land van Kessel - inv. 1591 - rekeningen Arnt den Wilden van Mersen 1456/1457
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
inv. nr. 1591
[afbeelding 0001-1591_001 + 002]
Rekening van Arnt den Wilden van Mersen
Kessell Anno 1456/1457
Te weten den Rynschen gulden gereeckent vur XX stuver off LII krompstert ende den stuver vur IIJ krompstert 1 gr. ende XIII gr
vur den krompstert.
Dyt is Reekeninge van bewysinge mjns Arnoltz des Wilden van Mersen, dat ich gehaven ende gebuert hebbe in den Aempt van
Kessel ende ter Horst van renten, van brucken ende van compositien van wegen des hogeboeren doirluchtigen forste ende here
hertogen van Gelre ende van Guylich ende Greven van Zutphen myns alrelieffste genedige here. Aengaende op sent Vijts dach
in den jair van (14)LVI ende uijtgaende in den jair van LVII op onser liever vrouwen dach Purificatien.
Opboeren primo van Kessel ende Helden, elke V mr ad II arnh. gulden 1 flemsch ende vur den arnemse gulde gebuert XIIII flemsche.
Item Heyn Zwolffs V mr
Item Gaertken van Stockt V mr
Item Jacop van der Voert V mr
Item Naelken Meelkens V mr
Item Groetvoets jon V mr
Item Willemken Zillen V mr
Item Zille Scroeder V mr
Item Peter Wagemeker V mr
Item Jutte Bouten V mr
Summa IX V marken, elke v marc voir XXIX flemsche ende IIII flemsche voir III stuver gerekent maken IX gulden XK krompstert VIJ gr.
Composicia
Item van Cylken van Kavelyen van scholt die hij gobbel van denBraken, die gericht wart noch schuldich was, dat ick vernomen hebbe,
gebuert XXII koipmans gulden XIX stuver, van elken gulden maken XX gulden XLVI krompstert V gr.
Item van Thijsken van Kessel den Bade gebuert dat hy van Willem ter Braber ontfangen heefft V gulden
Summa lateris XXVX gulden XXXV kr V gr
[afbeelding 0001-1591_003]
Item Groetvoets jon was eyn schutter ende cogel brueder toe Helden, soe verboeden huem syn gesellen die cogel te dragen, omme
saeck wille sy meynden hij die cogel nyet dragen en solde, ende als ich dat vernam lacht ich syn guet in kommer omme mynen genede
lieue here synen genaden broecken te vorderen ende vervolghden dat mit den rechter, soe dat der selve, dat eyn arme knecht was,
gededinght ende componiert heefft; dair van ich tot behueff myns genedig lieue here gebuert hebben XXXV Ryns gulden
Ind van den selven hebbe ich gehadt ende genoten II gulden, mijne knecht I gulden ende eynen gulden gynck ynt gelaech.
Item soe vonde ich aen Koenen in den stroe dat Groetvoets jon was, dat ich hebben duen dorsen IIIJ malder even ende IJ malder
boeckweyts, dair van gebuert II gulden XII kr XIJ gr
Item V vaet roggen hadde der gene, die dat guetken verwaert ende gedorsen hadde, dair ich mynen genedige lieven heren nyet van
en reecken.
Item Heyn Straelman is vurtijts van quader fame vluchtich geweest ende ommetrynt drue jair buytten bleven is, die nu korts komen was,
den ich tot Helden des nachts haelden, die gededinght ende componiert heefft oevermits den scepen ende andere gueden mannen,
dair van dat ich tot behueff myns genedige lieven heren gebuert hebbe LXX gulden.
Ind van den selven hebbe ich gehadt ende genoeten II gulden ende vur syne attynge die wyle hy ter Horst geseten hadde II gulden ende
mijne knechte ende der bader III gul, dat huen in der compositie tuegesacht wart, want sy den selven gevangen ende gehaeldt hadden.
Item van gewynne van Thys van Stockt gebuert VIII gulden.
Item van kouman Heynen gebuert XVIII stuver maken XLVI kr. V gr.
Summa lateris C XVI gulden VII kr X gr.
Item van Maes van Deeckenhorst gebuert IIII gulden XVIIIJ stuver vur den gulden, maken III gulden XXXV krompstert 1 gr.
Item van den Kerckmeisteren gebuert VII gulden ad XVIIIJ stuver maken VI gulden XXIIII kr VI gr
Item van Jannes Molener gebuert IIII gulden ad XVIIIJ stuver maken II gulden XXXVI krompstert 1 gr.
Item van Thysken Modnas (??) van gewynne gebuert III gulden ad XVIIIJ stuver maeckt II gulden XXXIX kr XII gr
Item vanDytken Zwolffs van wynningen dat myslick by quaem end daer ich voil dedingen omme hadde gebuert XVIII gulden.
