Maasbree inventaris 1-7
Bron: gemeente Maasbree - kerk archief - inventaris 1-7
Omschrijving: 16 januari 1574 inzake Ermgairt Schellingh.
≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈ ≈
Wij gemeijne lantschepen und gesworen der kerspelen Kessell, Helden, Seuenhom, Breeij, Blerick, Baroll,
Wanssum, Swolgen und Broeickhuisenforst in dem Ampt va(n) Kessell / doen kundt und bekennen voor ons
unse nacomelingen / nachdem unse mijt schepen / naburen ende ingeseten die kerkmeisters / und gildemeisters
des kerspels van Venraeij onder desenn selbigen ampt gehorich / van wegen unde in behoeijff onsser / und
des geheelen amptz ingeseten ende onderdan(e)r / in desselbigen hoechsten omliggen und beswerenis ende tot
vermidong sines groteren schadens ende nachdeell / durch unssen gantz freuntlichen versuich / begeren unde
anforderongh / sich up die alte bestendichste form des lantrechten geuest ende verschreven hebbenn die
Eerwerdige und Erentlicke Jonffroue Ermgairt Schellingh Abbatissa tsampt die gemeijne Jonffrouwen des
Cloesters Daelheijm / ein erfflick jaerrenth van tnegentich daler / den-daler tot dartich brabanss stuver nae die
ganghbarheit der twe Steden Rurem(o)nd und Venloe / itlichers jaers op Sinte Remeijs dach verschinende /
ende to loessen mijt einre a(li)nger onferdeilter sumen van Viefthienhondert daler in der werden vurss. / ende
daer voer alle ire ende des Kerspels van Venraeij gerede und ongerede gueder verwanschapt ende veroblige(ert)
(e)nde folgentz bij penen van peijndongh ende arrest up allen orteren bij gebreck van betalinge verwillickoeit
und ouergegeve(n) & inhalt die hoeftuerschrieuongh daer van sinde / Demna(ch) (e)rkennen wij Schepen und
gesworen der vurss Kerspelen voer ons / onsse gemeijne ingesetene naburen / ende onsse nacomelingen / dat
wij versekert / versproeck(en) / ende geloeft hebbe(n) / ver(sekeren) (ver)spreecken ende geloeven hier mit
den vurss Schepen / Kerckmeisters / Gildemeisters / ende gemeine naburen van Venraeij van die vurss hoeftsum /
pensioen / tsampt hinder ende schaed(en) da.. ..schreue(n) oder onderdane(n) van Venraeij derhalffen
ouerkoeme(n) ende erliden muechten to frien quitiere(n) und schadeloess stellen / und allet tot onsse gebueren
qwoit und anpart eines iederen nhar a....o.atie ende gewoenheit deses amptz / mit sulcke bescheidenheit /
Soe vern enich gebreck / versuijm oder nalaessicheit bij ons oder onsse Kerspelen Ingesetene Naburen in die
betalinge der jaerlicker (ren) ten in ein deell of toemaell gebeurden / ende onse gebueren(en) qwoit op sinen
naemhaftigen tijt nicht erlechten noch betaelden / ende die van Venraeij in sulcken fall in enigen schaeden kos(ten)
und verloep geuielen ende verliepen / is weer dan bij weens schulden sulx comen mocht / ende die jaerlixe renth
gelieckfals bij executie betalen musten / dat alsdan ende widerom die vurss van Venraeij an onsse persone(n)
gerede ende ongerede guederen / desgeliecken an onsse Naburen persone(n) ende derseluer gueder / an oft
mheer wan hun des gelegen und gefellich sien sall / sullen moegen versuecken ende verhaelen / mit peijndongh /
kommer recht / oft arrrestatien up allen orteren daer sij die personen oft guederen sullen moegen finden of
bekoemenn Niet tegen staen(de) / of die / oft dieselfige die qwoit ende anpart alschoen betaelt hadden sullen
gelieckfals des niet moegen genieten ter tijt ende so lang die volle betalinge eines ijderen qwoit und anpart
volcomentlichen in handen der van Venraeij frij geleuert und betaelt sije / waell verstaen(de) dat die oder
dieselbige / daer om dat mangell gelegen is nhar idt verloep der kosten und schaeden allein lijden und draegen
sullen / Daertegen wij noch onsse naburen ende nacomelinge(n) niet en sullen genieten enige vortsettinge
pantkeringe / freijeheit / oft geleij / in enige Steden / Dorperen / oft frijeheiden buiten offt binnen desen
ffurstendomb Gelre / waer ditselff geschien mucht / in eniger manieren / ende dat so duck ende menichmaell
als hun des noit gebueren sal / weret oeck saeck dat nhar voergaende geburliche erkundigongh der afloessen /
es weer dan bij desen gemeijnen Ampt / oder ouer bij der frouwe(n) und jonffrouwe(n) van Daelheijm geburlicher
tijt beschien / enige mangell bij ons oder onsse nacomelinge(n) in erstaekongh der pennij(n)gen geschieden und
gebuerde(n) / ende die van Venraeij derhalff(en) in enige(n) hinder schaeden ende verloop quamen und
geexecuteert wurden es weer dan oick in ein deell oft tomaell / hebben wij ons derhalffen verwilcont und
versproecken als wij oick d(oen) in kraft deses / dat alsdan die van Venraeij of ire volmechtige sullen und moegen
procedieren und doen procedieren / up alle unse ende der naburen personen enden guederen verscheidentlich oft
onuerscheidentlich / in aller gestalt als dat hierbeforentz up inforderinge der jaerlixe renthen verschreuen ende
verwillicht is / ende dat soe langh ende ther tijt to die van Venraeij van der verschrieuenge soe hoefftsum als
jaerrenth tsampt geleden hinder und schaeden tot iederen siner gebuerende qwoten toe gefiechet ende gequeten
sullen sien ende blieuen / sunder argli(st) In orkunde der waerheijt und want wij gemeijne Lantschepen der
Kerspelen vurss genen gemeijnen Schepenamptz segel en hebben soe hebben wij sementlick gebeden dem
Adelen Erentfesten Johan van Wijttenhorst heer ther Horst und Drost des Landtz van Kessell etc. und ingeliecken
gebeden den Erentfesten und froemen Johan vander voort Scholtis des Landtz van Kessell / dat Ihre liefden een
ijder bijsonder hoeren segell an desen opene(n) brieff hangen willen dat wij Johan van Wijttenhorst Drost etc.
und Johan vander voort Scholtis vurss / durch beden der vurss gemeijne Lantschepen gerne gedaen und onsen
segelen an desen openen brieff gehange(n) hebben / Gegeue(n) inden jaeren viefthienhondert Lxxiiij den xvje
januarij (16 januari 1574)
Hijr van heft het kerspell Bree affgelacht hundert dalers betalt wtte ...... ..... 1619