewelick iairlix te betaelen op

sunte Andryessdach apostoli. Dair voir sal men des sonnendaegh in der kercken gehoegen Jan van Baemerloe, Hille

ux[or], Henrick oir z[oen], Luytken van Baemerloe Geertruyt ux[or] ende oir iairgtide doen jairlix altyt des vrydaegh

voir Halffvasten ende die priester sal mysse singen ende vigilie op ten voirs. jairgetide. Ende die priester sal des

vrydaegh te graeff gaen Jans van Baemerloe voirs. Hille ux[or], Luytken Baemerloe, Gertruyt ux[or]. Ende die kercke

voirs. sal den priester ende koster loenen ende dat jairgetide beluchten myt vyff kerssen. Ende sal II mysse laeten

doen op ten voirs. iairgetide tot des vicarius mysse. Geschreven in den jair ons Heren M CCCCC ende X dess

sondaegh nae des heilige Cruijssdach Inventio. [1510]

 

Item Lysbeth van Hertwech heefft gegeven der kercke toe Oerle XII Horns gulden, eyns te betalen ende van den 1e

Horns gulden voirs. sal die kercke vurscr. geven den priester iairlix 1 schepel rogge ende die priester vorscr. sal

dess sonnendach ghehoegen op den stoell Thonis van Hertwech, Baet ux[or], Gerit Tyts, Gertruyt Lisbet ……. [?]

des manendaechs graeff gaen Lisbedde vurscr. ende die kercke vurscr. sal dat iairgetyd beluchten ende halden

up vridachs voir Palmen enden coester gheven eyn alden vlems voir synen dynst. Geschreven in den iair ons

Heren M CCCCC ende XVII des vrydaegh nae sinte Margarethen dach. [1517]

 

Eigen pag. 10

Item Geits Steynken ende Lysbeth ux[or] heben besat der kerken tot Oirloe 1 sum[meren erffrogge] ewelick jairlicks

to betaelen op sint Andries dach apostoli, gelegen in Jairpacht van eynen acker ter Horst, welck Zegher van Schelberch

Derickszoen ende Jan van Rens, als kerckmeysters der kercken voirs. verkoicht heben der kerken van der Horst.

Ende heben voir dat gelt gekoicht1 summeren erffrogge van Aleyt Gysken Moysers ux[or], gelegen in oeren halven

hoiff tot Cleyn Oirle, die Zegher van Schelberch toe behort heft. Dair voir sal men des sonnendagh gehoegen in der

kerken Geits ende Lysbeth vurscr. ende oer iairgetit doen, altoes des sonsdach voir Sint Katherynendach des heylige

jouffer. Ende die kerck sal dat jairgtyt beluchten, priester en koster loenen.

 

Item Demyt [?] van Rens heft besat 1 erff malder rogge der kerken van Oirle jairlick to betalen op Sint Andries dach

apostoli gelegen voir enygen paycht in II mergen lans dat nu toe behort Dries Koenen zoen, dair Nije huys op steyt,

dair voir sal men des sonnendagh gehaygen in der kerken Demyt vurscr. ende oir jairgetijt doen. Ende die kerck vurscr.

sal den prister ende koster loenen ende dat iairgetijt beluchten.

 

Item Gaeste van Oirloe, Dericks dochter heft gegeven der kerken to Oirloe J malder erffrogge jairlicks toe betaelen op

sint Andries dach apostoli uutter den haeff die Wilhem van der Heijen oeren zoen toe behort hefft. Ende des rogge

vurscr. sal die kerck vurscr. heben 1 summeren. Ende die priester van der kerken 1 vat dair voir sal hy des sonnendagh

gehaegen in den kerken Gaeste voirscr. des manendagh ende des vrijdagh tot oeren graff gaen ende oir iairgetyt doen.

Ende die kerck sal dat Jairgetijt beluchten ende den coester loenen.

 

[ca. 1498]

Item Sybken van Valkenborch ende Aleit ux[or] heben besat die kerne van Oirle V vat erff rogge jairli to ontfangen op

sint Andries dach apostoli uyt oeren guet, dair huijssinck op steyt, welck guet begript om trynt V mergen lans, neyst III

malder rogge, die dair voir in liggende myn III spynt voir dessen vat vurscr. sall die kerke des sonnendagh layten geheyge

Sybken vurscr. en Aleyt ux[or] ende oir jairgetyt doen altoes des vrydachs voir sint Marien Magdalenen ende dat to

beluchten. Ende des manendagh ende vrydagh laeten gaen den priester tot oeren beyer graff hyr van sall die kerke

loenen priester ende coester een ygelick van synen dienst.

 

Item Peter van Eykenbuys ende Alett vurscr. hebben besat der kerke van Oirle J malder erff rogge jairlix te betalen op

synt Andries dach apostoli uyt een stuyck lans geheyten den Veynacker, die gegript II mergen lans, dair nyet in en leyt

dan den heren tyns. Hyr voir sall die kerke Peters vurscr. iairgetyt laeten doen ende dat te beluchten myt III kerssen,

den priester ende koster loenen altoes des vrydagh vur synt Marien Magdalenen dach myt dat iairgetyt Aleit ux[or] vurscr.

ende Sybkens van Valkenborch. Voirt sall die kerck des sonnendagh Peter doen gehaegen des manendagh ende

vrydagh den prister laeten gaen tot synen graiff. Geschreven in den jair ons Heren M CCCC XCVIII op synt Lucas dach

des heylige ewangelist. [1498]

 

Item Jan Maes Ryckaerts ende Vastaert hefft gegeven der kercke tot Oerle J malder erff rogge erfflick ende ewelick iairlix

te betaelen op sinte Andrijesdach apostoli uter den haeff tgher Heyen tot Cleyn Oerle gelegen als van der IX malder

erffrogge die Maes Rijckaerts gegeven hefft Jans Kynder van der Heyen ende den voirscr. haeff voir oir patrimonio. Dair

voir sal men des sondaegh in der kercke gehoege Jan voirscr. ende des maendaegh ende des vrydaegh tot sinen graeff

gaen. Ende sijn iairgetide doen altyt des goenssdaege voir Halff Vasten. Ende die priester sal vigilie lesen op ten voirscr.

iairgetide. Ende die kercke voirscr. sal den priester ende koster loenen en dat iairgetide beluchten myt V kerssen.

 

Item die selve Jan voirscr. hefft noch gegeven der kercke voirscr. J malder erffrogge erfflick ende ewelick nae Gertkens

sijnen moeder lijff uter den selven haeff tgher Heyen voirscr. als van den selven pacht voirs.. Dair voir sal men oeck in

der kercke gehoege Geertke voirscr. ende des maendaegh ende des vrydaegh tot hoeren graeff gaen en oir iairgetide

doen als voirscr. steet myt Jans oirs soens iairgetide voirscr. Geschreven in den jair ons Heren M CCCCC ende VII op

ons lieve vrouwen avont Nativitas. [1507]

 

Eigen pag. 11

[1473]

Item Peter van Rens ende Gertruyt heben besat II malder erff roggen in die kerke tot Oerle erfflick ende ewelick nae ………

jairlix ……… ngen op sunte Andryessdach apostoli uut enen stuck lants geheiten die Daelacker begrepende IJ mergen

behorende in Koenenhoff ver oever vry loss ledich. Dess voirs. rogge sal die kerck vurscr. wederom gheven den priester

van de kercken iairlix J malder. Dair voir sal hij dess sondaegh in de kercken gehoegen Peter ende Gertruyt voirscr.. Ende

des maendaegh, des goensdaegh, des vrijdaegh, des saeterdaegh tot hoerre beider graeff gaen ende oir jairgetide doen

iairlix des vridaegh nae Halff Vasten ende lesen vigilie op te iairgetide voirscr.. Ende die kercke voirscr. sal dat iairgetide

beluchten myt V kerssen ende geven den koster I butken, dair voir sal hij dat iairgetide vermaenen ende beluden ende

mitten priester te graeff gaen. Geschreven in den jair ons heren M CCCC LXXIII [1473] des donresdaegh nae sunte

Matheus dach Apostoli.

 

[1487]

Item Peter van Rens voirscr. hefft gegeven IIII malder roggen in die kercke tot Oerle tot eenre erffmysse ter weken, dair

voir te doen erfflick ende ewelick iairlix te betaelen op Sunte Andrijessdach apostoli des voirscr. rogge sal men II malder

gelden uut den guede aengen Renss, soe dat gelegen is et sij lijffgewijns off erfft[ijns] guet ende die ander II malder sal

men gelden uut den halven haeff, die Zeger van Scelberch had van Gijsken Moysers, geheiten Moysersshoff, dat eygen

guet is, scatvrij, dienstvrij ende voir alle mannen Hier sijn aen ende over gewest Jan Willemssoen als baeye, Jacop van

Hout, Symon Jacops ende Jan van Scelberch, als scepen tot Oerle. Geschreven in den jair ons Heren M CCCC LXXXVII

[1487] des Maendaegh nae sunte Mathijs dach Apostoli.

 

[1504]

Item Thys van der Stock, Yeff ux[or] hebn gegeven dat kercke tot Oerle II stuck lands begripende omtrynt enen groeten

morgen geheiten die Panne erfflick ende ewelick nae hoerre beider lijff, dair voir sal men des sondaegh in der kercke

gehoegen Willem van der Stock, Wendel ux[or], Gysken van der Stock, Bely ux[or] ende Willem oeren soen ende Thys

van der Stock ende Yeff ux[or] ende oir iairgetide doen jaerlix altijt des vrydaegh voir alre liever heiligen dach. Ende die

priester sal des maendaegh toe graeff gaen, Gijskens van der Stock voirscr. Belyen ux[or], Thys van der Stock, Yeff ux[or].

Ende sal mysse singen ende vigilie lesen op ten voirscr. iairgetide. Ende die kercke sal den priester ende koster loenen

ende dat iairgetide beluchten myt VI kerssen.

 

[1504]

Item Thys van der Stock ende Yeff voirscr. heben noch gegeven der kercke voirscr. VII vaet erff rogge erfflick ende

ewelick iairlix te betaelen op sunte Andrijesdach Apostoli nae haerre beider lijff uut hoerre huyssingh ende hoestaet tot

Cleyn Oerle gelegen, begripende omtrynt III mergen mijt II stucksken lands gelegen achter Dryes Koene camp, ellick

begripende omtrynt 1 mergen. Des voirscr. rogge sal men iairlix spynden de ermen altyt op ten guede donresdach 1 malder

ende dat 1 vaet sal die kercke voirscr. behalden. Geschreven in den jair ons Heren M CCCCC ende IIII [1504] des dinsdaegh

nae den heilige dertien dach.

