land van Kessel - inv. 1592 - rekeningen Arnt den Wilden van Mersen 1457
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
inv. nr. 1592
[afbeelding 0001-1592_001 + 002]
Dit is rekeninge ende bewysinge mijns Arnoltz den Wilden van Mersen, dat ich opgeboirt ende ontfangen hebbe in den ampt slantz
van Kessel ende ther Horst, van renthen, van broiken ende van compositien van wegen ende bevele des hogebaeren doirluchtigen
furste hertogen van Gelre ende van Gulich ende Greve van Zutphen, mijns genedigen alrelieffsten heren, angaende ende begonnen
op onss lieuver vrowen dach Purificationis anno (1457) LVII ende uitgaende bys des yrsten daige aprille in den selven jair, die tijt is
twee maent.
Opboeren primo van Kessel ende Helden, elck V m(ar)c ad II Arnhemse gulden 1 vl(ee)ms ende voir den Arnh, gulden XIIII clymmer.
Kessell ende Helden nyet.
Baerle:
Item Peter Wolter V mr
Item Jenneken Brouwer V mr
Blerich
Item Jenneken Schut V mr
Item Hoifftken IIII V mr
Zevenhem
Item Kathrijn Duvels II V mr
Summa IX Vmr voir elcke V mr XXIX vl(ee)ms, IIII vlems voir III stuver valet IX Rynse gulden XL kr. VIJ gr.
Compositie
Item Zoemerman van Helder van penen IX rynse gulden
Item Thys here Walraves gegolden den hoff tot Berchem ende hefft dair onder lant ende erven an gegeven van gewynne, dair van
geboirt XL rijnse gulden, des die drosst II rynse gulden valet blijvens opgeboirt XXXVIII rynse gulden.
Summa lateris XLVII rynse gulden XL kr VIJ groitken
Te weten den Ryns gulden gerekent voir XX stuver of LII kr ende den stuver voir IIJ kr ende 1 gr(oitken) voir eynen kromstert.
Item noch geboirt van den moelen ter Horst dat in myne rekenscap nyet en steit III malder rogge, des is eyn halff malder an zeeldoick,
J malder enen smyt, die die billen opter moelen scherpt, om kerssen (kaarsen) die men op ter moelen behoift II vair rogge ende eynen
knecht, die die moelen verwairt IJ malder 1 vait rogge, similiter III malder rogge ende hyrmede syn sy bewesen.
[afbeelding 0001-1592_003]
Item Gairt van den Broick hadde hendelinge mit erven geheiten Jenneken Schroeder tot Brede, dairomme ich hem mitten recht ain
sath die gededingt ende gescheiden mit XI rynse gulden, des heb ich I gulden int gelaich valet blyvens opgeboirt IX tijns gulden.
Item Dericken van Holthuysen hadde tot Blerich eyn ongevall dat gescheiden mit XIX arnh. gulden, des heb ick eynen gulden valet
blyvens opgeboirt XVIII arnh. gulden ad XIIII vlems valet IX Ryns gulden XXII kr IIJ groitken.
Summa dat ich geboirt hebbe gelyck vurscr. steet LXVI Ryns gulden XII kr IIJ gr.
Item Goissen Brouwer tot Kessell, die sich wat in den gericht van Kessel verfaldt hadde, den scepenen aintreffende, dairomme ich
dincklichtich mitte lantscepenen geweest byn, soe dat hy gescheiden is ende gededingt heefft ende sall voir uit avermitz den scepen
allen onkost, die dair op gegain is, betalen ende sal dair toe geven LXVII rynse gulden, dair geet wederomme aff dat die scepenen
voir hoer voirspreck gelt ende onkost hebn soilen X rynse gulden. Ich selver II ryns gulden, mynen knechten II ryns gulden ende tot
Venloe, soe man dat dair gescheiden solde hebn, dat achter bleeff te gelage gegolden dat dair op gesat wairt III rynse gulden valet
blyvens opgeboirt, dat Goyken nu te belaicken Paisschen tot behoeff mijns genedige lieven heren betalen sall vyfftich rynse gulden.
Item Jenken van Dyck had eynen sack tot Soevenhem op ter moelen staen ende quam op die moelen ende die molner had eyns
anderen mans meel dair in gedain, soe schodde Jenken vurscr. des anderen mans mele uit den sack en sacht wen des boven meel
in synre sack queme, des ich hem mitten rechten ain sach dat gededingt ende Jenken sal nu te Belaicken Paisschen dair van geven
ende betalen XXIIII rynse gulden, des heb ich II gulden, myne knape I rynse gulden ende int gelaich 1 rynse gulden, valet blijvens dat
men opboeren sall XX rynse gulden.