Ind dair van twe sachten die gesellen mich ine II malder haveren ende 1 gulden ynt gelaech.
Item van eynen geheiten Wilken gebuert IIIIJ gulden ad XVIIIJ stuver maken IIII gulden VIII kr V gr
Item van Engelen Braeckmans gebuert XIII stuver maken XXXIII kr VIJ gr
Item tot Baerlo gebuert van V mr maken 1 gulden IIII kr VIJ gr.
Summa lateris XL gulden XXVIII kr VJ gr
Summa totalis Kessel ende Helden loept C XCII gulden XX kr I gr.
[afbeelding 0001-1591_004]
Blerich
Item Dryes Maes V mr
Item Heijn Schere V mr
Item Jan Duvel V mr
Item Peter Vulken V mr
Item Peterken Heydens V mr
Item eyn vrouwe dinghden tegen Willem van Kessel van Loe V mr
Item Hoytken Vijffwerff V mr
Summa XII V mr maken XIII gulden II kr VIJ gr
Item van Willem Naelen dat hy eyne an den synen sycht in boirden geborgen hadde, gebuert III gulden
Ind die gesellen ynt gelaech I gulden
Summa Blerich XVI gulden II kr VIJ gr
Brede
Item tot Brede en hebbe ich geyne V mrken gebuert, want die banck sonder recht gelogen heefft, als myne genede lieue here dat
wael weten moge.
Item soe hebbe ich van Compositie van Derick van Berenvoert, die vurtyts by eyn ongeval van eyne doetslage geweest was ende
in de dedingen starff, van synen vrienden gebeurt XXV gulden.
Ind die vriende gaven ynt gelaech III gulden, mich II ende mijnen knapen I gulden.
Item Thys Kluyt was kijfflick geweest mit eynen man, den hy gewondt hadde, soe genass der man der wonden endeleefden eyn lange
tyt dair nae, soe vielt dat der selve man starff, die gewondt was geweest ende ich lacht den man aen dat der gewonnen man van Thys
quetzingen gestorven were, dair van gebuert XX gulden.
Ind ich hadde van den selven II gylden ende ynt gelaech I gulden.
Item van Sybrecht van Brede van gewynne gebuert XIIII gulden
Ind ich hebbe dair van genoeten I gulden.
Summa Brede LIX gulden.
Zeuenhem
Item Heyn van der Heyden V mr V mr
Item Alart van den Stade V mr
Item Johan Borwater V mr
Iten Zeger Borwater V mr
Item Johan Ruelkens V mr
Item Willem Hellinck V mr
Item Geraert van Meerlar V mr V mr
Item Gaertken Pastoirs V mr
Item Herman van der Graest V mr
Item Heynrick Smeet V mr
Item Gerit van den Monnick hoeve V mr
Item Geraert Cleyster V mr
Item Kathrijn Duvels V mr V mr
Summa XVI V marken maken XVI gulden XVIII kr VIJ gr.
Item van compositien van Henneken Clever van synre vrouwen wegen, die mich docht dat sich in eynen eyt vertast hadde, gebuert V gulden
Item Willem Noet hadde eynen grave vor der ynne gestreetken dan syn was, dair van gebuert XXIII gulden
Ind ich hebbe des gehadt II gulden
Item van gewynne van Henneken Zegers gebuert II gulden XXV kr VIIIIJ gr
Item van Stijnken Poets 1 gulden XXV kr VIIIIJ
Item van Geraert van Kronenborch 1 gulden XXV kr VIIIIJ gr
Item van Johan Spapen XIII stuver maken XXXVIII kr VIJ gr
Item van Henne van Hese I gulden
Item van Thys here Walravens VII gulden ad XVIIIIJ stuver maken VI gulden XXIIII kr VI gr
Item van den nyen erve van IIIIjaeren, ellix jairs 1 gulden gebuert, maekt IIII gulden.
Summa Zevenhem LXII gulden L kr en VIIIJ gr.
[afbeelding 0001-1591_005]
Item soe light die banck van Zwolgen stylle dair ich nyet gebuert en hebbe meer dan V teende ganse ad I stuver maecken XII kr XIJ gr
Summa Zwolgen XII kr XIJ gr
Wansem
Item Jacoep van Holtese uyt den lande van Kuyck droegh eyn lanck metze tot Wansem, dat verbaden was te dragen, dair omme der
bade Jacop mit den rechten besat, die uyt der besettingen (gevangenis!) gaen wolde ende mit onseghe was, den ich aen die hant
krege ende mit den rechten aenspraecke die componiert heefft, dair van tot behueff myns genede lieue here gebuert L gulden.
Ind ich hadde des eynen kast ende mijne knecht II gulden.
Item eyn knecht was mit Jacop tot Wansem, die eyn lanck metz droegh, baven dat verbot, dair van gebuert V mr, maken I gulden IIII
kr VIJ gr.