Noot: Dese voorscr. VII vaet roggen heeft Dierick Theukens ende Heijlken Eeluijden op sich genomen uut sijn huijs ende

hoffstat ende III morgen lants aen die kerck tot Oerloe, gelijck vorscreven is jaerlijx te betaelen alles bij provisie.

Actum den 14 october Anno 1660. Coram D. Decano et D. pastore in Oerloe.

 

[1480]

Item Jan Royenbecks ende Aleyt ux[or] heben gegeven det kercken tot Oerle 1 stuck lands geheiten die Breden vlyes,

begripende omtrijnt IIJ mergen. Dair voir sal men des sondaegh in der kercke gehoegen Jan ende Aleyt ux[or] ende des

maendaegh tot hoeren graeff gaen ende oir iairgetide doen, altijt opten waepen [?] dach ons lieven heren. Ende die kercke

voirscr. sal priester ende koster loenen ende dat iairgetide beluchten myt III kerssen. Geschreven in den jair ons Heren

M CCCC en LXXX [1480] des vrydaegh voir onss lieven Vrouwen dach te Lichtmysse.

 

[1506]

Item Jacop Royenbecks ende Bele Maldens syn Huijsfr[ou] heben gegeven der kercke tot Oerle 1 malder erffrogge erfflick

ende ewelick nae hoerre beider lijff iairlix te betaelen op Sinte Andrijesdach Apostoli uut alle hoerre beider erff ende guede

tot Cleyn Oerle gelegen, begrypende omtrijnt VIII mergen myt huys ende hoff alre naest IIII malder erffrogge, die dat cloester

van Sunte Nicolauss binnen Venloe gelegen, dair in hefft. Dess rogge voirscr. sal heben den priester van der kercke voirscr

I malder, dair voir sal hij des sondaegh in der kercke gehoege Jacob ende Beel voirscr. ende Geertkens Jacobs ende Bele

Drijes sijn huysfrouw ende Lambert sijn vader ende Lysbeth sijn moeder. Ende sal des vrijdaegh tot hoeren graeff gaen ende

oir iairgetide doen altyt op ten Waepen dach ons lieve Heren. Ende dat halff malder voirscr. sal heben die kercke voirscr.,

dair voir sal sij dat iairgetide beluchten myt vijff kerssen ende den koster loenen van sinen dienst. Geschreven in den jair ons

Heren M CCCCC ende VI [1506] des dinsdaegh nae den heilige Paessdach.

 

[1506]

Item Gaetsken Claess dochter van Thijenraeij hefft gegeven der kercke tot Oerle X gulden current gelt, dair voir sal men in

der kercke gehoegen Gaetske voirscr. ende des maendaegh tot oeren graeff gaen ende oir iairgetide doen altyt des vrydaegh

nae sunte Leonaerts dach Confessoris. Ende die kercke voirscr. sal den priester ende Koster loenen ende dat iairgetide

beluchten myt III kerssen. Geschreven in den Jair ons Heren M CCCCC ende VI [1506] des dinsdaegh nae den heilige

Paessdach.

 

[1506]

Item Thys van der Heyen Jans soen hefft gegeven der kercke tot Oerle J malder erffrogge erfflick ende ewelick iairlix te

betaelen op sunte Andryesdach Apostoli uut den haeff tgher Heye. Dair voir sal men die sondaegh in der kercke gehoegen

Thys vurscr. ende des maendaegh tot synen graeff gaen ende syn iairgetide doen. Ende die kercke voirscr. sal den priester

ende koster loenen ende dat iairgetide beluchten myt III kerssen. Geschreven in den jair ons Heren M CCCCC ende VI des

dinsdaegs nae nde heilige Paessdach.

 

Eigen pag. 12

[1487]

Item Gijsken Steynen hefft gegeven der kercke tot Oerle XXIIII gulden ……………… ende dair voir sal men den vurgen.

Gysken jaerlix betaelen op sunte Andryesdach Apostoli …. der kerkcke voirscr. reynten ende pechten IJ malder rogge sijn

leven lanck ende nyet langer nae uut …. …… dats Gyske voirscr. lijffs noet deden ende hij anders gheen guet en hed te

vertere, soe sal men voirscr. gelt uytreicken ten lesten penninck toe soe voel als hoem des van noede weer ende is saecke

dat hij dese voirscr. summe gelds verspaert, soe sal die kercke voirscr. nae Gysken voirs. doet den priester van der kercke

jairlix gheven 1 summeren rogge dair voir sal hij de sondaegh in der kercke gehoegh ten ewigen daeghen toe Gijsken voirscr.

Derick Steynen sinen vaeder, Nees sijn moeder ende oir kijnder. Ende oir jairgetide doen altyt jairlix des vrijdaegh Gijskens

voirscr. Septembris ende toe graeff gaen altyt des maendaege ende des vrijdaegh Gijskens voirscr. ende die kercke voirs.

sal dat jairgetide beluchten mijt III kerssen. Ende ghevende den coster 1 alden vlems voir sinen dienst van den voirgen.

jairgetide. Geschreven in den jair ons Heren M CCCC LXXXVII [1487] des vrijdaegh nae onss lieven Vrouwen dach te lichtmysse.

 

[1491]

Item Lambert Mercator ende Artken ux[or] heben gegeven der kerken to Oerloe 1 malder roggen, stander maeten, erfflick

ende ewelick jairlix te ontfangen op sinte Andries dach Apostoli uter de haeve, die Jacop van der Straeten toe te behoren

des vurscr. rogge sal die priester van der kercken heben 1 schepel. Dair voir sal hij iairgetide doen altoes des vrijdagh voir

onss liev Vrouwen dach geheyten Conceptio myt eenre syngende Myssen ende vigilyen ende des sondagh gehoegen in

der kerken. Jan Mercator Met ux[or], Lambert oeren soen ende Artken ux[or]. Ende die kerck sal voir die III schepel oir

jairgetide beluchten myt V kerssen ende geven den koster 1 alde vlemss vur synen dienst. Geschreven in den jair onss

Heren M CCCC XCI [1491] op sint Lucas dach des heilige ewangelist.

Noot: Van diesen voirscr. malder is geloest een summeren, alzoe dat men dar van niet meer geldent blift dan II summeren.

Dit summeren is geloest ende betalt dat sich die kerck dar van bedanct Anno 1576.

 

[1491]

Item Leemken Meus hefft gegeven der kerken toe Oerloe J malder rogge erfflick ende ewelick jairlix te ontfangen op sinte

Andries dach Apostoli uyter een stuyck lanss geheijten den Wynkel begripende omtrint III mergen dair nijet in en leyt dan

des heren teyns, des voirscr. rogge sal heben die priester van de kerken III sester, dair voir sal hij des sonnendagh

gehaegen in de kerken Meus Rabets, Lijsbeth ux[or], Rob en Lenken oir kynder ende Aleyt oir moye. Ende des manendaghes

tot Robben en Lenken graeff gaen ende oir jairgetyt doen altijt des gonsdach voir sunte Katherinen dach der heilige jouffrouw.

Ende die kerck sal voir die III andere sesteren oir jairgetijt beluchten myt V kerssen ende den koster loenen voir synen dienst.

Geschreven in den jair ons Heren M CCCC XCI [1491] op sunt Janssdach des heilige Apostel ende ewangelist.

 

[1492]

Item Gart van der Vaeren ende Gertrut syn suster hebben gegeven de kerken toe Oerloe V vait rogge erfflicke ende ewelick

jairlix te ontfangen op sunte Andries dach Apostoli uyter een stuyck lanss gelegen op Zomels geheyten Schopslant begrepende

om trynt III mergen, dair nyet meer in en leyt dan 1 vat rogge der kerken ende des vurscr. rogge sal heben die priester van

der kerken J malder dair voir sal hij des sonnendagh gehaegen in de kerken Thys van der Vaeren Alvert ux[or], Zegher Gairt

Peter ende Gertrut oer kinderen. En des manendagh to graeff gaen von desse VI verschrevenen ende oir jairgetijt doen altoes

des vridachs na sint Gertrut dach der heiliger jouffrouw. En die kerck sal voir dat andere zummeren oir jairgetyt beluchten myt

VI kerssen ende de koster loenen vur synen dienst. Geschreven in den jair ons Heren M CCCC XCII [1492] op sunte Laurens

avont des heilige martelers. Item dessen vurscriven drie mergen lants staen toe wynnen aen die kercken tot Oerloe ten erven

tijns rechten.

 

[1495]

Item Jenken Alaert soen van der Graeff ende Geertke ux[or] heben gegeven der kercken tot Orloe VII vaet erff rogge nae

hoeren beyder lijff erfflick ende ewelick iairlix te betaelen op sunte Andryessdach Apostoli uut hoere husinge mitten camp tot

Cleyn Oerle gelegen, dat erfftijns guet is. Dair voir sal die priester van der kerke des sondaegh in der kercken gehoege Alaert

van der Graeff, Geertruyt ux[or], Jenken oeren soen Gijske ux[or] ende des maendaegh des vrydaegh tot hoeren graeff gaen

ende oir iairgetide doen. Ende de kercke sal den priester ende koster loenen ende dat iaergetide beluchten myt III kerssen.

Geschrven in den jair ons Heren M CCCC XCV [1495] des goenssdaegh nae ons lieven vrouwen dach te Lichtmysse. Item die

voirscr. jairgetide sal men doen altyt des maendaegh nae sunte Geertruyt der heilige joncfrouw.

 

Eigen pag. 13

Item Ge…. Van der Berrickt ende Lysbet ux[or] ende Goirtken van der Berrickt ende Griet ux[or] mytter kynderen ende Claes

van der Berrickt hebben besat der kercken van Oirloe J malder erff rogge jairlix te betailen op sinte Andryssdach apostoli,

gelegen te Loenen in Tryncken Hillen hoistat beneven Hermen Broren wey, dat die kerckmeysters gewonnen hebben. Ende

noch VIII Horns gulden der kerckmeysters te willen betailt zyn, dair aff sal die vicarius hebben die die kerck bedient VI stuver

Brabans. Dair voir sal hij des sonnendaichs gehoegen op ten stoil die voirgenoemde naemen ende mys syngen op ten jairgetide

ende vigilie lesen in dess gonssdaichs tot hoeren graeff gaen ende die kerkcmeysters sullen dat iairgetyt halden altyt op sinte

Martynsdach ende werven II pristers totten vicarius ende geven elck II stuver Brabans ende den custer 1 st. Brab. ende beluchten

myt VIII kerssen.