Summa des men hyr aff noch opboeren ende ontfangen sall: LXX rynse gulden.
Item noch van der moelen ter Horst geboirt VIII malder rogge, des goet wederomme aff II summeren, die die IIII oirden jairlix te hebn
plege, als dat gewoinlich is valet blyvens VII malder 1 summeren rogge, tmalder IJ rynse gulden valet XI rynse gulden.
Item noch ontfangen V malder maltz ad XIII stuver
Item VIII vair boickweytz, tmalder XII stuver.
Summa van der molen XV rynse gulden II kromstert VIIJ groitken.
Summa sumarum van allen opboeren ende dat men noch opboeren sall, tsamen gelyck vurscr. steit I C LI rynse gulden XIIII kromstert
X groitken.
[afbeelding 0001-1592_004]
Uitgeven Arntz vurs(creven)
Item in den yrsten des saterdaigh na onss lieve vrouwen dach Purificationis van bevele brieven myns genedige lieve herel gelden
mit mijne rekenscappe tot Grave die ich doe dede mit III perden, VI daige, dair gelegen sdaige IJ klyncker valet VI ryns gulden XXXVIII
kr IX gr
Item des satersdaig na sente Mathys dach van bevele des Mars(alck) ende des Coeckenmeister gereden tot Gelre ende was dair III
daige mit III perden, sdaigh IJ klyncker valet III rynse gulden XIX kr. IIII gr.
Item des vrydaigh post Invocavit gereden van bevele brieve myns genedige here tot Gelre mit III perden gehadt soe hy terstont
wederomme reet III mailte (maaltijd?) ad 1 stuver II quarten wyns ad II vleems III vait haveren ad I vlems vervaeren (veerkosten? II
vlems similiter XXV kr. IJ gr.
Item van bevele brieve myns genedige here den Coeckenmiester gedaen X rynse gulden.
Item op sinte Mathys avont deden myns heren genaden my schrive synre genade ter Horst doin bereiden ende syne gande en
quame nyet dan synt gnaden huysgesynne quamen tsamen dair per den Coeckense.. verdaen ende gerekent gelyck hijr by dat
uitwysen XXXVI rynse gulden IIII kromstert
Item eynen geheiten Peter Kremer die gestalen heefft, den selven doin richten ende die scarprichter was tot Gelre, den ich mit my
ter Horst nam, dair gewest II nacht, verteert VI stuver ende voir sijn loen IIII rynse gulden X vlems ende eynen baide hem mit gegeven,
die hem tot Utrecht leiden IX vlems ende III holt gekofft tot Venloe omme eyn galge dair aff te maicken VI stuver, ende eynen
tymmerman die die galge maickten II vlems ende eynen die hem sijn bijgehoirden II vlems om zeel ende hansen IIII vlems valet (XL?)
III ryns gulden XXXVI kromstert IX gr.
Summa lateris LX rynse gulden XX kromstert X groitken.
Item die selve Peter Kremer geseten ter Horst eir ich eynen scharprichter krygen konde, soe ich tot Nymmegen dairomme gesant
hadde ende des nyet krygen en konde XXVIII dage, sdags voir synen cost II stuver valet II ryns gulden XLI kr. III gr.
Item soe Holtacker van der Horst ter t in den gevenckenisse geseten hefft XII weken, soe quamen syne vrienden ende verborghden
hem eyn tyt lanck avermitz scepenen, in maten, dat hy sich mit syne vrienden bespreken ende dedingen solde, wert saicke dat hij
bynnen der tijt nyet en dedingden, soe solde hij in komen ende en quame hij nyet in, solde hij vervallen sijn by eyne pene (straf)
van I C postulaet gulden tot behoiff myns genedigen here, dair syne gebreck gevallen is. Ende were ich ain den ampt bleven ende
versette ich my anders nyet, dan hij mijnen genedige here die I C gulden vervallen weren, soe ich die achtinge reken van den
vurgen(enoemde) XII weken, ter weken eynen klynckert valet IX Rynse gulden.