Summa Wansem LI gulden IIII kr VIJ gr
Lottum
Item Peter Hennekens V mr
Item Bele Goeskens V mr
Item Penne V mr
Summa III mr kr ad XXIIII stuver maken III gulden XXX kr XII gr
Item op sent Mertyns dage van tsijns mynre vrouwen van Nuyse, als men des gewoenlick is, gebuert XII stuver maken XXX kr XII gr
Item van Derick Naelen die ruekeloes geweest was, gebuert X gulden.
Summa Lottum XIIII gulden X kr en IIIIJ gr.
Ray (Venray)
Item Jan Duyse van Oestrum was beauchticht (?) mit eynen ongevall van eynen doetslach, dair hy by gewest solde syn, dair van tot
behueff mijns genedigehere gebuert XLV gulden.
Item des hebbe ich genoeten II gulden, myn knechte II gul ende II gulden ynt gelaech.
Item Heynken Bystervelt, die by eynen doetslage geweest was, den ich ter Horst gevuert hadde dair van in behoeff myns genedige
lieve here gebuert C LXJ gulden.
Ind des hebbe ich gehadt ende genoeten II gulden, myn knechte II gulden ende III gulden ynt gelaech.
Item uyt den renten van Ray van Willem Kelner nae doede Jonckfrouwe Elsen, dat haere lijfpensie was, gebuert XX gulden.
Item Lemmen Thys hadde kuylen te nae den wege an den venne gesteecken, dair van gebuert XVI malder haveren ad IIIJ stuver,
maecken VI gulden.
Item noch van de selven Lemmen Thijs, dat hij in der gemeynte gesteecken hadde, dat den schutter ende mich van wegen myns
genedige lieve here tuebehoirt nae der alder gewoente, gebuert II broecken, dair ich myne genedige here nyet van en reecken.
Item van Pouwels van Dijke tegen syne broecke, die noch tegen die scepenen nyet gezeekert en sijn, gebuert III gulden XXV kr VIIIIJ gr.
Item van den hoeve tot Orle, die Vogelcamp was, den ich tot Ray mit den rechters gewonnen hebbe, gehadt XIX malder rogge,
soe gildt der selve hoff der kircke tot Orle 1 malder rogge, soe hebbe ich dair van tot behueff myns genedige lieven here gebuert
XVIII malder rogge ad IJ gulden, V malder boeckweyts ad XIIII stuver ende VIII malder evenen ad VIIJ stuver, maeckt tsamen XXXIII
gulden XXV kr X gr.
Summa Ray mit den hoeve tot Orle II C LXIX gulden.
[afbeelding 0001-1591_006]
Ter Horst van Renten:
Item van thijnse gebuert XXI gulden
Item van der assysen X gulden XXV kr VIIIIJ gr
Item noch van der assysen van sent Remaeckels misse (3 sept.) bis ons vrouwen dach Purificatio (Lichtmis, 2 febr.) gebuert III
gulden XXVkr VIIIIJ gr.
Item van Jacop van den Bussche van gewynne gebuert II gulden XXV kr VIIIIJ gr
Item van Scholt capuynen ter Horst, der is XLIX ad III kr maken II gulden XLIIII kr.
Item van Scholt hoenre XLIII ad IJ kr. maken I gulden XIII kr
Item van pachte van eygeman IIIJ malder rogge; van Jacop Messen 1 malder rogge; van der Jouffr. van der Horst V vaet rog;
van der nijer teende VIIJ maldr rogge; van de hoeve tot Berchem VIIJ malder rogge pacht maten; van der molen tot Zevenhem IIJ
malder pacht maten te weten XJ malder pacht maten, maken X malder en noch gebuert van den moelenen ter Horst mit den VI
malder rogge, die Jacop Schriver hadden XLVIII malder rogge maeckt tsamen LXX malder V vaet rogge. elkemalder IJ gulde maken
C VI gulden XII kr XIJ gr.
Item noch van den molener ter Horst gebuert XII maldermalts, elke malder XIII stuver maken VII gulden XLI kr III gr.
Item aen pacht evenen ter Horst gebuert XI summeren, die mynen genede heren deyle I malder V vaet,dat malder gerektn vur
VIIJ stuver, maeckt XXXV kr VI gr
Item van der nyer teenden tot Brede gebuert IIJ malder roggen ende tot Blerich IJ malder rogge maken IIII malder vur elke malder
IJ gulden maken VI gulden
Summa ter Horst van den renten ende van den nyen teenden tot Brede ende Blerich tesamen LXII gulden XVII kr X gr.
Summa sumarum van allen opboeren loept VIII C XXVII gulden XV kr VIIIIJ gr.