Gort Verrickt Tomfie [?] ux[or] Lienken si…..ind geven den vicario op dat voirgen. jairgetyt III ……..

 

[1530 ?]

Item dat summeren roggen van Alert Moesers weclycgen dat teger bouven in den boeck voirscr. steyt, heefft Wyncken

Gerytsoen geloeft van der kercken beheyltelic hoer gewyn rechten, doe die cloeck gegaetten waert ende die kerckmeyster sullen

all jaer den vicario geven drye st. brabants ende den coster loenen van synen dynst. Hyer ys by ende over gewest gerichts luden

Gerart Ryckess, Wercken Janss, schepenen ende Wylhem van der Heyen, gerichts bay ende onss vicarius ther tyet heer Gerart

van den Bercken van der Horst int jaer van dertich op Synt Anna dach.

 

Item ys gelechgen eerff jaergetyet Gryet van Scheylbrycht [Schelberg?] ende Gertruydt een dochter op Synte Hubert dach. Ende

die vicarius sael daer jaerlix boeren drye brab[anse] stu[ver], den coster eenen stuver brab. ende die vicarius sael op ten dach

mysse doen en vigilien lesen. Ende die kerckt meysteren sullen setthen drie kerssen. Ende de kerckt sall loenen ende al sondach

op ten stoel die naemen numen.

 

Noch ys eerff jaergetyet op synt Catherynen dach Maess Ryckerts ende Jut syn huysfrouw ende Gerat syn soen ende van den

Zwertten Land ende Thysken huysfrouwen ende vicario drie brab. stuver ende eenen priester opt jaergetyet presensy ende drie

kerssen en sonsdach toe numen op ten stoel ende kerck salt loenen. Ende hyer syn by gewest kercktmeysteren Gysbert Konen

ende Henrick Ryckerss.

 

Item Theus van Holt heeft ghemaeckt een eerfft summeren rogge uter Grebben op Roeberts guet der kercken, daer voer sal dye

kercke Teus voerscr. ende Getruydt syn huysfraw erff jaergetyet halden alle tijet op synte Huberts dach ende dye vicario sall hebben

III st. brab. ende den coster eenen st. brab. ende dye kerck sall setten drie kerssen. Hyr syn by gheweest dye Caeppellaen ende

dye Coster yn der tijt ende dye ghemeynde naeberen.

 

[1554]

Int jaer ons Heren duusent weijffhoindert ende weyrenwijftich [1554] opt anderen dach nae sunte Jans dach, soe heefft Jan Coppen

gemaeckt een erff jaergetyt alle tyt op synte Jans avent Baptist myt syn vaeder ende moeder en susteren ende broeder ende myt

VIII kerssen ende noch twe priesters tot den vicarius ende den vicario enen snaphaen ende dije andere twe priesters ellijcke II st

brab. guet paement op dat voerscr. jaergetyt ende dye twe kerckemeysteren ellijcken eenen st. brab.. Hyr voer ys betailt eens XX

Rydder, den enen rydder voer VII snaphaen. Hyr ys by geweest Jan Teewen, Geryt Verscuren als kerckmeysters yn de tytt ende

den custer van der kercken dye den dynst doet III st. brab. guet paiment.

 

Item noch heefft Alitgen Geryt Coppen uxor VI ridder vaet betailt dije kerck, dair voir sal men halden oer jaergetyt op den selven

dach myt drie kerssen setten ende myt naemen Alytgen, Henrick oir soen en Lysbet en Gertruydt oer dochter sal alle sonnendach

halden ghehoirens yn de kercken ende dye kerckmeysteren sullen op dat ……………. guet paiment.

 

Eigen pag. 14

[1551]

Int jaer ons Heren dusent vijffhondert und enen vyftich [1551] op synte Katarijnen dach soe heft Geerit Rykens gegeven in der

kercken tot Orloe XL besceyden Horns gulden, und dije kerck bedanct hur dye wael betalt te wesen und daer voer sal dye kerck

Henrick Rykens unde Geritye syn huysfrou und Gerijtz und Lenkens syn husfrou myt den kynderen een jaergetyt halden op een

bequeem tijt alle jaer op synt Johans Onthofdijnch dach myt eenre singende mysch und vigily unde II pryesters tot den pastor, ende

dye kerck sal den pastor vurscr. geven enen snaphaen und daer voer sal dye vurscr. pastor alle sondach gehoegenis halden voer

dye vurscr. namen, und dye kerkck sal dije prijesters ende den kuster loonen voer hoeren dyenst. Hier is bij, over ende aen gewest

dye vicarius van Orloe ende dye gemeyn scepen myt den kerckmeysters. Noch ys daerby gemacht Gryt heer Ryckens dochter by

dat vorchreven jaergetyt myt een kerssen, daer voer betaelt ys eens drie rydder, dat mij mede halden sall myt Geryt Ryckens

voerscreven jairtyt.

 

[1540 + 1554]

Int jair ons Heren dusent wyffhondert ende vertich [1540] op dynxdach in die Pynxs heellijge daege, soe heefft Claes Verscuren ende

Getruidt syne huysfraw gegeven een malder eerffs rogge, ghelegen ynden hooff tot Kleen Oerloe ter heyen den vurscr. rogge dye

Claes gegolden heefft van Heerken van Dans ynder kerken tot Oerloe tot een erffjaergetyt. Hyr voir sal dye kerke vurscr. halden

den enigen daeghen jaegetyt alle tyt Gonsdaege voer synte Jan Baptist geboerte, Henrick Welters, Tryn uxor, Claes Verscuren

Getruidt uxor myt oeren kynderen ende seeten vijr kerssen op dat verscr. Jaegetyt ende dye kerk sall den vicario geven drie stu[ver]

brab. guede paement ende noch daer toe loenen tue [=2] priesters van oeren dynst ende den custer II st. brab.. Hyr syn bij ende

over ghewest dye ghemeynde scepenen ende dye tue kerckemeisters, dat dit zus gheschyt ys.

Dyt ys gescryven op synt Jans dach Oenthoffde Anno XVc ende LIIII [1554] in by wesen Gort Tonis Tys Verkens ende Ruytger van

Berckt als een voel gherychts oem oer loen ghedynt ende Jan Teeuwen als een kerkmeister syn vyllen daer lyver meer bij geven

dan die kerke daer schaede aff leedt en sullen dat alle tijt van merderen off beteren.

 

[1555]

Int jaer ons Heren duyssent vyffhondert ende vyffendewyfftich [1555] op sonnendach voer synt Pouwels dach Conversio, soe heefft

Wyllem van Holt ende Griet syn huysfrau een erfjaergetyt gemacht ynde kercken tot Oerloe myt oeren kynderen als een halff erff

malder jaerlix toe boeren, geleygen ys ynde Ijckers Camp ende eens vyff Rydder, voer dessem vurscr. rogge ende vyff rydder sal dye

kerke halden laeten alle sonnendach gehoegenysse Wyllem en Griet ende oer kynderen voerscr. op ten stoel ende op dat voerscryven

jaergetyt mysse ende vigili syngen ende noch II priesters tot den vicario ende dat jaergetyt halden alle tyt Goensdach voer synte Andriis

dach apostoli. Dess sall dye kerck utrychten den vicario voer synen dynst alle tyt op dat vurscryven jaergetytzdach, seven stuver brab

guet paement ende dye andere twe priesters ende coster loinen ein yederen van oeren dynst. Orkont der wairheit, soe byne hyr by

geweest dat dyt sus gemacht ys, dye vrynden myt den vicario ende dye scepen myt den kerckemeisters ende setten op dat jaergetyt

vyff kerssen, g[e]lyc duse vuff ryder syn, der kercke wael betaelt.

 

Eigen pag. 15

[1557]

Int jaer ons Heren duysent wyffhondert ende seven en vyfftich [1557] op sanderen dach nae sinte Antonis dach Confessoer, soe heeft

Jan van Helgelsem een erf jairgetyt gemacht ynde kercken tot Oerloe myt syn vaeder ende moeder ende Trijs synder suster ende

metten synder sustere ende heeft gegeven ende wael betaelt der kercken tot Oerloe XXV Horns gulden guede paement. Daer voer

sal men dat voerscryven jaergetyt halden alle tyt op Goonsdach ynde Quatertymper voer Kersdach myt twe myssen ende vigilie

syngen ende mysse, ende setten V kerssen ende dye kercken sall geven den vicario enen snaphaen op dat voerscreven jaergetyt.

Daer voer sall hij ghehoegenysse halden alle sonnendach op den stoel de vurscryven naemen ende voort den anderen priester ende

den custer loenen yeder van synen dynst. Hyr is by geweest den vicario van der kercken ende dat gerycht van Orlen als myt naemen

Thys Wertens, Jan aengen Reus [Rens?], Ruytger Verbercht als scepen ende kerkckenmeisters myt naemen Johan Eeven, Geit

Verschuren, dat dyt zus geschyt ys.

 

[1557]

Int jaer ons Heren duysent vyffhondert ende seven wijfftych [1557] op donresdach nae sunte Mathisdach, soe heeff Gertruydt Heen van

Helgelsem een eerffiaergetyt gemacht ijnde kercken tot Oerloe, jaerlix toe halden op enen tyt als Goonsdach nae sinte Dionysius dach

myt twee priesters tot den vicario ende die vicario sal op den dach misse ende vigili singen ende alle sonnendach ghoegenis halden

ynde kercken als myt naemen Getruydt ende Lynnert oer nae man ende daer nae Gijsken van Schelberch, Geryt syn huysfraw Getruydt

oeren dochter ende dye kercken sall geven den vicario op dat vurscryven jaergetyt enen guede snaephanen ende dye twee anderen

priester myt dem custer loenen yeder van synen dynst ende setten op jaergetyt V kerssen. Hyr voer ys geven eens XV golden rydders

Orkont mytter waerheyt als yn by wessen dye vicario ende dije selmelycke scepen mytt dye kerckmeysters ynder tyt by gewest syn

myt naemen Gerit Verschuren ende Derick Verkens.