Item Oze van der Hautert hefft mitten scepenen van Wanzem eyn swair stuck te doin, dairomme Oze vurscr. in myns genedigen
heren gevenckenisse ter Horst quam ende hefft vurge avermitz scepenen van der Horst gesat ende dach genomen in maten als
die scepenen weten ende hefft oir attinge (?) selver betailt, dairomme ich hyr van nyet en reken.
Iten Seger Borwater hadde hendelinge tot Zevenhem gehadt, dairomme ich den antasten ende ther Horst bracht, die verborgt
hefft te lyden des der scepenen voir recht wyst ende des yrste vondenisse mitten lesten te staen.
Item soe ich mynre genedige here die asstise ter Horst in mijnre laitster rekeninge voll gerekent heb, soe ontbrack my dair ain
ain heyne in die vlesch 1 ryns gulden V stuver.
Summa lateris XIII rynse gulden II kromstert VIII groitken.
[afbeelding 0001-1592_005 + 006]
Item Arnt Tymmerman VI daige getymmert ain der molen ther Horst, des gilt mijn genedige here tot synen deel III dage, sdags
voir loen ende kost VIII vlim (?) valet XXIIII kromstert.
Item gegolden LXXV voit droger eycken plancken die vynsteren ain der koecken ende anders dair mede te maicken, der ich in
mijnre laitster rekenscap nyet gerekent en heb, teste tsamen IX stuver valet XXIII kromstert IIJ gr.
Item heb ick Peter van Holt gegeven 1 ryns gulden avn wegen Johans syns broeder, die tot Vreden dit bleeff want elck van myns
gen. here schutten 1 gulden hadde.
Item soe ich mynen lieuen genedige here gerekent heb ain zeeldoicken 1 malder rogge, syn dair ain gewest II malder rogge, soe
reken ich myne genedige here dat syne genaden geboirt te gelden J malder roggen valet XXXIIII kromstert X groitken
Item soe blyfft my mijne gen. here des jairs van den huyse ter Horst ende van den Ampt slantz van Kessel I C rynse gulden,soe
heb ich dat verwairt van ons liever vrouwen daige lichtmisse bys der yrsten dage aprille, soe beloipt die somme na beloip des tijtz
XVI rynse gulden XXXIIII kromstert.
Item desgelycken van der poirter dess jairs XXI ryns gulden, soe beloipt die somme van den twe maende III Rynse gulden XXV kr.
X gr
Item soe gyfft myn genedige lieue here my van den Scholtet ampt te bewaeren des jairs LX rynse gulden, soe heb ick dat verwairt
die vurscr. twe maende lanck, loipt die somme na beloip des tytz X Rynse gulden.
Summa lateris XXXII rynse gulden XLII kr IX gr
Item noch desgelyx gyfft myn lieve gen. here my des jairs LX malder haveren, die II malder gerekent voir eynen klynckert, soe
beloipt die somme na beloip des tijtz X malder haveren, maicke III rynse gulden XXXVIII kr IX gr.
Item Derich van der Horst opdaen V C rynse gulden, die ich te schaden geworven heb, dair van reken ich van XV gulden eynen
des jairs, soe beloipt die somme na beloip des tijtz van den tween maenden V rynse gulden XXVIII kr V groitken.
Summa lateris IX Rynse gulden XV kr VII groitken.
Summa summarum van allen uitgeven vurscr. loipt tsamen I C XV ryns gulden XXX kr IJ groitken.
Op ende affgeslagen dat opboeren tegen dat uitgeven, soe beloipt dat opboeren meir dan dat uitgeven XXXV rynse gulden XXXVI kr II
groitken.
Te weten soe Dierick van der Horst, Arnt die Wilde van Mersen nu uiter den Ampten tot Kessel ende ter Horst geloist heefft, dat hem
die voirscr. XXXV Rynse gulden XXXVI kr en II gr an sijne summe afgekurt syn Ende alsulke VIII rynse gulden, als Arndt geboirt heefft
van Hutman tot Rade, die sal hy behalden voir syn rijden ende teringe hij nu omme sijne rekenscappe te doin, verteert heefft. Ende
alsus en blyfft mijn genedige Arnt noch oich Arnt myns here genade van den Ampten na inhalt sijnre rekenscappen noch aich in
brieven op die Ampten nyet sculdich.
Afgehoord 1457 / Latijn te Grave in aanwezigheid van ridder Willem van Vlodorp, voogd van Roermond, maarschalk Arnold de Goir en
verder Gerardus Greve, anno M CCCC LVII, sabbath post Oculi.