Item dat halve verckens koenen van der moelen en reecket ich myne genedige lieve herenyet, want myn vurseten desnyet te
reeckenen en plegen ende nyet gewoenlicken is, dan wolden myn genedige heren dat van mich gezekert hebben, soe wolde icj
sijne genade dat altijt gerne reeckenen ende stelle dat aen myns heren genaede.
Item is te weten dat ter Horst II Rijnse gulden gevallen sijn van mess trecken, dair die scepenen dat vordeyl aff hebben ende dair
twee scholteden te sijn plegen, die die ander twee deyle te hebben plegen, soe en reecken ich myns heren genade dair van nyet.
[afbeelding 0001-1591_007]
Item so lever ich mynen genede lieven heren yn restant tot Ray, dat oevermits den scepenen gereeckent is, des ich van den
Baede nyet uytgerichten hebben konnen krygen, dair ich huem ducke ende voel omme versucht hebben, gelyck hier nae
bescreven steyt, behalven die broecken, die bedingt syn ende mit der scepenen noch ongerekent staen.
Item Johan Heeskens V mr
Item Derick Lemmen V mr
Item die vrouwe van Zevenhem V mr
Item Peter Cupers jon V mr V mr
Item Hutman V mr
Item Nese Aleyden V mr
Item Gerit van Lobick V mr
Item Jan van Voerles berch V mr
Item Rut Belen V mr
Item Bele van den Rompe V mr
Item Arnt Boshuys V mr
Item Hutman VIII Rijnse gulden van composicie, dair hy guede burgen vur gesat haefft en die syn geboirt en sal die na rekenen.
Item noch steyt nuch te boeren dat gewynne.
Uytgeven
In den yersten tot der koecken ter Horst, die nye getymmert is per Cramen domini duce ??, aen meister Heynricus den Smede II
C lassnegel, elke hondert XVI kr maken XXXII kr.
Item VJ C sulre negel dat C VIII kr maken XLIIII kr
Item VIC venster negel ende 1 virdel dat C IIII jr maken XXV kr
Item XIIIIJ C latnegel soe aen der koecken ende an der schueren ende vurgeborcht, dat hondert IIII kr maken I gulden VI kr VIJ gr
Item twee bende aen eyn leder die gebroecken waert an der koecken, elke bant II kr maken IIII kr.
Item III anckeren aen die balcken wagen (=wogen) LXII lib,
IX venster gehengen wagen XVIII lib,
II yser roden aen den schoerensteyn, wagen LXIIII lib
IIII bende aen den mantel van den schorensteyn VIII lib
eyn cleyne anckerkyn aen die worme IIII lib
V gelase vensteren, alle vensteren III roden syn XV roden, wegen XII lib tsamen C LXVIII lib, elke lib II kr. maken VI gulden XXVII kr.
Item IX heecke aen die vensteren ende III ryngen, kosten V krumpstert
Item II scuppen dair men den kalck ende leem mit beslagen heefft, elke scuppe VIII kr. maken XVI kr.
Item IIII luchter pypen X kr
Item II emmer op der bruggen gebonden X kr
Item eynen brouwer ryecke VI kr
Item twee holtsnijder hebben holt gesneden XVIIJ dach vur kost ende loen, elken des daghs VIII kr, maeckt V gulden XXII kr VIJ gr
Item drye leijendecker hebben dat gaet bij der koecken tue gedeckt. Die twee elke III dage ende der meister II dage tsamen VIII
dage, elken es daghs vur kost ende loen VIII kr, maeckt I gulden XII kr VIJ gr.
Summa lateris XVII gulden XIIII kr VIJ gr.
[afbeelding 0001-1591_008]
Item Arnt tymmerman ende Johan van Weert verdingt die koecken te tymmeren op huens selffs kost, dair van te loen gegeven IX
Ryns gulden J malder rogh kost XV stuver, maeckt tsamen IX gulden XXXVIII kr VIIIIJ gr.
Item die selve tymmerlude soe vur ende nae aen der koecken ende stellen, buyten dat werck dat verdinght was, getymmert XIIII
dage, elken des daghs vur kost ende loen VIII kr maken II gulden IX kr.
Item meister Jan van Kempen der muere mit twee truffel knechten gemoirt aen der koecken ende voirt die moyr buyten aen der
koecken ende eynsdeyls van den sadell (zaal) ondervangen, elke XIIII dage ende eyn knecht nae gemoirt X dage tsamen LII dage,
lekedes daghs vur kost ende loen VIII kr. maken VIII guldem IIII kr/
Ite, aem kalck gehadt tot der koecken ende sadel V mudde, elke mudde XII stuver, maken III gulden.
Item aen groten groeven (grof?) holt tot der koecken tot stylen, balcken, wormen, sulre plancken ende anderen werck um
XXIIII gulden.