 

[1558]

Int jaer ons Heren duijssent wijffhondert ende achtenvijfdtych [1558] op sonnendach voer synte Lucas dach, soe heefft Lijsbet Jan

Hennykens huysfraw gemacht een erffiaergetyt als jaerlix toe halden alle tyt op synt Symon ende Judas apostoli myt myss ende vigilie

toe syngen ende alle sonnedagh gehoegenis toe halden op ten stoell als myt naemen oer man vaeder ende moeder ende oer kynderen

ende noch twe priester daer sie ende dye kerckmeyster sullen geven op dat jaergetyt den vicario enen guede snaphaen ende dye twee

andere priesters ende custer loenen een yeder voer synen dinst. Hyr voer ys ons geven XV gold rydder den kerckmeysters. Hyr syn by

geweest dye vicario ende dye semelycken scepen myt dije kerckemeysters yn den tyt ende setten op dat jaergetyt V kerssen.

 

Eigen pag. 16

[1558]

Item Johan Boussen [?] heefft geven een vaet uuter synder hofstatt der kercken van Oerloe jaelix to betalen op synte Andris dach halff

dye vicario van der kerck, daer voer sal men syn jaergetyt halden jaelix op synte Huberts dach. Jan vurscr. ende Getruydt synde beeder

huysfrawe ende dye kercke sall setten II kerssen ende loenen den cuyster van synen dynst. Hyr ys by geweest Ruytger Verbercht ende

Kersken Verschuren als scepen ende twee kerckemeister Anno (XV) LVIII [1558] op synte Huyberts dach.

 

Item Wilhem Peters heft gemaeckt ende gefundiert in der kercke alhier tot Oerlo een erff-iaergetiet voor hem ende sijne kijnderen Marij

ende Anna. Ende is daer voer gelaeft ende oeck wel betaelt aen de voorscr. kerck enen penninck genoemt Jacobus ad 13 gl. en 5 st.

Dit voorscr. jaergetijt sal men altijt halden en voldoen alle iaer op sint Geertrui avont. Item Wilhems voors. huisvrouw seit wie dat sy

nae haeren doot hier mede gehalden mocht werden ende ingetoge, sij solt verbeteren voor haer persoon, sullen beluchten mit 3

kertsen t worden dat voorschreven erf jaegetijt Itgen Willem Peters huijsvrouw bij gemackt eenen … penings, dat sij mit dat voorscr.

erfjaergetijt gehalden mucht worden op den selvinge tijt alshiir boven genoemt is.

 

[1562]

Baertien Gaertz Soen ind Grieth syn echte huysvrouw mytter kynderen hebben gemaeckt een erffjairgetyt all tyt the halden op sint

Thomas dach Apostel mijt twee myssen, dat voirgen. jairgetyt IIIJ st. brab. guetz payment ind den andere priester IJ st. ind den Coster

eenen st.. Voir dyt voigen. Jairgetyt hifft Baertien voirgen. gegeven ind wael betaelt eens negen gulden brab. Dye vicarius der kercken

sal alle sonnendach gehaegenyss halden voir Baertien voirgen. ind Grieth syn huysvrou mytten kynderen. Hier syn by, aen ind over

gewest Thies Werkens als een Baey, Gaert Verrickt, Nielis Rycken als schepen, Henrick Ryckens ind Lenaert aengen Holt als

Kerckmeysters. Datum Anno duysent vyffhondert ind twee ind sestich [1562] up synt Thomas dach Apostoli.

 

Int jair 1574 op sint Pouwels dach syn behandt tot eerfftijns recht aen Teuken Steynckens ende Anna synder huysfrouwen huys ende

eerve, haldende omtrynt IJ verdel. Jan ende Lysbet Thys dochter van Yssum ende sullen jairlicx der kercke gelden dair van eeyn negen

mennicken, ende sullen altyt wynnen mit eenen dobbelen tyns als van wynnes noet is. Kerckmeister wesende Lynart van Holt ende

Toenis Peters.

 

Item Claes Teukens hefft gemaeckt ende gestatueert der kerck een arff iairgetijt erffelick ende ewelick voor een summa van pennyngen

ad ses ende dertich gl. ende daerbenevens vereert S. Geertruijt een penning ad vier gl., summa te samen veertich gl. ende zus altijt

te halden ende laeten geschieden iaerlix op ten avont van ons liev vrouwen Annuntiationis dach ende dat beluchten nae gewonelicker

wies mit dry kertsen, ter ewiger memorie.

 

Eigen pag. 17

[1526]

Item …. veerttichgen op syns …………. It …………. Oerloe voir landt dye kercke …. Wyttent ….. Horns gulden, den gulden ……………

daer by synen ……… roeck die ghegolden heeft X Horns gulden, dye welken XXV Horns gulden vurscr. den kercken van Oerloe wael

betaelt syn ende dye X Horns gulden vurscr. van den tabbert die kerckemeester oeck toe freden syn van desen vurscr. summe, sal die

kercke geven jaerlix VII st. brab. den vicarius, daer voer sal hij des sondages gehoegen ynde kercke heer Arnt van Schelberch vurscr. ,

Jan van Schelberch. Gryet syn huysfrow, Derick, Agnes dye kynderen seligen heer Arnt alders susteren ende broeder ende enen

dach ynde weken toe graff gaen ende die kercke sal dat iaergetyt halden des vrydages als opt waepen dach myt den pastoer ende

noch drie ander priester ende die kercke sal op dat vurscr. jaergetyt noch geven II st.brab. voer syn presentie ende dye anderen

priester mytten den koester elck anderhalfen st. brab. ende dye kerke sall setten V kerssen ende den pastor sall vigily doen op ten

vurscr. jaergetyt. In Jaer ons Heren duissent wyffhondert ende XXVI [1526] op den dach dess waepenen ons heren.

 

[1522]

Item Steven Coenen soen heeft besat de kercken van Oerloe XXV Horns gulden, dair aff sall gheven dye kercke vurscr. den priester

een schepel rogge jaerlix, daer voir sall hij gehoeghen sonnendaegh op ten stoel Stevens vurscr. des manedachs ende vrydaeghs

tot graeve gaen ende die kercke sallt jaergetyt halden des vrydachs voer synt Jan Baptist ende beluchten ende enen priester

weerven totten pastoer en pastoer sall vigily lesen, dye kercke sal priesters ende coster loenen eyn ygelick van synen dynst.

Geschreven ynden Jair ons Heren in M wyffhondert XXII [1522] op den apostelendach Divisio etc. et cantabitur missa.

 

[1522 + 1542]

Item Elizabet Gyelen dochter Aengen Eynd heefft besat de kercke van Oerloe XXIIII Horns gulden, dair aff sall geven dye kercke den

vicario jaerlix VII st. brab., daer voer sal hij sonnendachs in der kercken Gyelen aengen Eynd, Getruydt syn huysfraw, Arnt, Lysbeth

hoer kyndere ende ter weken enen dach toe grave gaen ende dye kercke salt jaergetyt halden des vrydachs nae sint Anthonis dach

ende beluchten ende myt enen prister totten pastoer ende pastoer sal vigily doen op den vurscr. jaergetyt ende dye kercke sal

priesters, costers loenen, ygelich van synen dynst. Geschreven in den iair M V hondert ende XXII [1522] op den apostele Divisio

dach.

In jaer van XLII [1542] soe heeft Lysbeth Gijelen dochter aen gen Eynd noch geven vyer Horns gulden, daer voer sal men oick

jaergetyt mede halden ende geven den vicario opt vurscr. jaergetyt drie st. brabans ende setten een kersse.

 

Item Coen Koenen soen ind Met syn huysfr. heben vercocht eerfflicken IIJ malder rogge. Gelegen in enen stuck eerffs, haldende

driemergen lans, gelegen tegen der Syttert, dat men haldende is te eerfftyns van de kercke te Oerloe, vry, loss, ledich, schatvry,

dienstvry, geheiten Ryckertz ind synen erven jaerlix sinte Andries dach des heyligen apostels te betaelen gelich den heren pacht

Sonder argelist ind Zegher van Schelberch, Derick ende Jan van Rens als kerckmeisters ter tyt heben geit {?} vurschr. und Maes

synen zoen geguet ind geerffteb gehaet {?} an die IIJ malder rogge vurscr. om der kercken recht. Hyr by syn oever und aen gewest

Segher van Schelberch, Claes van der Schuren ind Jacob van Holt als scepen, daer desen behandingh gescyt is. Ind oirkondt

daer aff ontfangen hebben.

 

Item Coen van den Oever ende Heylwych syn huysfr. hebben vercocht yn eynen rechten eerffcoep vyff malder eerf jaerlix altoes op

synte Andris dach te betaelen, gelegen in eenen stuyck lands, geheyten die Beten myt oeren toebehoer, schatvry, dienstvrij, dat

men helt van der kercke van Oerloe te eerfftyns Geryt Ryckerts ind sinen …. Ind want Gheyt {?} vurscr. dochter, dat dit vurscr.

onderpande nyet goet genoch en were voer desen vyff malder rogge vurscr., soe heeff Coen vurscr. gesat noch te onderpanden

dat beternysse van den camp by synen huysynge gelegen dat begript drie mergen lands, daer twee malder rogge yn lyeghen.

Sonder argelyst ind Zegher van den Schelberch, Derick soen, ind Jan van Rens als kerckemeisters ter tijts to Oerloe hebben

Gheyt Rychkens ind syn soen aen desen vijff malder rogge vurscr. geeerft und geguedt ende gehant te eerftyns oim der

kerckenrecht. Hyr by syn oever ind aen gewest Zegher van Schelberch, Claes van der Schuren und Jacob van Holt, als schepen

des kerspels van Oerloe. Item Herman van Holt ende Wyllem syn broeder syn gehandt aen 1 malder eerfrogge,gelegen voer

ijemant off enyg paycht in der dyt Hey stuck landts als die Beten ende Herman vurscr. mach altoes Willem syn broeder aff setten

mit eenen quart wijns.

 

Eigen pag. 18

[1558]

Item der ……….. …………openbair notarius ……….. waerheit dat voir ons gekomen ind erschienen is ………….. heer Jacob Coppen

erff …….. Gaert Thoms Kersten verscreven Rutger Verberck, Thys Werken, Nelis Geritz, Jan aen ghen Rens ind Heb (?) Derickgels {?}

soe scepenen toe Orloe ind Gerit Verschuren, Derick Wercken kerckmeysters, Heyn Billien, Gaert Gaert Thoms soen gildemeisters ind

hebben bekant ind belieden dat sy durch noetsaick verkoefft hebben den eirberen ind froemen Derick Wercken twee erff vat rogghen,

die sinte Anthonis geldt ind sunte Anna gilde toe Oerlen. Ind Derick vurscr. erff geldende halden, welck II vat rogge Derick voer betailt

heff den vurg. scepenen, kerckmeisters ind gilmeisters twelliff Geldersche ryders, off die rechte werden daer voer in schelden Derick

voirscr. dat aff ganss ind heell uidt nu ind then eewighen daeghen toe. In oirkonde der waerheit heb ick notaris vurscr. diese certificatie

als ein notarius onderschrieven ind onderteickent. Datum int jaer ons Heeren duesent vyffhondert ind acht ind vyfftich [1558] op ten

viethienden dach Martij.

Theo[dor]us Andree q. ad praemissa notarius.

 

[1558]

Int jaer ons Heeren duysent vyffhondert ind achtindvyfftich [1558] op ten sesten dach Junij hefft sich ergeven dat alsulck malder rogge

Wilhem van Holt gemaickt hefft in der kerk tot Oerle, nementlick J malder die kerck van Oerloe ind J op sunte Anthonis altair. In dat

selver malder rogge gewesticht was in der Cloesem id in enen merghem bij die Weym styghe etc., dat selve malder rogge nympt Wylem

Coesters op hem ind bevesticht dat in einen merghen lantz van synen erff geleigen neest den Bongart. Ind in enen merghen landtz

Kerstgen voirsc. als ther tiet in stede des heeren Rutgen van Berck ind Gaert Thonis als schepenen ind gerichtz luyde toe Oerle ind tot

waeder siekeronge syn hier oick ain und over gewest heer Jacob Coppen als ein erff vicarius ind Derick Werckens und Gerit Verschuren

als kerckmeisters toe Oerloe.

Et ego Theo Andree sacra apostolica auctoritate notarius publiqus ho.. mode translationi praenominat.. mald. siliginis presens cum

duobus testibus scz…nobili viro Theo[dori]co Schenck de Nydeigen et Johan Schenck praeter sui et protestor manu mea propia subscripta.

 

Item Jan Wylms soen heeft besat der kercken tot Oerloe II malder rogge een summeren myn jaerlix te betaelen op synte Andris Apostoli

des uut een stuck lans gheheyten LYSSEN [?]CAMP Verheyden begripende omtrynt IIII mergen dat men toe lyffgewijns halt in Jan Wyllems

guet placht te wesen des rogge vurscr., sal hebben synte Anthonis gild een vait ende synte Anne gild een vaet, dat yn der tijt geloofft ys

myt consent dye broeder ende die priestr dye dye kercke bedynt een half malder daer voer sall hij des sonnendachs gehoegen in der

kercke vurscr. halden als heer Goissen van der Heyden, Wyllem van der Heyden, Lysbeth ux[or], Jans,Willem, Gertruydt ux[or] Peter Jans,

Jacob Cornelis, Gaesken oer kyndeen ende Lysbeth Peters ux[or] ende ter weken enen dach te graeven gaen, here Goesse vurscr., Jan

Willem Getruydt ux[or] ende oere kynder vurscr. ende die kerck V vaet dan daer voer sal die kercke vurscr. dat jaergetyt beluchten myt V

kerssen ende altyt halden des vrydachs voer synte Anthonis Confessores ende die priester sall op de vurscr. jaergetyt vigily lesen ende

mysse syngen ende der kercke sal II priester werven totten pastoer ende sall priester koester loenen eyn ygelick an den dynst.

 

Eigen pag. 19

Item int jaer ons Heren …….heft gegeven Gaert ……Grieth syn echte huysfrow ….. de kercke tot Oirlo vyffthien .. Gelderse ryders, wael

bethaelt; hier voir sal die kercke jaergetyt halden voer vurscr. Gaert, sins Grieth syn huysfrow, Peter ………. syn huysfrow, ….. syn

huysfrow, Heyn Peters, Aleth syn huysfrouw, altyt jairlix des vridachs in de Vasten post Invocavit myt ii syngende mysse ende vigily inde

eenen priester totten pastor, beluchten myt V kerssen, des sal die kercke den pastoer geven jairlix van t jairgetiden VI st. brab., dess sal

hij alle sondagh voir dese vurscr. naemen op ten stoel gehoechenis halden, die ander priester sal hebben II st. brab. und die coester II

st. brab.. Hier syn by, aen ind over gewest als tuychzluide, die Vicarius van der kercken tot Oirlo ind Henrick Ryckens, Lenaert aengen

Holt als kerckmeisters in der tyt. Ind Kersten Verschuren, Thys Werkens, Jan aengen Rens als schepenen in der tyt tot Oirlo. Ind wy

schepen voirgen. tuygen voir die rechte waerheit omb onse gewoentelike loen da wij hir aff ontfangen hebben, dat dye alsus, gelyck

boven gemelt is, voir ons geschiet is.

 

[1564]

Int jair ons Heeren duisent vyfhondert ind LXIIII [1564] op ten XXIII dach Aprilis heft Wyllem van der Stoeck myt Ien sijn echte huisvrow in

der kercken tot Oirlo gegeven vyfthien Gelderse rider wail betaelt, des sal die kerck jairlix des vridaech voir Halfvasten huirder beider

jaergetyt mit hunre kinderen ……. Ind hueren alders haelden. Ind myss ind vigily singen ind myt V kerssen beluchten ind de pastor sal

alle sonnendach op ten stoel voir dese voirgen. naemen gehoegenis halden.

Des sal die kercke jairlix den pastor utrichten VI st. brabants guetz paymentz. Ind den coester II st. brab.. Ind noch sal sij eenen priester

totten pastoer, up dat voirgen. jairgetyt, mysse laeten lesen. Ind die kerckmeisters tot Oirlo sullen up dyt voirgen. jairgetyt elck eenen

st. brab. hebben, soe verde sy in der kercken coemen ende anders niet. Hier syn by, aen ind over gewest als tuichsluide, Heer Jacob

Coppen, pastoir tot Oirlo ind die sementlicke schepen tot Oirlo ind kerckmeisters. Sonder alle argelist ind die Gerichtzluyde hebben

hun gewoentelicke loen dair af ontfangen. Ind ist saick dat men up dyt voirgen. jaergetyt geenen priester totten pastor crigen can, soe

sal die kerck up sinte Geertruiden dach eenen priester crigen, die dan myss list.

 

[1564]

Item heer Goessen van Schaeck, priester, heft gegeven in de kercken tot Oirlo 17 gulden br., wairvan sich die kerck bedanckt guede

betaelinge, dair vuir sall die kerck alle jair up des heijlige Sacramentz dach laeten singen in der Processien, die vier Evangelien. Unde

den pastoer geven twee st. brab., unde den vicario II st., unde den cuijster IJ st. und elcken kerckmeijster 1 st., des sullen sij bidden

und gehaechinis halden in de Missen vur heer Goessen van Schaeck, heer Jacob van der Schuren, heer Jacob Coppen, Meyster

Hubert van Dumberch, Dierick Verdellen, und vur alle die geene, die heer Goessen guet gedaen hebben. Und singen by die baere

Libera me domine setten 3 kerssen. Hier syn by, aen ind over gewest als kerckmeijsters Gerit van der Schuyren unde Thies Werkens,

kerckmeysters in der tijt. Schiet Ao 1564 up sinte Andries dach des heijlige apostels.

 

Eigen pag. 20

Int jair ons Heren duysent …………….. Octobis ………. besat ende gegeven eens …….. IJ malder rogge ……………… kercke schuldich

was van syn verdie………….. voir sall die ………..toe , jairlix …….Dionysius avont des heyligen bischop ende martelaers, Ersame und

froeme heer Goessen Jans, Jan Goessens, Anna syn huysvrow myt huere …….. alders, Jan Clompemeeckers, Lisken sin huysvrow mit

hueren kynderen Naelen ende Berber, Dierick Stoeynen kinderen, und die kerck sal up dit jairgetit Mys unde vigilie laeten singen unde

beluchten, dat is myt vyff kersen. Unde noch eenen priester beschicken totten pastoer unde die kerck sal den pastoer up dit voirscr.

jairgetit geven voir sinen dienst vier stuver brab. unde den anderen priester drie stuver, unde den cuister twee stuver. Unde elck

kerckmeister sall hebben 1 st. brabants. Noch sulen die kerckmeisters up dit jairgetit vijff erme luiden, die the kercken coemen up den

dach geven elcken twee stuver brab. unde ist saick dat sy niet the kercken en comen, soe sullen die kerckmeysters dat gelt anderen

ermen crancken, dair dat best van noet is, muigen geven. Unde off men den 1 priester oick niet en conde becomen, soe sal men die

3 st. oick  om Gaedes will geven. Dit is geschiet ende alsus gemaeckt, gelick voirscr., in tegenwordichz Dries Coenen, Jan Verberckt,

als Gerichtsluiden, Thonis Petrs unde Henrick op ten Teindhoff, kerckmeisters wesende.

 

[1586]

Int jair ons Heerren 1586 den 9 dach Septembris hefft Jan Theuwen gegeven an gereide gelde der kercken to Oerloe twintich Brabens

gulden, dair voir sal die kerck laten halden ten eewighe daghen tou jairlicx ale tijt op dach der heiliger Joncfrouwe Lucie eerff iairgetijt

vor Jan Theuwen, Griet syn huysfrou, Jacob hur soen, Trijn Jan Theuwen huysfrou, Jan Theuwen Griet syn huyssfrou. Unde die kerck

sal op dyt jairgetit Myss unde Vigilie laten singhen unde beluchten dat mit vijff kerssen und noch eenen priester beschicken totten pastor

unde die kerkck sal den pastor geven II st. und off men den eenen priester niet en coende becomen, so sal men die drie stuver om

Gaids wyl geven. Dyt is geschiet unde alsus gemackt gelic voirscr. in tegenwoerdicheit Dries Coenen, Jan Verberckt als Gerichtzluyden,

Thoenis Peters, Henrick op ten Tendhoff kerckmeisters wesende. [Ondertekend: Drijes Coenen]

 

[1607]

In iaren ons Heren Jesu Christi 1607, den 24 Mai hebben Wilhelm Peters kinder ein erffiargeteit gemackt in kerck tot Oerloe van hur

alders seliger Wilhelm Peters ende Jennicken sein huisfrouw, dat gehalden sal werden iaerlichs altijt in die week post Dominicam

Innocavit als Garit Bans, Griet die huysfrow, Gairt Bans, Peter die huisfrouw, Thrijn, Jan Gartiens, Linartien, die huisfrou mitten

kinderen, Hein Peters Alijt die huijsfrouw iargetide werdengehalden. Mit consent kerckmeisters Wilhem Coesters ende Nielis Theus.