Item soe was dat holt myns selffs, dat ich selve vertymmert solde hebben ende als myn genedige here mich dan deden
schrijven, die koecken van stonde aen te duen tymmeren, soe is dat taxiert geweest oevermits Johan van Weert, Arnt den
tymmerman, Jacop van Schadick, Gerit Spykerman ende meer anderen op die vurscr. XXIIII gulden.
Item tot Venloe gegolden dat vertymmert is aen den koecken aen sparren ende sulre rybben XXVI stucke holts van XXX voeten
ende X braekuyn, elke stucke II stuver maken III gulden XXX kr XII gr.
Item Heyn der Stroedecker gedeckt op der koecken XV dage vur loen ende kost ellix daghs VIII kr maken II gulden XVII kr.
Summa lateris LII gulden XLVIII kr II gr.
Item Tack heefft schyndelen gestreken XV daige vur kost ende loen ellix daghs VI kr maeckt I gulden VIII kr VIJ gr.
Item aen scheuffen gehadt XXXII vymmen, vier vymmen vur 1 gulden maken VIII gulden.
Item eyn hondert latten tot der koecken kosten I gulden XXV kr VIIIIJ gr
Item die van Broickhuysen ende die van Vorst, die twee dorpe hadden mich gegeven VIII M steyns, ende soe myn genede here
dan steyne behoevende was tot syner genade tymmeringe ende die nyet te krygen en waerd, soe hebbe ich myne genedige here
die steyne gelaten dat duysent vur I gulden,maken VIII gulden.
Item due men dat holtwerck op der koecken richden, waeren dair XXVII manne tue geropen, die dair tue holpen, elke eyn maeltyt
ad II kr maken I gulden II kr. VIJ gr.
Item Derick Druwe die alde steyn geveeght, die wedr vermoyrt syn XIIII dage, ellix daghs vur kost ende loen VI kr maken I gulden
XXXII kr VIJ gr.
Item Phaes ouch die alde steyne geveeght VI dag, ellix vur kost ende loen VI kr maeckt XXXVI kr.
Item Jenken Hagens den kalck beslagen ende voirt geopert VIII dage, ellix vur loen ende kost VI kr maeckt XLVIII kr.
Item Johen Nesken den gelasemeker tot Venloe van 6 nyer glase in die koecke III gulden.
Item Heyn die Decker gedeckt ende gestopt op den schueren ende backhuys ende dat eyn eynde nye gedeckt heefft van den
schueren ende gelat IIII dage, ellix daghs vur loen ende kost VIII kr maecken XXXII kr.
Summa lateris XXVII gulden IX kr III gr.
[afbeelding 0001-1591_009]
Item twe operknecht op die selve tjt geopert elke IIII dage, elken des daghs vur kost ende loen VI kr maken XLVIII kr.
Item J C latten tot der schueren, die eyn eynde nye gedeckt is ende voirt verstopt vur XXXIII kr.
Item VIIJ vymme scheuffve, soe nye gedeckt ende verstopt, elken vymme XII kr., maken I gulden XXXVIII kr VIJ gr.
Item dair aen verorbert II C latnegel ad IIII kr. maken VIII kr.
Item op den sadel ende aen der vergaederinge dour die koeken aen den sadel, schuyt verstopt ende gedeckt VII C leyen, die mich
die kirck ter Horst leenden, kosten I gulden XIIII kr.
Item dair toe verorbert XV C leynegel, kost XVII kr.
Summa lateris V gulden IIII kr
Summa totalis van der koecken ende huyse C II gulden XXIIII kr V gr.
Item p. literam..? domin.. duc.. gesant den drosset van Bueren VIII gesellen, die sich ter Horst vergaderden des dijnsdaghs nae
sent Peters dach ad Vincula endewaeren des nachts dair mit tween wagenknechten des avents elke eyn maeltyt ende des morgens
elke eyn maeltijt ad 1 stuver maeckt I gulden.
Item syn die gesellen gevaeren tot Nymegen ende hebben tot Sansbeecke gevoedert ende geteert, verdaen XIII kr
Item die selven quaemen des avents tot Nymegen ende bleven des nachts dair,verteert mit den wagenknechten ende peerden I
gulden XIIII kr.
Item des morgens eir sij te scepe gyngen tot Bueren te vaeren verteert XXV kr.
Item ich gaff den selven ter noet teringen I gulden XVI kr.
Item die selven tot Tyele, due sy nederwaert ende weder op voeren, verteert XL kr.
Item due sy weder van Tyele tot Nymegen komen syn, sijn sy in Zegers huys van Reeckhaven ter herbergen geweest eyn nacht,
soe aen teringen ende den sceeploen van Tyele tot Nymegen ende ende wagenloen haren harnass tot Kuyck te voeren, tsamen
loept I gulden XXXVI kr.