 

[1640]

Anno 1640 den 15 Martij heeft gefundiert Gaertgen van Nienhaefft ein erff iaergeteit in die kerck tot Oerloe ende sal memorie gehalden

werden in heilige ampt der missen Gaertgen van Nienhoeff, Jennicken sein huijsfrouw, Teucken Arts, Lisbeth sein huijsfrouw ende sal

gehalden werden donderdaegh voer Halffvasten mit sein gewoenlicheit.

 

[1666]

Anno 1666 den 15. Augusti heefft Hanrick Derickx op ten Tiendhoff besat aen de kercke tot Oerloe een somme van twee ende dertich

guldens Kesselants gelt tot een erffjaergetijt voer hem nu aenstont, ende naer doot van sijn huijsvrouwe Gertien oock daer bij de

welcke naer haer beliefften daer wat sall bij macken tot versterckingen desselfs, den hr. Pastoor doende ‘t erffjaergetijt sall jaerlijx hier

van hebben nu tien stuijvers ende den coster vijff stuijvers, maer als Gertien nu wat bij maeckt sall de gerechticheijt verdobbelt woorden.

Actum ut supra ter presentie van ons onderscreven: C. Janssens pastor, J. Rijckens, Jan Hermkens, Jan van Issem, kerckmesters.

Dit jaergetijt sal gehouden woorden des goensdaechs naer Lichtmissen mit gehoochnissen, Hanrick Derick op ten Tiendhoff, Gertien

de huysvrouw: singende misse.

 

Eigen pag. 21.

De hier eerst geplaatst akte is zodanig beschadigd, dat tekst-reconstructie onmogelijk is.

 

[1643]

Anno 1643 den 15 Januario heeft gefundeert Merij Wercken, Deryckx dochter een erf jaergtyt in de kercke tot Oerlo een som van

penningen ad vijf en seventich guldens, daer voer sal die kerck laten halden en ewijge daghen tou jaerlijcx alle tijt des gonsdagh voor

alder ehylighen dagh een erfjaergetyt voor Merij Wercken, Deryckx dochter unde die kerck sal mys laten singen op dit jaergetijt ende

beluchten mit drij kerssen. Kerckmesters wesende namelijck Gerijt aen de Muelen ende Dries Gerijts.

 

[1655]

Anno 1655 heft Baltus Claes zaliger in sijn testament begeert doer goede opsicht des H[ere] Pastoors Joan Smullers doender tijt

gemaeckt ende gegeven aen de kercke tot Oerle de somme van 10 Rijxdalders end begerende daer voer alle jaeren op den vrijdach

voor Sinte Mathijs een erfiaergetijt gehalden te worden met een singende misse waer voor des h[ere] pastoor sall hebben 10 stuver

ende den coster vijf st. en de meerresten daer af comende soele de kercke begerende well ernstelijck to selve gelt altijt op rente te

setten door de kerckmeesters op dat to niet en mochte achterblijven. Actum ut supra Anno 1655 op s. Mathijs dah.

 

[1635]

Anno 1635 heft Willem Maes aent Holt gemaeckt ende gefundiert in de kercke tot Oerloe een erfiaergetijt ten eeuwighen dagen

gehalden te worden, daer voor heft de kercke gehad eens de somme van vijftich guldens, om te houden saterdachs naer St. Gertruyt

ende sal aldus gehoogingh doen. Willem Maes van Holt en Derij sijn huijsvrou misse doende ende beluchten mit 3 kerssen als

manieren is.

 

[1666]

Anno 1666 den 26 Meij heeft Giesken Peetsen gemaeckt tot een erffjaergetijt aen de kercke tot Oerle de somme van hondert guldens

Kesselants gelt, waer van den pastoer jaerlijx sall hebben eenen gulden ende den coster tien stuijvers, de meerreste sall de kercke

trecken ende daer voer setten vijff kersen opt jaergetijt. “t Vurscr. sal gehouden woorden altijt op H. Sacraments avont ende aldus

gehooginghe doen in der kercken, Giesken Peetsen ende Heijlken de huysvrouw. Aldus gepasseert voor den hr. Pastoor, vicarius

ende kerckmesters. Actum als boven: C. Janssens, pastor, J. Ryckens vicarius, Jan Hermkens (Merkt), Jan van IJssoms {merckt}.

 

De selven dito heeft Giesken noch gemaeckt aen den armen tot Oerlo een somme van sestich guldens Kesselants. Waer van die

jaerlijcx pensioon alle jaer den armen tot Oerlo uijtgedeijt sullen woorden. Daertegens de armen gehalden sijn op sijn erffjaergetijt

voor sijnen en sijne huijsvrouwe siel devotelijck te bidden en te verschijnen.

 

Eigen pag. 22.

[1674]

Anno 1674 den 14 Martij soo heefft Kerstien Simons in sijn sterffbedde gemaeckt aen de kercke tot Oerle de somme van vijfftich

guldens tot een erffjaergetyte te halden op vrijdahs voor Palmen Sondach, naer arbitratie van den partijen off ministers andersints

te stellen is selve weke op eenen anderen bequaemen dach, bij dese voorscr. 50 gulden heeft Jacob Simons in sijn sterffbedde

bijgemaeckt noch vijffticg gulden om niet sijn huysvrouw Jenneken aldaer op geseijden dach bij gehouden te woorden, en op dach

van jaergetijde sal in de kercke hoochnis geschieden, Kerstien Simons, Lijsbet de huysvrouw ende Jacob Simons, Jenneken de

Huijsvrouw, sal alsdan op voorscr. jaergetijt geschieden, singende misse, beluchtinghe van vijff kerssen, ten graeff besoecken,

ende overluijden met alle klocken, den loon van den hr. Pastoor voor sijne dienst sal sijn alle jaers eenen daler ende vijftien stuijvers.

Actum Oerlo den 26 Mert 1686 in oorkont C. Janssens pastor in OerloJ. Rijckens sac. Ibidem. [Volgen enkele ondertekeningen,

alsmede de opmerking:

Dese 100 gl. is op heden, den 26 maart 1686, vooronderscr. Schepenen …………….. completeren a.h.v. oriigineel exemplaar.

 

[1682]

Anno 1682, den 16 Augusti heeft Simon, Kerstien, Simons soon bij Testament aen de kercken tot Oerlo gemaeckt de somme van

hondert guldens Kesselants gelt, tot een erffjaergetyt te halden op S. Simon ende Judas avont jaerlijx te houden, uyt de pension sal

jaerlijx aen den hr. pastoor voor sijnen sienst uijtgereijckt woorden, eenen gulden ende aen den Coster tien stuijvers, met

gehooginghe van Simon Kerstiens te beluchten myt vijff kerssen ende overluijdinghe van alle klocken, oock singende misse.

Aldus geshiet tot Oerlo op den 3. Februarij 1683, in oorkont geteijkent: C. Janssen, pastor in Oerloe, Joannes Rijckens, vicarius

ibidem, Jan Jacobs [merckt], Dirck van Heesker, kerckmesters

Dit 100 gl. sijn door die erffgenamen oock overgewesen aen gemeijnt Oerle tot intrest van vúrscr. Gld. 2 stuvers in bywesen van

schepenen. Onderschrift: op den 26 Mert 1686 in orkont wie boven. Jan Gerits [merkt], Coen Driessen [merkt]

 

[1674]

Anno 1674, den 10 Meij soo heeft Lijsken van Natenberch gemaeckt aen de kercken tot Oerlo de somme van hondert guldens

Kesselants gelt tot een erffjaergetijt, uijt den pensioon sall den hr. Pastoor jaerlijx hebben vant ‘jaergetijt te houden eenen gulden

ende den coster tien stuijvers ende sall gehouden woorden altijt op ten H. Kersmis avont met gehooginghe van Peter van Natenberch,

Lijsken de huysvrouw, Jan van Natenberch ende Hilleke de huysvrouw, te beluchten met vier kerssen ende luijden met alle klocken.

Aldus geschiet ter presentie der onderscr. C. janssens, pastor in Oerloe, J. Ryckens, vicarius, Jan Hermkens [merkt] en Jan van

Ijssoms [merkt].

 

[1674]

Anno 1674, den 2. Julij soo heeft Reijner Schots tot laffenisse sijner siele aen de kercke tot Oerle gemaeckt vijff ende seventich

guldens tot een eerffjaergetijt, uijt de pensioon sall de kercke setten opt ‘jaergetijt drie kerssen ende aen den hr. Pastoor des jaers

betalen eenen gulden ende aen den Coster tien stuijvers sall gehouden woorden altijt op s. Denis avont met gehooginge sondachs

te vooren Reijner Schots, Jenneken en Sijken de huysvrouwen, te luijden met alle klocken. Geschiet op dach datum wie boven ter

presentie van hr. Pastoir C. Janssens, J. Rijckens, vicarius, Jan Hermkens [merkt], Jan van IJssoms [merkt]

Noch hefft Reijner Schots aen den armen tot Oerlo gemackt de somme van vijff en twintich gl. met obligatie als behoort.

 

Eigen pag. 23

[1687]

Anno 1678, den 24 Jannuarij heft Coen Driessens ende Mr. Anton Nelis als mombers van saliger Peter van Natenberch ende Lysken,

de huysvrouw, aen onse kercke overgewesen de somma van 100 guldens Venrayts gelt, welcke dito Peter ende Lysken tot een

erfjaergetyt aen onse kercke gemackt hebben, gelyck fol. pedenti staet. Dese hondert ghulden hebben wij laeten staen aen onse

gemeynte, die ons daer jaerlickx pension af sullen geven te weten vier vant hondert. De eerste sal verschinen op des H. Andreas

Apostoli avont Anno 1678. Aldus geschiet op dach dato als boven. In oirconde onderteykent bij pastoir en kerckmeisters. C. Janssens,

pastor in Oerloe, Johan Jan …., Seger Symons [merkt], kerckmeisters.

 

[1674]

Anno 1674, den 6 septembris. Soo heeft Jan Hebben tot Cleijn Oerle gemaeckt aen de armen tot Oerle de somme van vijfftich g[ulde]n

Venraijs, de somme hier geseijt is geassigneert aen de gemeijnte Oerlo, de pensioonen hier van sullen aen den armen jaerlijx

uijtgereijckt woorden, ende cignantelijck aen den geene die vrientschap komen betoonen. Actum Oerlo, den 3 februarij Ao. 1683 ende

is oorkont geteijkent: C. Janssens, pastor, Joannes Rijckens vicarius, Jan Jacobs [merkt] Dirck van Heester [tekent], kerckmeisters.

 

[1680 + 1683]

Anno 1680, den 28 October, heeft Derick Hebben tot Cleijn Oerlo aen de kerck tot Oerlo gemaeckt de somma van hondert gl. Venrays

tot een erfftjaergetijt, dese voors. somme assigneerem de partijen off erfffenamen aen de gemeijnten Oerlo. Hier uijt sal den hr.pastoor

voor sijne dienst opt erffjaergetijt hebben eenen gulden ende den coster tien stuijvers ende sal gehouden woorden altijt op Alderheijligen

avont off tot arbitratie van de partijen, met gehoognighe van Derick Hebben, te beluchten met vijff kerssen, luijden met alle klocken ende

singende misse. Actum Oerlo den 3 februarij 1683 ende in oorkont geteijkent: C. Janssens, pastor, Joannes Rijckens, vicarius, Jan

Jacons [merkt] Dirck van Heijster [tekent], kerckmeisters.

Op den selven dito heeft Derick Hebben bij Testament aen den armen tot Oerlo gemackt de somme van hondert guldens, Kesselants

gelt, dese somme assignneren de erffgenaemen aen de gemeijnte Oerlo. De pensioonen hier van sullen aen den armen jaerlijx

uijtgerijcht woorden ende specialijck aen de geene die vrientschap off linie/livde [?] konnen pretenderen. Actum Oerlo ..en in oorkont

geteijkent C. Janssens, pastor, Joannes Ryckens, vicarius ibidem. Derick van Heester.

 

[1675/1625 ???]

Anno 1675/1625 ??? in november heeft Peter van Natenberch in sijn sterffbedde aen den arme tot Oerloo gemaeckt hondert gl.

Kesselants gelt. Deze zijn door de mombers van de kynderen pro [?] getelt ende aen den gemeijnte uiytgelet, den pensioonen hier

van uijt te reijcken jaerlijx aan vrunden en signantelijck de bloetsverwanten. In oorkondde C. Janssens pastor, J. Rijckens vicarius.

 

Eigen pag. 24

Anno 1673

Jacob Simons ende sijnen soine Jan, sone van kerstien Simons ende Lijsbeth de huysvrouw zaliger ……….. syn behant tot erffnis

rechten aen twee stucken lants mette weijde ende heeft de gerechtigheijt hier van met alle den voorgaende verloop hier van aen de

kercke betaelt tot Ao 1673, inclusive ter presentie van den eerw. Hr. Pastoor onderscr., voorts kerckmesters Peter Rutten ende Jan

Hermkens. Ita attestor C. Janssen, pastor in Oerloe, Idem attestor J. Gerardi Ryckens, vicarius.

 

Anno 1682, den 8. Martij heeft Jacob Segers aen de kercke tot Oerlo gemaeckt hondert gl. Kesselants gelt tot een erffjaergetijt te

halden saeterdaechs naer Halff Vasten, edoch arbitreelijck totten seggen van de kijnderen, uijt de pensioon sall den hr. Pastoor

alle jaers hebben voor sijnen dienst eenen gulden, ende den coster tien stuijvers, met gehooginghe op ‘t selve jaergetyt in der

kercke Jacob Segers, Mercken de huuysvrouwen ende Seger den soon, te beluchten met vijff kerssen en overluijden met alle

klocken ende singende misse. Aldus gepasseert voor de respective onderschreven persoonen. Actum Oerlo den 4 Febr. 1683.

In oorkonde geteijkent: C.Janssens pastor. Joannes Ryckens vicarius, Jan Jacobs [merkt], Dirck van Heester [tekent]

 

Anno 1697- 1706 - 1725

Volgens testament hebben gemaeckt een erfjaergetidt Willem Segers ende Willemken sijn huijsvrouw sullende gehouden worden

naer sijnen doodt, gestorven sijnde Anno 1706, gefondert aen de kercke tot Oirloe hondert gld. Kesselants, welck erfjaergetidt sal

gehouden worden den eerste maendagh in den Vasten, edoch tottet seggen van de erfgenaemen, uyt de pensionen sal den hr.

Pastoor jaerlijx trecken voor sijnen dienst een gulden ende den coster thien stuijvers mit gehooginghe op ‘t selve erfjaergetidt in

de kercke Sondaghs ter vooren Willem Segers ende Willemken syn huysvrouw, te beluchten mit vier kerssen op den autaer,

overluijden mit alle Kloecken ende singende Misse, welcke bovenst. somme de onderscr. Erfgenaemen op den jaere 171.. hebben

getransporteert aen de gemeijnte alhier. Aldus gepasseert voor de onderscr. Persoonen. Actum Oirloe den 11 Novembris 1725.

Arnoldus Kessels, pastor in Oirloe, Wilhelmus van der Linden vicarius.

Micghel Peeters

JacobTeijden [?]

Jan Symons

Hendrijck Puppen.

 

Eigen pag. 25

Anno 1540 [?]

Int jaer M V c inde verttichgen op synte Anna dach heefft heer Gerat van den Bercken vicarius perpeta toe Oerloe ver eerrpacht

Alleth Gossen huysfrouwen ende Alaert oer soen eenen halffen moerchgen artlants, wellic leyt by den huyss ende hoeff by de

kercken ende hoert yn dye vicarie der krcken. Ende Aleth vurscr.off oer erffen sullen jaerlix geldende syn op synt Andryes dach

utten vurscr. halffen moerghen vyff seyster rogge den vicarie de kercken van Oerloe. Ende dese vurscr. rogge sael erffelic syn

liggende op ten halffen moerghen lants. Ende oeck Alet huyss ende hoeff mytten artlant, dat daer by leyt sael tsamen onderpandt

syn. Sonder argelyst inde hyer yss bywest Claes van der Schuyren ende Wylhem vander Heyen ende Wercken Jans, schepen

toe Oerloe en bay gezwaerzen.

 

Anno 1527

Item Lijsbet Coenen dochter heft besat der kercken tot Orlo een erfmalder rogg of dat gelt daer voer so heeft Coen Drijssen soen

den voorscr. rogge geloest ende heft dit gelt daer vor gelacht, weelken rog nu gilt den hoeft ter Heijden, van desen rog vurscr. sal

die kerck den cappellaen des iaers geven V sester rogge, daer voer sal hij gehoge vader en moder, oer selven ende Lijsbet hoer

dochter ende Syken hoer suster ende twe daech to grafte gaen in die week voer die vurscr. namen ende int iaergedij vigili lesen

ende mys singen, ende die kerck sal dat iaergetijt halden op der marteler dach ende beluchten mit V kerssen ende twe pristers tot

den capelaen. Ende die kerck sal die thwe pristers mit den custer lonen van horen dijnst. Gescreven int iaer ons Heren M CCCCC

ende XXVII.

 

Anno 1529

Item Thijes van Brugge heeft besat der kercken tot Orlo een J [half] malder rogge, welliken rog vurscr. Theus Janssoen van

Valkenboerch geloest heeft. Ende van desen rog vurscr. sal die kerck den cappellaen geven drie sester rogge, daer voer sal hij

gehogen Thijs van Brugge ende Jan van van Vallikenborch en Lijsbet sijn huijsvrou mit den kynderen ende enen dach to graft gaen

in die weeck. Ende die kerck sal dat iaergetij halden op sunt Katherinen dach ende beluchten myt drie kerssen ende mit enen

prister tot den capllaen ende die kerck sal prister ende custer lonen. Anno XXIX.

 

Anno 1525

Item Werken Arnt Werkenssoen heeft besat der kercken tot Orlo in een testament XVI Horns gulden, daer voer sal mij gehoge in der

kercken Arnt Werkens ende Met ux[or], Werken die zoen ende Heijken ux[or], Derick van Holt ende Alet ux[or] ende Beel die dochter.

Ende die kerck sal dat iaergetijt halden altijt op sunt Servaes [?] dach in den meij ende beluchten mijt III kerssen ende myt enen

prister tot den cappellaen ende die capellaen sal vigili lesen en mys singen int iaergetijt ende die kerck sal den capellaen gheven III

st. brab. ende den andere prister ende coster lonen van horen dijnst. Ghescreven Anno XXV.

 

Eigen pag. 26

Anno 1521

Item Jan Heen Rykenssoen heeft besat der kercken tot Orlo een malder rogge ut der Groebben erfelic te betalen op sunt

Andriesdach, daer voer sal mij gehogen in der kercken Jan Rijkens en Lensken en Beli syn huijsvrouwen myt der kijnderen ende

enen dach to graefte gaen ende die kerck sal dat iaergety halden op sunt Urbaens dach in den meij ende beluchten myt V kerssen

ende mijt twe pristers tot den cappellaen. Ende die kerck sal den capellaen geven een summeren rogge voert gehogh ende graef

gaen ende die capellaen sal int iaergetijt vigili lesen ende mijs singen. Ende die kerck sal die ander pristers myt den custer lonen

etc. Anno Dni M CCCCC en XXI.