Item die wagen tot Katwick te veergelde dair ende weder gegeven VII kr VIJ gr.
Item tot Cuyck hebbe die selve knecht wat geten ende eynen wagen gehuert huen harnass tot Oestrum te vueren, die teringe tot
Kuyck ende wageloen loept XXXVI kr.
Item des nachts tot Oestrum verteert XXIII kr.
Item die selven des andern daghs ter Horst geteert, elke II maeltyden ad 1 stuver maeckt XLI kr III gr.
Item per litteram domini der gesellen eynen die syn armborst tot Biest (Beesd) ontwee geschoten hadde gegeven II gulden.
Summa lateris XI gulden IX kr VIIIIJ gr.
[afbeelding 0001-1591_010]
Item eynen bade van der Horst tot Arnhem gesant omme meyster Johan den Scerpe Richter, due Heynken Bystervelt ende Johan
Duyse van Oestrum ter Horst gevangen saten, gegeven XVI kr.
Item der scerpe richter quam ter Horst op sent Marien Magdalenen dach en was dair bis des donresdaghs nae sent Bartholomeus
dach, syn tsamen XXXVII dage, ellix daghs vur synen kost II braspenning maeckt IIII gulden XXXIIJ kr.
Item in den dorpe ter Horst vur ende nae verteert in Gaetken Pastoirs huys XXXVII kr.
Item tot Jans van den Grave XVIJ kr
Item den selven eyn par schoen VIII kr
Item vur sinen arbeyt ende kost tusschen wegen huem gegeven II gulden
Item III tess sloet tot den stock ad V kr maken XV kr
Item noch eyn tess sloet tot den backhuys V kr.
Item des anderen daghs nae sent Pouwels dach Conversio eynen bade gesant tot Nymegen aen den borchgreve, omme den scerpe
Richter, des ich op die tyt nyet krygen en konde, den gegeven XII kr.
Item noch eynen baden gesant mit myns genede heren brieff van der Horst tot Langenvelt aen Johan Spede, den gegeven VI kr.
Summa lateris VIII gulden XLV kr.
Item den molener voir synen loen van meydach bis tot ons vrouwen licht dach loept XVI gulden XLV kr.
Item tot der wijntmolen VII C voet plancken ad 1 postulaet gulden maken IIII gulden XXXV kr VIIIIJ gr.
Item Arnt Tymmerman getymmert aen der molen ende heefft dat rutsel versteeft ende dat kamprat verkempt ende schuyffelen ende
beck gemaeckt tot den raede XIIII dage ellix daghs aen loen ende kost VIII kr maken II gulden IX kr.
Item eyn volmoelen verdinght te tymmeren vur V gulden
Item te lycop XIII kr
Item vur die steve tot den rutselen ende kemme tot den kamprade vur I gulden.
Item die man die sy tymmerden die wyle dat hy dat holt dair tue socht, hadde hy ende syn son dair bennen VI maeltijden ad II kr
maeckt XII kr.
Item aen yseren werck dotter volmolen XVI schenen, eynen beytel wagen (wogen) XXXIIII liber, dat lib II kr. maecke 1 gulden XVI kr.
VIJ gr.
Item III platen dair die ass op loept XIIII kr.
Item J C spykernagel IIII kr
Item IJ veerdel lassnagel VI kr
Item II grote yseren nagel dair die hemer in gaen, wegen VIIIIJ lib ad II kr. maken XIX kr.
Item twee holtsnijder tot den molenen holt gesneden II dage, elken des daghs vur kost ende loen VIII kr. maken XXXII kr.
Summa lateris XXXIIII gulden XXIIII krompstert III gr.
[afbeelding 0001-1591_011]
Item dat molen yseren op der wyntmolen gezweert, kost XXXVI kr.
Itm IJ veirdel spijkernagel tot der molenen III kr.
Item I veirdel spondnagel I kr.
Item die spylle gesteelt in der watermolen, baven ende benedenkost XVIII kr.
Item eyn nye bille IIII kr
Item Heyn die decker gestopt op der water molen III daig, ellix daghs vur kost ende loen VIII kr., maeckt XXIIII kr.
Item dair op verstopt III vymmen scheuffne ad XII kr. maeckt XXXVI kr.
Item der heren veteren (?) in den dorpe dair aen gemaeckt eyn cluyster ende 1 pin kost XVIII kr.
Item eynen sloetel tot den cluyster aen der oeverster bruggen II kr.
Summa lateris II gulden XXXIX kr.
Summa totalis van den molen loept XXXVII gulden XI kr VIIIIJ gr, soe beloept myns genedige heren deyle, want synen genaden dat
nyet den halff en hovet te betalen XVIII gulden XXXI kr VIII gr.
Item des gaedensdaghs nae Paeschdage quam ich tot Grave omme mynre reeckenscapp wille to duen ende was ladair mit II peerden
VII dagen ende nacht mit eynen pert verdaen dach ende nacht J schilt maken V gulden XII kr. XIJ gr.
Item mijns heren genaden bevalen mich, dat ich weder tot Grave weer des sonnendaghs nae Beloken Paesschen, dat ich gedain hebbe,
als mijne genade here mich bevalen, ende was tot Grave II dage mit II perden, verdaen I gulden XXV kr J gr.
Item per litteram ducis des guedensdaghs nae den sonnendaghs Jubilate gereden tot Grave ende was dair III dage ende nacht mit II
perden, verdaen II gulden XII kr XIJ gr.
Item per litteram ducis des dynxdaghs nae den sonnendage Cantate gereden tot mynen genedige here tot Arnhem omme des Aempts
wille van Derick van der Horst ende was dair mit II perden X dage ende nacht, verdaen VII gulden XXV kr VIIIIJ gr.
Item ten selven maele van bevele mijns genedige here in tegenwerdicheit synre genade Rede, gereden omme die II C gulden, die
Derck van der Horst hebbe solde, die mich myns heren genade bevalen te halen tegen des neestenvrydaghs, dat ich also gedaen
hebbe ende bracht die II C gulden tot Arnhem ende aldair bleeff eir ich mijn aempt brieve krygen konde mit II perden, IX daga ende
nacht, verdaen VI gulden XXXVIII kr VIIIJ gr.
Item due ich dat aempt aen name ende die lantscepen ter Horst waeren, soe yst gewoenlick dat der Aemptman dat gelaech gyldt,
was III gulden XXV kr VIIIIJ gr.
Item der rentmeister ende koekenmeister waeren eyn nacht ter Horst in Johans huys van Rijsenbeeck, verteerden aldair dat sy mich
bevalen te betalen II gulden.
Item tot Ruremunde op der gaffelen eyn gelaech daer der marschalck, koekemister ende rentmeister ende meir myns genedige heeren
vriende by waeren, betaelt II gulden XXXVII kr.
Item eynen knecht omme heymelicker saecke wille, die ich mijnen genedige heren wael seggen sall, gegeven II gulden.
Summa lateris XXXIII gul XXIIII kr IJ gr.
[afbeelding 0001-1591_012]
Item per litteram domini ducis des sonnendaghs post octavas (?) Sacramenti gereden tot Arnhem by mynen genedige here ende was
dair eir ich den orloff van synen genade krygen konde mit II perden XXII dage ende nacht verdaen XVI kr VIIIIJ gr.
Item per litteram domini des donresdaghs nae sent Peters dach ad vincula gereden by myns heren genade tot Grave ende was dair
met II perden V dage ende nacht verdaen III gulden XXXVIII kr VIIIJ gr.
Item per litteram domini Gobbelinus gegeven XXI nye rijdr gulden, maken XVIII gulden XLVI kr I gr
Item Derick van Oest per litteram domini gegeven XIII nye rijder gulden maken XI gulden XXXVI kr I gr
Item Cantate mijnen genedige Jonchere gedain oevemits Reynken van Holthuysen IX gulden.
Item myn genedighe here scrieff mich tot Duysborch te komen des manendage nae Remigii ende was tot Doesborch, tot Arnhem ende
tot Rosendael mit III perden VII dage ende nacht verdaen VII gulden XLV kr I gr
Item per litteram domini gereden tot Grave des satersdaghs nae sent Elizabette dach by mynen gnedige here ende was dair mit III
perden, eir ich van myns heren genade orloff krygen konde XIIII dage ende nacht verteert XV gulden XXXVIII kr VIIIJ gr
Item ten selven mael waert eyn dach geraempt mit consent myns heren genade tusschen Derick van Blytterswckende mich tot Grave
ende was dair soe ich geyne orloff krygen en konde omme des Richter Aempts wille op Veluwe mit III perden VI dage ende was voirt tot
Arnhem IIII dage tsamen X dage maken XI gulden XII kr XIJ gr.
Item per litteram domini des manendaghs nae Kersdage gereden by myns heren genaden tot Grave ende was dair mit III perden VI
dage ende nacht verteert VI gulden XXXVIII kr VIIIJ gr.
Item per litteram domini des guedensdaghs nae sent Lucyen dach mynen genede lieue heren gedain X gulden.
Summa lateris C XI gulden XXIIII kr IIII gr
Item per litteram domini duc.. des satersdaghs nae derteen dach gereden tot Grave by myns heren genaden ende was dair mit III
perden II dach ende nacht verteert II gulden XII kr XIj gr
Item des dynxdaghs nae sent Pontien dach hadde ich die menne van Helden, Brede en Zevenhem ter Horst duen komen omme des
gedinghs wille tusschen Derick van Blytterswick ende mich vom myns genedige here wegen, die selven verteerden soe ter Horst ende
tot Zevenhem 1 gulden ende XLIIII kr aen bier ende IIII rogge broet II kantartt XXXII kr. maeck tsamen II gulden XXIIII kr VIJ gr
Item due Heynken Bystervelt gevangen wart des morgens mit den genen die dair tue gebaedt waeren, verteert XXIII kr.