 

Anno 1521

Item Lijsbeth Heen Rijkensdochter heeft beset der kercken tot Orlo een malder rogge uter Gaert Gijsberts goet erfelicke to betalen

op sunt Andries dach, daer voer sal mij gehogen in der kercken Lijesbeth vurscr. ende enen dach to graefte gaen ende die kerck

sal dat iaergetijt halden altyt des vrijdaechs voer sunt Gertrut mijt hore moder ende beluchten mijt V kerssen. Ende myt twe pristers

tot den capellaen ende die kerck sal den capellaen geven een summeren rogge voert gehoge ende graeft gaen ende die capellaen

sal int iaergetijt vigili lesen ende mys singen. Ende die kerck sal die ander prister myt den custer lonen van horen dijnst. Gecreven

Anno Dni M CCCCC ende XXI

 

Anno 1537

Item Jacob van Scelberch ende Lijsbet sijn huijsvrou hebben besat der kercken tot Orlo een malder roggen erfelick to betalen op

sunte Andrijes dach apostel ut Gaert Gijsbets goet voer desen rog vurscr. sal mij ghehogen in der kercken Jacob van Scelberch

ende Lijsbetz sijn huijsvrou ende sijn alders myt der kijnderen. Ende die kerck sal dat iaergetijt altijt halden op sunte Michiels dach

ende beluchten mijt V kerssen ende drie pristers tot den capellaen ende die capellaen sal mijs singen en vigili lesen int iaergetijt.

Ende die kerck sal den capellaen gheven V st. brab. voer synen dijns ende die ander pristers lonen van horen dijns ende gheven

den custer 1 stuver brab.. Gescreven Anno XVc ende XXXVII

 

Eigen pag. 27

Anno 1579

Int Jair ons Heeren 1579 opten 30 dach Aprilis syn behant tot erffthyns recht aen heer Goessen Jans weide, haldende omtrint drie

veerdell Lenaertien ende Jenniken Lyfkens synder suister kinder ende sullen der kercken dair jairlix utgelden een Lups. Ende

sullen altyt wynnen alst noedich te wynnen myt eenen dobbelen stuver. Kerckmeisters wesen Jan Teuwen en Thonis Ryckens.

 

Anno 1589

Int jair ons Heeren 1589 op ten 17 meij sin behant tot eerftyns rechten an Lynartien ende Jennikens voirscr. weide haldende omtrint

drie veerdel Derick Reiner ende Getrut sin huyssfrou ende sullen der kercken dair jairlicx uutgelden een Lups ende sallent altyt

wynnen alst noedich is to winnen mit eenen dobbelen st[uver]. Kerkckmeisters wesende Theuken Gerits ende Henrick op ten Teyn[hof].

 

Anno 1591

Int jair ons Heeren 1591 op den 15 dach decembris sint behant tot eerftins recht aen Derick Reiners ender Gertrut sinder

huijssfrouwen vorscr. weide, haldende omtrint drieverdel. Symon van Schelberch ende Getruit syn huysfrou en sullen der kercken

dair jairlicx uut gelden een Lups ende sullen altit wynnen alst nodich is tot wynnen mit eenen dobbelen stuver. Kerckmeisters wesen

Teuken Gerits, Jacob van der Teinhoff.

Noot: Sijmon ende Gertije sijn huysfr. Hebben disen tyns vurscr. heel betalt Ao 99 inwendich.

Jacob Simons heft desen tins voors. Heel betaelt Ao 1673 inclusive. Vide fol. 10 ende behant nr. 1

 

Anno 1609

In iair 1609 den 10 Martij sijn behant tot erfftins recht aen twee stucken lants haldende omtrint ein ieder stucken een twintich roede,

welke twee stuckens liggen beneven hoer Goessen weide ende beneven prince [?], Smon van Schelberch ende Kerstien syn soon

ende sullen der kercken dar van geven iaerlich ein nege meninck [?] ende sullen altit wijnnen als noedich is te winnen mit einen

dobbele stuver. Kerckmeisters wesende Wilhelm anger Hout ende Ian Werckens. Is betalt 1673 inclusive, vide fol. 10 nr. 1

 

Anno 1618

In Jaer 1618 op sint Hieronymi Confessoris daegh sein behant tot erfftins rechten ahn vier mergen lants liggende in genholt ahn ein

zeide liggende den heer van Geisteren erve endt ahn ander zeide Hermken angen Sandt erve, Wilbert Wilhelms ende Jennicke sein

huijsfrouw ende sullen der kercken daer iaerlich van geven einen thins groet ende sullen dat winnen all tijt als van winnen noedich

is mit ein dobbele tins soe daer emans is, die beter recht heft, sal die kerck toe rug staen. Kerckmeisters wesende: Peter Petzen

ende Wilhelm Peters.

 

Anno 1618

Op den selvige daegh ende iaer sijn behant tot erfftins rechten ahn ein stuck lants gelegen ahn Stoickven, ahn eine zeide gelegen

neven Thomas Japkens erve, ende ander zeidt beneven den Heiacker omtrint wesende vieff mergen Jan van Natenbergh, Peter

sein soen, ende sullen der kercken daer iaerlich van geven einen thins groet ende sullen dat winnen altijt als van winnen noedich

is mit einen dobbele thins, soe daer eimans koempt, die beter bescheit ader recht heft, sal de kerck terug staen. Kerckmeisters

wesende: Peter Petzen, Wilhelm Peters. Actum ut supra.

 

Anno 1618

Eodem anno et die sein behant tot erfftins rechten ahn ein stuck boulants gelegen aengen Boddebruick, schietende ahn ein zeide

ahn gen heij, ahn ander zeide beneven Paterslandt omtrint groet wesen negen mergen Jan van Natenbergh ende Peter sein soen

ende sullen iaerlich der kercken daer van geven einen thins groet ende sullent winnen mit dobbele thins, soe duck als winnen

noedich is mit dobbele thins, soe eimans beter bescheit of recht brengt, soe sal die kerck wieken. Kerckmeisters wesende: Peter

Petzen, Wilhelm Peters. Actum ut supra.

*** In die selinge gerechticheit sal oick staen den Halacker, geleg by Lisbeth van Kercken erven ende sal daer iaerlich van geven ein

halve thins groet omtrint twe mergen groet wesende.

*** Peter van Natenberch verklaert op sijn salicheit ende conscientie, is bereijt met eet te presteren desen tins betaelt te hebben van

Anno 1618 tot anno 1645 toe incluijs aen Kerkmeister Dries van Ijssoms in presentie des heren pastoors Joannis Molitoris.

*** Nu de mombers van Jan van Natenberchs kijnder hebben van dese drie genoemde stucken den tins ten vollen betaelt van anno

1645 tot 1674 exclusive. Kerckmeisters sijnde Peter Rutten ende Jan Hermkes. Actum Oerle den 20 Meij 1674

Ita attestamur C. Janssens, pastor in Oerloe. J. Gerardi Ryckens vic.

*** Item de mombers hebben den tins betaelt van dese drie genoemde stucken van anno 1674 tot anno 1688 incluijs aen kerckmeisters

Denijs Derickx ende Alart Jacobs. Actum Orlo den 10 Februarij 1689. Petrus Barberen, pastor in Oerloe. Joannes Rijckens, vicarius ibidem.

 

Eigen pag. 28

Anno 1618

In Jaer ons Heeren duijsent seshondert achtien op s. Hieronymi biechtighers daegh syn behand tot erffthins rechten ahn de kercke tot

Oerlo ahn negen mergenlant vieff ten halven mergen gelegen beneven heren van Geisteren erven angen Eindt ende vieff ten halven

mergen gelegen achter die kerck beneven Mericke Werckens erve. Ende ock huijs ende hoeff, soe groet ende clein als gelegen is

Henrich Hebben, Anna sein huijsfrouwe ende sullen daer iaerlicj van geven ein thins groet ende winnen als winnents noedich mit vier

thins groet. Kerckmeisters wesende Peter Petzen, Wilhelm Peters, soe eimans van dese voergenoempte parcelen ander beter bescheit,

soe sal die kerck achter staen.

Nota: dit goet is verkocht in Anno 1667 omtrent S. Michiell ende is verkocht aen Willem van den Boogart ende Peerken, de huysvrouw.

De boven geschreven restantie van tins moet An Hebben off Goort Teukens haeren naemen tochter berekenen ende betaelen. 

 

Anno 1674

Anno 1674 den 20 Meij sijn behant tot erfftins rechten aen de kercke tot Oerlo aen boven geschreven negen merghen lants, beneffens

huijs ende hoff als gelegen is Willem van den Boogart, Jenneken de huysvrouw ende hebben haeren tins mettet gewin aengaende den

koop betaelt ende voldaen van Anno 1667 tot 1674 inclusive. Kerckmeisters wesende: Peter Rutten en Jan Hermkes. Ita attestamur C.

Janssen, pastoor in Oerloe. J. Gerardi Ryckens vicarius.

 

Anno 1686

Anno 1686, den 28 Martij hefft de eerw. H[eer] Cornelius Janssens, pastoor tot Oerloo aen de kerck tot Oerloe gedaen hondert gld.

Venraets voor een erffiaergetijdt voor hem ende sijne ouders Mr. Rutt Janssens ende Catharijn van Asselt, eerst te halden naer den

doodt van den voorscr. h. Cornelius Janssens, pastoor tot Oerloe, op den avont van den S. Augustini, den 27 Augusti off daer ontrent

naer believe dess pastoors deese hondert gl. coemen so van steenen, dij den hr. Pastoor voors. hefft gelevert tot opbouwinge des

kercken hoffs huijs tot Kleen Oerloe, so van Casuijfels ende andere ornamenten voor de kercke door den hr. Pastoor voors. Voer sijn

eijgen goet geprocureert, gelijck als mij onderscr. hefft gebleecken gesien hebbende waerachtige attestatie. Men sal ‘s Sondaegs te

vooren gehoogenisse doen op den stoel van den voors. persoenen ende op de daech vigili ende misse te singen ende naer de misse

lesen Miserere ende De profundis mett beluchtinge van sieven kerssen ende luijden van alle klocken. Hyr nae sall de hr. Pastoor

hebben eenen halve Rycxdaeldr te weten 4 schillinge ende den custer twee schillinge, de welcke de kercke sall utrichten uut de

pensioonen van dese voors. 100 gl.. So lange de voors. Hr. Pastoor sall leven sullen wesen ende blijven aen de kercke tot versterckinge

ende vermeerderinge deeses iaergetijds.

Actum Venraij daech ende datum als boven:

Matthias Roebroeck, pastor Venrad. et decanus

Hubertus Roebroeck, rector Sanctae Crucis in Venraij, tamquam testis

Joannes Rijckens, vicarius in oerle

Coen Drissems [merkt]

Jan Sijmons [tekent]

Kersten Jans [merkt]

Willem van Issem [tekent], kerckmeisteren.