Item tot Zevenhem hebbe ich Jenken van Dycke van wege myns genedige here mit den recht tue gesproken, des die scepenen van
Zevenhem nyet wys en syn geweest, ende beriepen sich des aen haere hoefft tot Kessl, dair ich die voirt gevuert hebben ende die
schepenen van Kessel wesen dat voirt tot Ruremunde, dair dat noch steet ende des nyet en hebbe konnen gehalen, soe dat recht
tot Ruremunde light, soe beloept de kost van de scepenen X gulden, den elke pertye halff gelacht heefft, bis der tyt dat vonnisse
gegaen is, soe hebbe ich van wegen myns genedige here verlacht V gulden.
Item ich dede eynen kommer van wegen myns genedige here tot Brede op have ende guet, dat tue behoirden eynen geheyten
Wyenhoeven, den ich den kommeer kont duen moest, dat heefft gekost vur ende nae dat mich der bade gerekent heefft 1 gulden
XXVIII kr.
Ich tot Blerich hebbe ich ouch eyn ordel staen van wegen myns genedige here tegen eynen geheite Hoefftken, dat ouch van
Kessel tot Ruremunde geheyst is, soe hebbe ich den halven kost verlacht, die loept III gulden XXV kr VIIIIJ gr
Summa lateris XV gul XII kr IJ gr
[afbeelding 0001-1591_013 + 014]
Item soe heefft den kommer van Groetvoets son gekost te vervolgen ende kont te duen XXX kr XII gr
Item per litteram domini des vrydaghs nae Pauli myne here van Batenborch ende den koekenmeister gequit in der herbergen ter
Horst mit XIII perden eyn nacht III gulden XXVI kr.
Item huen veergelt betaelt tot Kessel XVI kr.
Item ten selven mael per litteram domini den koekenmeister gedaen V nye ryder gulden maken IIII gulden XXV kr VIIIIJ gr.
Item den vurspreken die mich in behueff mijns genedige here gedyent hebben gegeven V gulden.
Item Johan van Aken gegeven 1 rijder gulden ad XVIII stuver maeckeen XLVI kr V gr.
Item gereden tot Venloe aen der stat mit eynen geloeve brieffvan myne genedige here omme voegelcamp wille uyt geweest eyn
nacht mit II perden, verdaen XXXVIII kr VIJ gr
Item soe ghyfft myn genedige lieve here mich des jairs van den huyse ter Horst ende van den Aempt slants van Kessel C gulden.
Soe hebbe ich dat verwaert van sent Vijts (Vitus) dach bis onss vrouwen licht dage ( 2 febr.) toe, die tyt is XXXIII weken, soe lopet
die summe nae beloepe des tijtz LXIII gulden XXIIII kr VIII gr.
Item desgelyx vur den portener des jairs XXI Ryns gulden, soe loept die summe nae beloepe des tyts XIII gulden XII kr VI gr.
Item vur mynenbrant des jairs IX gulden.
Item soe gheefft myne genedige here mich noch van den Scholteden Aempt (scholtis ambt) te verwaeren des jaers LX rynsche
gulden, soe hebben ich dat verwaert van des guedebsdaghs nae den heyligen Paesch dah biss onss lieuer vrouwen licht dagen
tue, die tijt is XLIIII weken, soe lopet die summe nae beloepe des tijts L gulden XL kr.
Item des gelyx gheefft myn genedige lieve here mich des jairs LX malder haveren ende gerekent die twee malder vur I schilt, soe
loept die summe nae beloepe des tyts XIX gulden I kr VI gr.
Summa lateris C LXXI gulden IIII kr VIIJ gr.
Item Derick van der Horst gedain V C gulden die ich te schaiden geworven hebbe, dair van reecken ich van XV gulden eynen
des jairs, soe is die tyt vansent Vijts dach bis onser vrouwe licht dage XXXIII weken, soe loept die summe nae belope des tijts XXI
gulden VI kr III gr.
Item van den Reeckenscappen te maken ende te scryven gegeven I gulden XXXVIII kr VIIIJ gr.
Item noch den schutten van hoeren soldyen XIII ryder gulden valet XI Rijnse gulden XXXVII kr.
Summa lateris XXXIIII gulden XXX kr V gr
Summa summarum van allen uytgeven loept V C VII gulden III gr
Op ende affgeslagen dat uytgeven tegen dat opboeren, soe belopet dat opboeren meer dan dat uytgeven III C XX rynse
gulden XVJ kr.